Nahúm 1:5 - Toba del Oeste

⁵ Joñe'me yaqanatet da'me en deda'y gaa'me qajoĝona'a; gaa'me qadi let'adayaqa nale qoyauana joñe'me Jaliaĝanec male dola'y. Yema jena'me aleua deda nale qoyauana, nataq'aen yema jena'me jenjo' aleua, chayovida'alo gaa'me netedalegue.

La'aqtaqa Ñim Lo'onatac 'Enauacna 2013

⁵ Nache Ñimaye da choche nlectelec ana qasoxonaxapi nache cholaxan, qataq ana lcomaraxalatepi qalaq nlaguiñi. Qaq ana 'alhua qalaq cholaxan qataq na netalecpi anamaye iviloxol da lcolanaxa.

Nahúm 1:5 Referans Kwoze

Miqueas 1:4

Naa'me p'adiñe naa'me lapia'te yataqata en iyidiñe naa'me qajoĝona'a, ena'am jaga'me moe nale qoyachañgui ga'me dole', nataq'aen gaa'me qajoĝona'a yataqata cojayilo q'ae'n, yataqata ena'am joga'me lichaĝa'yi ga'me noĝop nale nayenegue.

2 Samuel 22:8

»Qama'le let'adaic ga'me ledaĝac ca'li jena'me aleua, nach'e ena'am deda di'me piyem: qo'yequiaĝa'tape qa'a jouaĝat da'me dalemata joñe'me Jaliaĝanec.

Habacuc 3:10

Naa'me qajoĝona'a male deda'y qa'a am yauata, qama'le vichaĝaguet ga'me uotep jo'ne chiyaqaje'ma di'me piyem; nataq'aen na'me ñache let'a male 'uo da'me lalimaĝa, da'me male di'yo't naa'me lepa'a let'adayaqa.

Joel 2:10

Jena'me aleua yataqata deda nale qoyelo'oto jogaa'me, jena'me piyem qoyiviloĝolaqatet, jañe'me ajeua choqoñe'me auoĝoic male ja edañguilo, 'naltapiye jo' qomle, chayovida'alo naa'me uaqachiñil ja edañguilo.

Zacarías 4:7

¡Qaya'te nauaneguet da'me ladiquiyaĝac joñe'me Zorobabel, uotaĝa ta'le ga'me qajoĝonaĝa t'adaic! Qomle qa'a am pal, qama'le yitaĝa nalo'ta't jena'me aleua, qom am dajotalegue joñe'me Zorobabel. Qa'a joñe'me male yana'ña ñe'me tamenaĝaiqui joga'me qa' jo'ne p'ajaye, qama'le joga'me jiyaĝadipi 'nalaĝadijeguem, nenaĝategue: ¡Yataqata onaĝaic jena'me jenjo', yataqata onaĝaic!”»

Malaquías 4:1

«Joote nadi'tequena joga'me nolo' qom yataqachiñe edañguilo q'ae'n gaa'me qaleuaĝayaqa choqogaa'me 'yoĝodenaĝayaqa, ena'am ga'me auaqapi da'me yavi'j. Yataqachiñe qaya'te 'liyoĝot, qa'a 'uo da'me yalemataic, mach'e jayem Jaliaĝanec jo'ne ñapacalegue ena'uac.

Amós 9:5

Joñe'me Jaliaĝanec jo'ne napacalegue ena'uac pelegue jena'me aleua qama'le jenjo' aleua yataqata deda nale, chayovida'a yema noye'n jogaa'me neteda'ña. Jena'me aleua qa'a nichijeguem nale, nataq'aen eyelaĝañe joga'me, ena'am nale nichijeguem uotaĝa nichiiñe di'me ñache let'adaic jo'ne Nilo.