Nehemías 3:1 - Toba del Oeste

¹ Qama'le gaa'me tamenaĝaiqui lo'olpi choqoñe'me lejaliaĝane'j jogaa'me, lenaĝat da'me Eliasib, 'noĝodijeguem ca'li joga'me jom jo'ne lenaĝat 'Nanaĝate Ladiiuo, qama'le yadalaĝa't jogaa'me jo'mi jo'ne e'epa. Nach'e ena'am da'me 'noĝodijeguem joga'me nequepaĝanaĝat ga'me noic, chiyoqochi'ña joga'me qayaje'mec jo'ne lenaĝat da'me Hamea chayovida'a joga'me qayaje'mec laqaya jo'ne lenaĝat da'me Hananel. Yem da'me dojo' qama'le qoyanem joñe'me Dios.

La'aqtaqa Ñim Lo'onatac 'Enauacna 2013

¹ Huaña nache so lataxala' na ntaxaỹaxanaxanecpi le'enaxat Eliasib qataq so ltauapi somaye, ỹe'eguelaxalec da ỹa'ara't so lasom maye qailonec da llegueuo ana qaguetapi, ime, nache ỹe'eguelaxatchiguiña so maiche lma' co'ollaxa, nataqa'en no'oxoosheguem so npaqtaxanaxat, chegoqchiguiña aso qailonec lalloxolate so Cien, nache ivitta'a aso lỹa nalloxolate le'enaxat Jananel.

Nehemías 3:1 Referans Kwoze

Nehemías 12:39

Yem qama'le jaĝa'ya joga'me najom di'me Efraín, chayovida'a joga'me nadiiuo laqaya jo'ne lenaĝat Jesaná Ladic, joga'me laqaya lenaĝat Niyaq Ladiiuo, joga'me qayaje'mec jo'ne lenaĝat Hananel, joga'me qayaje'mec laqaya jo'ne lenaĝat da'me Hamea, chayovida'a joga'me jom jo'ne lenaĝat 'Nanaĝate Ladiiuo; qama'le cha'li ñechataĝañi da'me jouaqa'a joga'me nadiiuo jo'ne lenaĝat Najom da'me Nevitaĝac.

Zacarías 14:10

Yema jenjo' aleua onolec da'me nalo'ta't chiyoĝogue di'me Gueba, loiquiaqa' di'me Rimón jo'ne chaje'ma jena'me Jerusalén. Di'me Jerusalén qa'a p'ajeguem, qama'le yataqata qona'ña joga'me, chiyoqochi'ña joga'me Najom di'me Benjamín chayovida'a joga'me jom jo'ne lenaĝat da'me Ángulo (jo'ne ca'li na'ña ga'me Jom Toĝoic), nataq'aen qona'ña joga'me qayaje'mec jo'ne lenaĝat da'me Hananel, chayovida'a yovita ga'me 'netaĝaiqui jaga'me uva nale qoye'et ga'me lataĝa, jo'ne jaliaĝanec loĝot.

Nehemías 13:28

Qama'le 'uo joga'me c'oĝot joñe'me Joiadá, nataq'aen mach'e laual joga'me tamenaĝaiqui lo'o Eliasib, nataq'aen da'me 'lonaĝanec joñe'me Sambalat jo'ne Horón le'ec; te'me ue'ta jena'me yae ca'li, qalaĝaja paja'a da'me jen ca'e jena'me joue'ta.

Nehemías 3:32

Jogaa'me jo'ne ye'e'tape nale jogaa'me jo'ne laicaua da'me 'loyaĝa'j, nataq'aen jogaa'me jo'ne menaĝayaqa, qamqa'me yoqotedo'uet joga'me 'nonatac joga'me taiteuo qama'le 'noĝodijeguem chayovida'a joga'me 'Nanaĝate Ladiiuo.

Nehemías 12:30

Qama'le male niyola'ajalo jogaa'me tamenaĝaiqui lo'ol nataq'aen gaa'me levita laje'; yem qama'le e'n niyola't yema joga'me jiyaĝadipi nataq'aen niyoidiñe ga'me nequepaĝanaĝat choqogaa'me najo'mi.

Nehemías 7:1

Chane'eja ca'li male qauomat joga'me qat'onatac da'me qa'noĝojeguem ga'me nequepaĝanaĝat jena'me Jerusalén, nataq'aen da'me qauanayelo jogaa'me jo'mi, qama'le qoyen yelodelegue dojo' 'nonataĝanaĝac jogaa'me jom lo'ol choqogaa'me onaĝanaĝayaqa, nataq'aen gaa'me levita laje' laqaya'.

Nehemías 6:1

Qama'le joñe'me Sambalat, joñe'me Tobías nataq'aen ñe'me Guésem jo'ne Arabia le'ec, choqogaa'me qadaute'u laqaya', nomeda'a ca'li da'me male jomataq da'me jadalaĝataq jena'me nequepaĝanaĝat jena'me noic, qalaĝaja maliaĝa ja qoyanayelo jogaa'me najo'mi.

Nehemías 3:20

Qama'le p'ayalegue joñe'me Baruc, mach'e lec'oĝot ñe'me Zabai, da'me 'noĝojeguem en nequejaĝan joga'me 'lonatac jo'ne yelo'ta joga'me najom ga'me 'lachaqa' joñe'me Eliasib jo'ne tamenaĝaiqui lo'ol lejaliaĝane'j.

Nehemías 12:10

Joñe'me Josué 'uo ñe'me c'oĝot lenaĝat Joaquim, joñe'me Joaquim 'uo ñe'me c'oĝot lenaĝat Eliasib, nataq'aen ñe'me Eliasib 'uo ñe'me c'oĝot jo'ne Joiadá;

Nehemías 3:21

Joga'me jo'ne p'aya'aguet jo'ne yelo'ta joga'me najom ga'me Eliasib 'lachaqa' chayovida'a joga'me 'lemec loiquiaqa' qama'le ye'et joñe'me Meremot, mach'e lec'oĝot ñe'me Urías, da'me nataq'aen laual joñe'me Cos.

Nehemías 13:4

Ca'li jona'li yenoĝodegue naa'me naajo', joñe'me tamenaĝaiqui lo'o lenaĝat Eliasib joote qoyen yelolo'te jogaa'me emaqa jo'ne lete' gaa'me najaqae's jo'ne nedaue joga'me tamenaĝaiqui. Da'me Eliasib mach'e laqaya joñe'me Tobías,