Nahúm 3:6 - Toba del Oeste

⁶ Nataq'aen am jajaĝalegue joga'me nejepaĝanaĝa, qaedi am ualegue joda'me ja am 'te qo'nonaĝachigui; male am qoyec'atetac qama'le yataqata am qoye'uetac.

La'aqtaqa Ñim Lo'onatac 'Enauacna 2013

⁶ Nache 'am sasaxalec qome na nshepaxanaxa, qataq sauo'o da 'ara'agaxa nache 'enauac 'am qaimeteetac.

Nahúm 3:6 Referans Kwoze

Malaquías 2:9

Chane'eja jen jena'me noic da'me male yataqachiñe ami qoniquiya'alo, nataq'aen male ja ami 'te qouate'calo, qa'a yajouaĝat da'me ja jayem 'te auoqochiiya, nataq'aen da'me ja yema ga'me jiyaĝadipi ta'le auacoñiyegueta nale auapaĝaguenataĝañi.» Naq'aeta da'me 'laqatac joñe'me Dios jo'ne yataqachiñe qaya'te yaqalatac.

Nahúm 1:14

Am lejaliaĝane'j jogaa'me Nínive laje', am yamaĝalegue joñe'me Jaliaĝanec, enaac: «Qaya'te ta'le ac'oqo'tepi jo'ne nichiquetedaye qaedi chiyoĝoguet da'me adenaĝat; jolaĝat qomle ga'me netamenaĝaiqui joga'me auep'iyapega, chayovida'alo jogaa'me auep'iya'alo jo'ne ch'e 'nonataqa, qama'le eja jen oca'ñgui da'me am jejiñe, qa'a yataqata am ja no'en.»

Malaquías 2:2

»Qom ja jayem 'te auoqochiiya uotaĝa ta'le jayem auachiquiya'a, qama'le ami jachalo'te da'me ja no'en adachoĝodequi qomle. Qalaĝaja joote jen tayi da'me yalemataic joga'me te'me ami jichoĝode'n jo'ne chiyaqayi nale da'me at'onataĝanaĝaqui, yajouaĝat da'me ja eja da'me jayem auep'iiya'a. Qa'a naqayem Jaliaĝanec jo'ne ñapacalegue ena'uac, qama'le yataqachiñe eja naq'aeta da'me ja'uo qomle.

Sofonías 2:15

Nach'ena jenjo' qo'yetec qomle ga'me noic jo'ne 'yoĝodenaĝaic, jo'ne yataqata netelela't. Joga'me jiyaĝadipi dojetapega't nale, nenaĝatedegue da'me qaya'te ena'ama jena'me jenjo' aleua. Qalaĝaja, ¡nayi male qoyen totapega't! ¡Male uetedaue ga'me yejidipi jo'ne diquiya'ape! Qama'le gaa'me tadelegue di'me noic, yataqata yoqochetem qomle qama'le ye'uetedac jodi'me.

Habacuc 2:16

Uotaĝa auetapega am ue'tajop ga'me adamaic, qalaĝaja ja naq'aeta, maq da'me am ue'tajop qomle da'me adepocoĝoc, qa'a joñe'me Jaliaĝanec 'uo joga'me am niyomaĝañgui jo'ne yataqachiñe chem: male ja am 'te qo'nonaĝachigui, dite da'me am qoye'uetac qomle.

Malaquías 2:3

»Yataqata jalematayalo qomle jogaa'me ac'oqo'chedi', nataq'aen jajaĝaque joga'me jiyac latec naa'me adatajoĝocodi', late'j jogaa'me nelopi jo'ne te'me adajaqajequi nale. Chane'eja qom qoyepoloq ga'me jiyac latec qama'le da'me ami nach'e ena'am oviyauelo.