Nahúm 1:3 - Toba del Oeste

³ Ñe'me Jaliaĝanec qa'a ja yalaĝadaic, qalaĝaja ñoqotaĝanaĝaic joñe'me, qama'le ja yaĝañi da'me ya'uo lachoĝode'j jogaa'me ja no'en da'me 'lonata'j. Joñe'me Jaliaĝanec quetaue nale ga'me nauomaĝa, qama'le naa'me piyem loje' ena'am nale ga'me yeuotac da'me en nemajeguem ga'me aleua.

La'aqtaqa Ñim Lo'onatac 'Enauacna 2013

³ Ñim Nataxala', ỹataqta qaỹoqchiguinguit da lalemataic, qalaxaye ỹataqta lta'araic da la'añaxac, nache saishet da sa ỹauo'o ca nhuaxanaguec cam huo'o ca lasouaxashet, Ñim Nataxala', Ñimaye quetaigui na la'at lta'araic, qaq nam lo'oc na piguem qalaq namoxoỹaxatsheguem naua lapia'ate, 'eeta'am na namoxoỹaxa.

Nahúm 1:3 Referans Kwoze

Nehemías 9:17

Ja jetaque am naquiaĝata, nataq'aen ja netouetaque jodaa'me adañoqotaĝanaĝaco jo'ne auen yauachiguilo. Qama'le yelodaque joga'me lajoĝola't da'me jetaque 'viyelaĝategue jodi'me Egipto qaedi yitaĝa qoyen nelataqa. Qalaĝaja am Dios jo'ne auapalaĝa't jogaa'me loeco, am jo'ne choĝodenataĝanaĝaic nataq'aen 'uo da'me adepagaĝac, am jo'ne ja paja'a aualematayalo nataq'aen qaya'te loiquiaqa' da'me adoqopich'i; jo'oche' da'me ja oca'ae ca'li jogaa'me.

Zacarías 9:14

Joñe'me Jaliaĝanec yataqata naloĝon, ue'tajopa joga'me c'oqo'tepi, da'me yaedegue gaa'me lechiquenal, ena'am ga'me qajoĝonaĝa lauac nale. Dios mach'e Jaliaĝanec yajediye jaga'me najeede qomle, qama'le naquetaue joga'me uotep let'adaic chiyoĝogue di'me chaje'ma.

Jonás 4:2

Qama'le male netamenot joñe'me Jaliaĝanec, enaac: «Am Jaliaĝanec, jenjo' jo'ne nach'ena, 'me jayem joote ja'aĝatetac ca'li, da'me naqaena 'me 'uo jo' qom'te, ca'li male jayem auana da'me joue'ta di'me mach'e 'ñaleua. Chane'eja paja'a da'me te'me jec, jajoyi di'me noic jo'ne Tarsis, qa'a jayaten da'me naqa'am Dios jo'ne onaĝaicaloec nataq'aen choĝodenataĝanaĝaic, choqoda'me ja paja'a da'me aualemata, qa'a 'uo da'me adoqopich'i let'adaic. Chane'eja da'me a'uaĝatetac da'me aua'uo qomle ga'me ne'uaĝanague'j jenjo' noic, qama'te ja auen 'te yepaquichigui da'me jo'ne a'uaĝatetac 'me jetaque aua'uo.

Joel 2:13

Da'me ami, ¡a'niyelaqaiyot joñe'me Jaliaĝanec mach'e Anedios! ¡Ena'te da'me jetaque ch'e auecolaĝachiya'aguelo naa'me adeuo lael, dite da'me auadalaĝachi' naa'me adequidiaqachildi'! Qa'a joñe'me Jaliaĝanec yataqata onaĝaicaloec, nataq'aen choĝodenataĝanaĝaic, nataq'aen 'uo da'me loqopich'i jo'ne jalcote; ja qaleuaĝaic joñe'me, qama'le uotaĝa naqat jo' qomle joga'me te'me en lachoĝode'j joga'me jiyaĝadipi.

2 Samuel 22:10

'Youategue ga'me lapadenaĝat di'me piyem qama'le na'ya da'me nenochiñe: petalo'te gaa'me piyem loje' jo'ne jalco'l.

Oseas 8:7

»Naa'me naajo' 'uo da'me lanaĝanaĝa'j ca'li: ena'am ta'le yaadiñe ca'li joga'me layat, qama'le ¡naqachidiñe qomle jaga'me qada'che lat'edae! Qa'a joga'me lanaĝanaqa't qaya'te 'uo joga'me chiyaqayi, nataq'aen joga'me nanec, qaya'te 'uo joga'me harina ta'le chiyaqayi. Chayovida'a qom 'uo joga'me te'me chiyaqayi, qama'le gaa'me jiyaĝa'u jo'ne ja 'lachaqa'tena, naqaegaua yali'j qomle.