Miqueas 6:8 - Toba del Oeste

⁸ Am jiyaĝaua, joñe'me Jaliaĝanec joote am 'yaĝatem da'me jo'ne 'noota ta'le aua'uo, nach'eda da'me dojo' jo'ne joote am yapaĝaguenec: da'me jetaque aua'uo nec'atenaĝanaĝac jo'ne yataqatelegue, da'me yataqata am onaĝaicaloec, nataq'aen yataqata am joĝodaic na'me adauel da'me auoqo'cha joñe'me Anedios.

La'aqtaqa Ñim Lo'onatac 'Enauacna 2013

⁸ Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Miqueas 6:8 Referans Kwoze

Oseas 6:6

Jepaquetapega ta'le yataqachiñe ami choĝodenataĝanaĝayaqa, chayovida'a da'me jayem auatetoñi, da'me jayem mach'e Anedios; ja naqaeda ta'le auauoyi adajaqajequi jo'ne auequiyoue nale.

1 Samuel 15:22

Qalaĝaja Samuel 'yateguet joñe'me: «Ñe'me Jaliaĝanec yataqachiñe 'yamaqaten da'me qoyoqocha'alo gaa'me lamajoĝonaĝaco, ja en 'te p'ajaye ga'me najaqajec jo'ne qoyegoue nale. Nataq'aen da'me 'yamaqaten da'me qonaquiaĝanalo daa'me 'laqataqa, ja en 'te p'ajaye ta'le qoyanem ga'me cheta ga'me 'nanaĝate.

Amós 5:24

Dite da'me jepaquetapega ta'le yataqata yayetaye da'me chimaqachiñe, ena'am joga'me noĝop jo'ne yayetaye; nataq'aen da'me yataqatelegue, 'noota qom qoyen ena'am joga'me noĝop jo'ne nach'e eta't nayetajeguem.

Oseas 12:6

Chane'eja, am Israel, 'noota qom yitaĝa a'niyeloqot joñe'me Dios, aua'uo da'me am choĝodenataĝanaĝaic nataq'aen am chimaqachiñe, nataq'aen yataqata auep'iya'a joñe'me Anedios.

Sofonías 2:3

Aueloyaque joñe'me Jaliaĝanec, yema da'me ami aleua laje' jo'ne joĝodayaqa naa'me adai'lidi', ami jo'ne auauoyi da'me lamajoĝonaĝac joñe'me. A'nechiita't, aueñi chimaqachiñe, nataq'aen ena'te ami 'yoĝodenaĝayaqa, qama'le uotaĝa ami nec'alaĝatedegue qomle joñe'me Jaliaĝanec, joga'me nolo' da'me ya'uo lachoĝode'j jena'me jiyaĝadipi.

Nehemías 9:13

Ca'li yovideta joga'me qajoĝonaĝa jo'ne lenaĝat Sinaí, qama'le anenochiñe, qama'le chiyaqaje'ma jodi'me piyem da'me auojapegue'to. Auanema gaa'me a'naĝataĝaco jo'ne chimaqachidiñe nataq'aen jogaa'me adapaĝaguenataĝanaĝaco jo'ne ejoda, choqogaa'me adamajoĝonaĝaco jo'ne onaĝayaqa.

1 Samuel 12:23

Da'me jayem, 'noota qom ñe'me Jaliaĝanec jayem yejoye qaedi ja ja'uo 'te yoec, qaedi ja jaĝañi da'me ami ñetamelo'te. Qama'le nayi, ami japaĝagueneque ga'me jo'ne 'noota nataq'aen ga'me chimaqachiñe.

Miqueas 6:9

Joñe'me Jaliaĝanec yiyaĝatapegoue jena'me jenjo' noic, qama'le jogaa'me yatenaĝanaĝayaqa nach'egaua jo'ne yoqochideta nale: «Ami yalaqapi, jayem anaquiaĝañiya: mach'e jayem jo'ne jen laloqo' da'me ane'uaĝanaguequi.

Zacarías 7:9

«Jenjo' jo'ne am jamaĝalegue: 'Noota qom yataqata ja auoqoviñi nale 'uo joga'me jetaque auauoyi, ami onaĝayaqa loe'j, chayovida'a yataqata avichoĝodeñi' yemeda gaa'me adaqayadi'.