Nehemías 7:2 - Toba del Oeste2 Nach'e ena'am je'n najoĝola'te jena'me noic jo'ne Jerusalén ñe'me mach'e yaqaya jo'ne lenaĝat da'me Hananí, choqoñe'me Hananías, coicopi lejaliaĝane'j jo'ne chimaqachiñe nataq'aen yoqo'cha ñe'me Qanedios, jiyaĝaua jo'ne qaya'te ena'am. Gade chapit laLa'aqtaqa Ñim Lo'onatac 'Enauacna 20132 Qaq so ỹaqaỹa Ananí, qalaq sanem da ilo'ogue ye Jerusalén, qaq so Jananías qalaq sanagui da lataxala' so ilotague' so nauanaxanaqa', cha'aye somaye ỹataqta huo'o naq 'enec naqa'en Ñim Lo'onatac 'Enauacna, qaq saq 'ena'am so laỹepi shiỹaxauapi. Gade chapit la |
nataq'aen jaga'me adediije jo'ne yelo'ta ñe'me Asaf jo'ne neteloqo't jodi'me 'nonaĝa jo'ne adoĝot, am jaliaĝanec, jo'ne ya'uo da'me lecochaĝac jo'ne jouetaque, qaedi yitaĝa 'ñoĝojeguem jogaa'me lael ñe'me tamenaĝaiqui choqogaa'me lael joga'me noic, nataq'aen qaedi ja'uo ga'me emec jo'ne jonaue.» Qama'le ñe'me jaliaĝanec Artajerjes jayem yanem yema jenjo', qa'a da'me lichoĝodenataĝanaĝac joñe'me Dios jayem ue'tajop.
Qama'le jauo'oe jogaa'me yelolo'te jogaa'me najaqae's: ñe'me tamenaĝaiqui lo'o Selemías, nataq'aen joñe'me daĝanaĝaic Sadoc choqoga'me Pedaías jo'ne chiyaqauelo jogaa'me levita laje', qama'le jen necochoqo't ñe'me Hanán, jo'ne c'oĝot ñe'me Zacur, nataq'aen laual ñe'me Matanías. Naajo' jiyaĝa'u ja'amaqate'n qa'a yataqachiñe yataqatelo'te, qama'le nach'enaua yanema joga'me yali'j jogaa'me laqaya't.
Mate mane'e jogaa'me 'uaediñe najoĝola'te ch'e ye'uejoda jogaa'me jiyaĝadipi, qa'a noloqo'ote da'me qoyejeteneque gaa'me cuarenta nemenal jo'ne plata qaedi quetot joga'me yali'j nataq'aen joga'me lataĝa. Chayovida'alo jogaa'me namaĝa's etedapega ca'li da'me napacalo'te jogaa'me judiopi, qama'le jetaque yepitaqatedac da'me jetaque ni'yoĝodelo'te jogaa'me laqaya'. Qalaĝaja da'me jayem qamqa'me ja naq'aeta da'me ja'uo, qa'a yataqata jeuate'ca joñe'me Dios.
Qama'le janema da'me 'yaqatac, jenaac: «Jogaa'me jo'mi jena'me Jerusalén, ja jetaque qo'youatedegue qom maliaĝa ja nenoĝojeguem jañe'me ajeua. Nataq'aen 'noota qom qoyapadiñguilo nale javit, da'me maliaĝa uo'oe jogaa'me jom nevitoqo't, qama'le qoyauo'oe jogaa'me legaĝajetel jo'ne 'yañaĝachidiñe. Qama'le jogaa'me netedaue di'me Jerusalén, auauoyipiyi jogaa'me nevitoqo'tpi qaedi yelolo'te jogaa'me jo'mi, jogaa'me jo'ne 'uo da'me uaqa'ta 'noota qom e'n t'añañi, nataq'aen gaa'me laqaya' jo'ne dajo'tagueta jogaa'me mach'e 'lachaqa'te.»