Nehemías 1:4 - Toba del Oeste

⁴ Ca'li male jomachiya da'me dojo', male joñiiñe qama'le ñoyen, qama'le qayoĝode' jogaa'me noloqo'ote da'me 'uo da'me nayaliaĝac jo'ne jayem ue'tajop; ñoqouaqatela't, qama'le ñetamenot joñe'me Dios jo'ne na'ague di'me piyem.

La'aqtaqa Ñim Lo'onatac 'Enauacna 2013

⁴ Qaq can sa'aqchigui de'era nache ñeso'ooñi da ñeỹen, nache huo'oi soua na'axa'te da huo'o da ỹaquicoxo qataq ñeqouaqchet, qataq ñatameetacot Ñim Lo'onatac 'Enauacna maye ilotague' na piguem.

Nehemías 1:4 Referans Kwoze

Esdras 10:1

Ca'li maliaĝa yejoquetedañe naa'me leliquetel ñe'me Esdras, dajoya'uet joga'me netamenaĝaiqui joñe'me Dios da'me 'yaĝatetac joga'me loec ga'me noic, qama'le jalcote gaa'me jiyaĝadipi qoyema'a ca'li, choqogaa'me yauodipi nataq'aen ñoqolqapi, jalcote da'me noenaĝa'j, qa'a yataqata totelo'te.

Nehemías 2:4

Ñe'me jaliaĝanec male jayem yenat: «¿Jach'e ga'me jo'ne jayem auajelaĝanot?» Jayem jajela joñe'me Dios jo'ne na'ague di'me piyem,

Sofonías 3:18

ena'am ga'me nolo' nale qoya'uo neualayaĝaiqui. Joñe'me Jaliaĝanec yitaĝa ya'uo da'me 'laqatac, enaac: «Male jen anec'alegue, qa'a jen oca'e qomle da'me ja no'en jo'ne te'me am qoyamaĝaguet ca'li; am joĝotaĝanec qomle da'me adepocoĝoc jo'ne te'me am yep'aĝañe ca'li.

Esdras 9:3

Ca'li janoma'a jena'me jenjo', qama'le jecolaĝata'aguelo naa'me yeuo lael, 'ñotec jena'me yayoĝot nataq'aen jena'me yaqa' layoĝot, qaedi jayem qoyauana da'me 'uo ga'me jec'on, nataq'aen yataqata 'uo da'me jayem totelegue, qama'le jonaue jena'me aleua.

Jonás 1:9

Jonás 'yategueta jogaa'me jo'ne yenatetedac, qama'le enaac: «Jayem hebreo le'ec, nataq'aen da'me naqayem ja'uo nemaĝac jo'ne chiyaqayi joñe'me Jaliaĝanec, ñe'me Ñedios jo'ne na'ague di'me piyem, ñe'me jo'ne 'lonatac jena'me aleua, choqona'me noĝop; ñe'me jo'ne te'me jajo'yem.»

2 Samuel 12:16

Chane'eja ñe'me David nachoĝodenot ñe'me Dios jouaĝat ñe'tae'me notolec, qama'le noqouaqatela't nataq'aen chayovida'a nale pi'yaq da'me uetaue ga'me aleua.

Esdras 1:2

«Jayem jaliaĝanec Ciro, jo'ne jelolegue jena'me jenjo' aleua jo'ne Persia, male ñenaĝategue jenjo': joñe'me Jaliaĝanec jo'ne na'ague di'me piyem jayem yanem yema ga'me nejaliaĝaiqui jena'me jenjo' aleua, qama'le jayem yamaĝalegue nayi da'me qo'noĝojeguem joga'me netamenaĝaiqui di'me Jerusalén, di'me aleua jo'ne Judá.

Esdras 9:5

Ca'li joote 'nalchiñe, da'me male qoya'uo joga'me najaqajec, qama'le yemta jaĝañi da'me yachoĝodaĝaiqui. Maliaĝa ja ñaqa't naa'me yeuo lael jo'ne yataqata colqa'aguelo, qama'le jejoidiñe naa'me yeliquetel, ñodedegue naa'me youa', qaedi ñetamenot joñe'me Jaliaĝanec mach'e Ñedios.

Nehemías 2:20

Qalaĝaja ja'ategueta ca'li: «Ñe'me Dios jo'ne na'ague di'me piyem, nach'eñe qo'mi ue'tajopa, qama'le qo'mi mach'e nejoĝonaqa jetaque 'ñoĝonaĝajeguem qomle jena'me noic. Qalaĝaja da'me ami qaya'te auaqanachichi, nataq'aen qaya'te adajo'viyaĝaqui, nataq'aen ja ami 'te qoyouetapiye jena'me jenjo' Jerusalén.»