Miqueas 5:2 - Toba del Oeste

² Qama'le da'me am Belén Efrata, am noic jo'ne jaleca da'me ouetauelo gaa'me lec'oqo'tepi di'me Judá, am jachiyoĝotaue qomle ga'me lejaliaĝanec di'me Israel, jo'ne chiyaqauelo gaa'me toye's jaliaĝanaqa joca'li 'uaechiñe.

La'aqtaqa Ñim Lo'onatac 'Enauacna 2013

² Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Miqueas 5:2 Referans Kwoze

Zacarías 9:9

Joñe'me Jaliaĝanec enaac: «¡Am matac, noic jo'ne Sión! ¡A'uonaĝan qa'a am matac, am noic jo'ne Jerusalén! Qa'a na'taquena joga'me adejaliaĝanec, jo'ne yataqatelegue nataq'aen mataĝanaĝaic. Qalaĝaja jenjo' yataqata ja 'yoĝodenaĝaic, jo'ne netalegue qomle joga'me ajena c'oĝot.

1 Samuel 17:12

Qama'le 'uo ñe'me jiyaĝaua lenaĝat da'me Jesé, 'lachaqa' di'me Belén: ca'li jaliaĝanec ñe'me Saúl, joñe'me Jesé qa'a yataqachiñe 'yaĝaicachigui ca'li. Ñe'me uo'oe gaa'me ocho c'oqo'te, qama'le ñe'me onolec lenaĝat David.

Rut 4:11

Jogaa'me 'yaĝaicachidi nataq'aen jogaa'me ueteda'a jodi'me nojaĝac 'yadeteguet joñe'me Booz joca'li male edaac: «Jaja'a, yataqachiñe jauanaqatalegue jena'me jenjo' jo'ne auauoyi nayi, qama'le nayi, jaga'me aquiaĝaua jo' qomle jo'ne yec'ata na'me at'achaqa', 'noota qom ñe'me Jaliaĝanec nach'eñe jo'ne en ena'ama dia'me Raquel nataq'aen Lía mach'e qadat'el, da'me yema qo'mi Israel laje'. Nataq'aen da'me am, qopaquetapega da'me am jiyaĝaua jo'ne yataqachiñe 'uo da'me lejaliaĝa jo' qomle jena'me jenjo' Belén, nataq'aen na'me Efrata, nataq'aen am jiyaĝaua jo'ne yataqachiñe qaya'te auena'am.

Amós 9:11

»Na'taquena ga'me nolo' qomle yitaĝa jiyamaĝachiñi di'me lomachaqa' di'me jaliaĝanec David. Yitaĝa ñauela, jo'oĝon joga'me dola, qama'le yitaĝa jen ena'am ca'li yemta 'uo jenjo' 'lachaqa'.

1 Samuel 10:19

Qalaĝaja nayi da'me ami ma'te a'uotañi joñe'me Dios jo'ne ami de'uolo'te queda'me ena'uaque gaa'me adajouaĝacodi' choqoda'me nach'e eta't da'me ami lichiguilo, nataq'aen da'me avimii da'me aviyaĝañiyaque ga'me adejaliaĝanequi qaedi ami nejaliaĝatelo'te. Chane'eja, 'noota qom auajoyiya'aguet nayi ñe'me Jaliaĝanec, onolqa'tape gaa'me net'alpi choqoga'me c'oqo'tepi.»

1 Samuel 23:23

'Noota qom yataqata auec'achiñe joga'me ue'ta da'me nañoĝotetapiñe joñe'me, qama'le a'niyelaqaequena qom yataqachiñe yataqatelegue ga'me auayachiñe. Qama'le jayem male ami jequeguelo: qom eja da'me David ue'ta ga'me a'naleuai, qama'le jelaque, jeguiyilo jogaa'me 'lachaqa't di'me Judá.»

1 Samuel 17:18

Nataq'aen auachi'y gaa'me diez queso, qama'le auanema ga'me lajoĝola' gaa'me coicopi. Qalaĝaja yataqachiñe auayatetelo'te jogaa'me adaqaya' qom 'noote', nataq'aen 'uo ga'me jayem aneda'a chiyaqauelo jogaa'me, qaedi ja'amaqaten queda'me eja 'noote' jogaa'me.»

1 Samuel 8:12

uo'oe gaa'me lajoĝola'te jo'ne mil gaa'me coicopi; uo'oe gaa'me e'n lajoĝola'te gaa'me cincuenta coicopi; uo'oe gaa'me e'n t'onataĝadelegue ga'me 'naleua; uo'oe gaa'me e'n napo'j ga'me lanec; uo'oe gaa'me e'n ye't gaa'me 'neuoĝonaqa'te choqogaa'me loĝoje'te gaa'me cadeeta jo'ne nalada't lo'o.

Rut 1:1

Ca'li maliaĝa uo'oe jogaa'me jaliaĝanaqa jo'ne nejaliaĝatedelegue di'me aleua jo'ne Israel, nataq'aen uo'oe jaa'me noloqo'ote ca'li yataqachiñe qaya'te qoyalic, yataqachiñe noqouaĝa joca'li yema jodi'me aleua. Qama'le 'uo joca'li ga'me jiyaĝaua jo'ne lenaĝat Elimélec, jo'ne 'lachaqa' di'me Belén, jo'ne 'naleua di'me Judá. Nach'ega jo'ne cada'ac na'ague di'me aleua laqaya jo'ne Moab, qama'le lequiaĝaua ca'li jañe'me loua Noemí, chayovida'alo gaa'me c'oqo'te jo'ne dojolqa,

Oseas 6:3

¡'Noota qom yataqachiñe ñomitaqataque joñe'me Jaliaĝanec! Qa'a qom naq'aeta, qama'le qo'mi yevitetapiye qomle, ena'am jaga'me ajeua nale yemta nenoĝojeguem, ena'ama gaa'me 'uaediñe uochi'pi jo'ne uo'oe nale ga'me nauoĝo.»

Zacarías 13:7

Joñe'me Jaliaĝanec jo'ne napacalegue ena'uac eetac: «¡Oñejeguem, am jo'ne nedaĝanaĝat! ¡Anautena ga'me 'nanaĝate neuatoqo't, joga'me mach'e yecochaĝaua! ¡Aualat qomle joga'me, qama'le yataqata nelagaĝa gaa'me 'nanaĝatel! ¡Qama'le da'me jayem jecalo'te gaa'me 'nanaĝate lec'oqo'te!

Miqueas 4:10

Am noic jo'ne ona'ña di'me Sión, ¡am lecoqotapega't nayi, nataq'aen a'nalaqatapijeguem! ¡Auena'am jaga'me yauo nale dayalitac da'me jetaque c'oe! Qa'a am queda'e qomle ga'me ac'oqo'tepi qama'le neda'ña di'me aleua jo'ne 'nonaĝa, chayovida'a da'me yovideta qomle di'me noic laqaya jo'ne Babilonia. Qalaĝaja nach'edi yachiyoĝoteda'ña qomle male de'uolo'te ñe'me Jaliaĝanec jogaa'me lec'oqo'tepi, nec'alaĝate'guejopa jogaa'me laute'u.