Miqueas 3:2 - Toba del Oeste

² Qalaĝaja da'me ami yataqata ja adoqopichiya da'me 'noota, qama'le yejamaq da'me aueñi joga'me ja no'en. Yataqachiñe a'viñejoda ga'me yalaqapi: ena'am ta'le anaqachi ga'me loje', qama'le aueñi jale'taguelo gaa'me p'inaqa.

La'aqtaqa Ñim Lo'onatac 'Enauacna 2013

² Qalaxaye qami' qanquiỹai da no'on, nache nda'a't da qanqopichiỹa da qauem, qataq qancolaxacheetauec na lapat na ỹalamaxat nhuo' le'ecpi, nache qui'itta'aguelo qanqa'eñi naua lpi'ineqa.

Miqueas 3:2 Referans Kwoze

Sofonías 3:3

Gaa'me lejaliaĝanaqa ena'ama gaa'me jauaĝayaqa nale de'uoya'ape; gaa'me c'atenaĝanaĝayaqa ena'ama jogaa'me yaliaĝadi nale quetedalegue ga'me 'nonaĝa; nale deque'y qama'le yataqata qaya'te lapat uotaĝa p'inec ta'le ueta'añdi.

Miqueas 2:8

Chane'eja joñe'me Jaliaĝanec ami 'yategueta: «Yajouaĝat que ami yataqata anaucheñiyalo naa'me yalaqapi, qama'le auacoñiyalo gaa'me leuo lael jo'ne lajo'vi'y jogaa'me chiyoĝotegue ga'me nalada't, naqaegaua jo'ne lelnataĝa'j da'me male machidiñe.

Miqueas 7:2

Qa'a male qayaua jena'me jenjo' aleua gaa'me jiyaĝa'u jo'ne onaĝayaqa loec, uotaĝa ta'le maliaĝa uo'oe gaa'me chimaqachidiñe. Dite da'me yemeda yeuateda'a ga'me ua'a da'me yala't joga'me laqaya't, qama'le onolqa'tape napogoĝot ga'me laqaya qaedi yoqovin.

Miqueas 7:3

Yataqata jalcote da'me ja no'en jo'ne ye't nale: jogaa'me nejaliaĝanaqa paquetedapega ta'le qoyejete'n, qama'le jogaa'me jo'ne yauote nale lec'atenaĝanaĝa'j nataq'aen decachi'tape. Jogaa'me 'uo da'me lañoqotaĝanaĝa'j yauote ga'me yauote, qama'le ye'uetedac nale jena'me noic.

Amós 4:1

Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.

Amós 5:15

¡Ena'te a'uamaqachiñe joga'me ja no'en, maq joga'me 'noota yataqata adoqopichiya! Anechilila't, qaedi qom qoya'uo nec'atenaĝanaĝac, male ami 'noote', qama'le ami jo'ne auachiyoĝoyeguet di'me José, uotaĝa ami yichoĝode'n joñe'me Jaliaĝanec Dios jo'ne napacalegue ena'uac.»