Nahúm 3:11 - Toba del Oeste

¹¹ »Chane'eja nach'e ena'am da'me am Nínive, am qoniyomaĝañgui qomle ga'me lataĝa, qama'le am taĝaic; 'uo da'me adepocoĝoc, qama'le anañoĝotetapiñe, nataq'aen auelotaque ga'me am yic'olegue, yajouaĝat da'me am dajo'tot jena'me adauteua.

La'aqtaqa Ñim Lo'onatac 'Enauacna 2013

¹¹ Qaq 'am Nínive, nataqa'en 'am qaitaqchet qome nache 'am qaỹapoua'a, huaña qome nache 'anmittaique ca 'anqañoxotaqa' souaxat na 'anpa'aguenaxauapi.

Nahúm 3:11 Referans Kwoze

Nahúm 1:10

Qa'a aueñiya'am jaga'me yaĝat nale yataqata qaqata, uotaĝa auaqapi qaqata jo'ne qoyegouelo, qama'le qaya'te 'niyoĝot.

Oseas 10:8

Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

Nahúm 2:1

¡Am Nínive, male am yec'ata ñe'me jetaque am yapalaĝat! ¡Auanedalegue ga'me adequepaĝanaĝat jogaa'me adeloiquiaĝanaĝanaqa! ¡Auelolegue jona'me naq'aic! ¡Yataqata aniyamaĝateta't! ¡Auemata'a't jogaa'me adeloiquiaĝanaĝanaqa qaedi yataqata 'nañaĝate'tape!

Miqueas 7:17

Qama'le yataqata yipaĝatedoue qomle jena'me aleua, ena'ama jogaa'me nanayaqa nataq'aen yemeda gaa'me jo'ne naqaledelegue jena'me aleua. Qama'le diviloĝo'l nale nenoĝodegue, chiyaqauelo naa'me pataque'te: ¡yataqata jalcote da'me loqolanaqa't da'me am yec'adeta, am Jaliaĝanec, mach'e am Qanedios!

Amós 9:3

Uotaĝa jetaque nañoĝochidiñe di'me p'ajeguem jenjo' qajoĝonaĝa jo'ne lenaĝat Carmelo, qalaĝaja qomle jajoyilo; uotaĝa tadiñgui joga'me noĝop laeñi, qama'le jamaq joñe'me jiyac jo'ne noĝop le'ec, qama'le jen yalic qomle.

1 Samuel 14:11

Chane'eja joñaa'me dos male naloĝonegueta jogaa'me coicopi jo'ne filisteopi qaedi qoyauanalo. Qama'le jogaa'me, mane'e da'me qoyela'alo joñaa'me, enapega't: «Auec'achiñe, male nenoĝotedapeguegue jogaa'me hebreo laje', chiyaqauelo gaa'me jauaco jo'ne nañoĝotaĝaiqui'.»

1 Samuel 13:6

Jogaa'me Israel laje'pi yauata da'me yataqachiñe ja qoyaĝa'tape, qa'a nach'e ena'am qodiquetapiñilo, quiiñguilo jogaa'me filisteopi. Chane'eja uo'oe gaa'me nañoĝochidiñe, tauelo gaa'me jauaco choqogaa'me limaĝañil nataq'aen yapinouelo gaa'me qadi, nataq'aen yauo'oe naa'me lete' jena'me aleua.