Nehemías 4:2 - Toba del Oeste

² Ca'li male yomat joda'me le'uenaĝanaĝac, dajoyilo qaedi dojapegue'to jogaa'me mach'e lecochaĝa'u nataq'aen gaa'me coico laje' jo'ne mach'e 'lachaqa't di'me Samaria, qama'le enaac joñe'me: «Naajo' jo'ne yataqata choĝodache jo'ne judiopi, ¡etapela'ajalo yayate'n joga'me 'yetedac! ¿Qo'li qauaje'tema ta'le yitaĝa yauote joga'me lajaqaje'j qomle? ¿Qo'li etedapega onolec nolo' da'me paja'a yema yoma't da'me 'noĝodijeguem, uotaĝa da'me yaqanate't ta'le yacone'ualo jogaa'me lojochel jogaa'me qadi jo'ne joote nec'atague'j?»

La'aqtaqa Ñim Lo'onatac 'Enauacna 2013

² Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Nehemías 4:2 Referans Kwoze

Zacarías 12:8

Jayem jo'ne Jaliaĝanec yataqata jetelalo gaa'me neteda'ña di'me Jerusalén. Jogaa'me ca'li choĝolaĝayaqa naqaegaua qomle yataqata 'uañaĝayaqa, eda'am ca'li di'me jaliaĝanec David, qama'le gaa'me chiyoĝoteguet di'me David da'me lañoqotaĝanaĝa'j jen ena'am qomle da'me mach'e yañoqotaĝanaĝac, eda'am joñe'me yamaĝajec piyem le'ec jo'ne 'uautegue, dajoteda'ye nale jogaa'me.

Habacuc 3:2

Am Jaliaĝanec, joote jayem qo'yaĝatem gaa'me at'onataqa let'adayaqa joca'li aue'uolo'te joga'me ac'oqo'tepi, qama'le yataqata en jayem najaqachigui da'me yauategaĝa. Chane'eja male yitaĝa aua'uo nayi naa'me naajo' noloqo'ote da'me qo'mi nec'alaĝatedegue, qaedi male jauanaĝa qama'le yataqata am jayatenaq. Uotaĝa eja te'me 'uo da'me adalemataic, qalaĝaja qo'mi aualoĝonalo qomle da'me adichoĝodenataĝanaĝac.

Nehemías 12:43

Jo'me jojo' nolo' male yeguedoue jogaa'me jalcote lajaqae's, qama'le jogaa'me jiyaĝadipi jalcote joda'me lamai'j jouaĝat joñe'me Jaliaĝanec en made'tape. Nach'e ena'ama jogaa'me yauodipi choqogaa'me ñoqolqapi yataqata made'tape ca'li, qa'a jouaĝat joñe'me Dios yanema joga'me lamai'j, qama'le joga'me lajamaqa't qaya'ague da'me qodomachiya, chimaqapi'ña di'me Jerusalén.

Nehemías 4:10

Yem da'me dojo' qama'le jogaa'me jiyaĝadipi jo'ne Judá laje' enapega't: «Jogaa'me jo'ne naqatedegue joga'me qa' lojoche yataqachiñe nelidiñi, qa'a jalcote joga'me jetaque jiyojoq. Chane'eja da'me qo'mi male ja jetaque qolaĝalegue ta'le qa'noĝojeguem jena'me nequepaĝanaĝat.»

Nehemías 12:27

Da'me yovita jo'me nolo' da'me qonetamelegue joga'me lequepaĝanaĝat di'me Jerusalén, male qoyelapiye jogaa'me levita laje' naa'me napi'ñalo, qama'le qoyaueta di'me Jerusalén qaedi yauote ga'me lemaĝa'j: 'nonaĝachedigui joñe'me Dios nataq'aen t'onaĝa'n, da'me yatoviaĝa'n gaa'me latoviaĝanatal nataq'aen yeviquiñilo gaa'me leviquil.

Nehemías 6:15

Ca'li joote yenoĝodegue cincuenta y dos gaa'me noloqo'ote, qama'le yema ga'me nequepaĝanaĝat di'me Jerusalén male yem, jo'me nolo' jo'ne veinticinco, jo'me auoĝoic sexto jo'ne Elul.

Zacarías 4:10

Jogaa'me ca'li jo'ne ja yataqata e'n eja jenjo', ca'li yemta 'uo jenjo', nayi male made'tape qom yauata joñe'me Zorobabel, da'me male yomat jenjo' 'nonatac.» Yem ca'li joñe'me piyem le'ec yitaĝa enaac: «Naa'me naajo' siete coyadaĝanaqa'te naqaenaua 'lai'te joñe'me Jaliaĝanec jo'ne coletedapelegue jena'me aleua.»

Esdras 4:4

Jogaa'me jiyaĝadipi jo'ne 'lachaqa'tedi e'n lichiguilo jogaa'me jiyaĝa'u jo'ne chiyoĝotegue di'me Judá, nataq'aen jetaque yoqolanaqate't qaedi ja t'onaĝa'n.