Miqueas 3:11 - Toba del Oeste

¹¹ Nataq'aen ami jo'ne c'atenaĝanaĝayaqa jena'me jenjo' noic, nach'edata da'me alecochiiya joga'me jo'ne yanema jaga'me laicaua; nataq'aen ami jo'ne tamenaĝaiqui lo'ol, ja auapaĝaguenataĝañi qom qaya'te 'uo ga'me qoyejeteneque; nataq'aen ami jo'ne Dios 'laqatanaĝanaĝanaqa, ch'e auemeñi gaa'me adauanaĝanaĝacodi'; auepichiitapega da'me ami lecochitapegalo ñe'me Jaliaĝanec jo'ne ja 'nalegue, male aueñeetac: «Joñe'me Jaliaĝanec qo'mi ue'tajopa; chane'eja qaya'te ja no'en ta'le qo'mi uauelo jo' qomle.»

La'aqtaqa Ñim Lo'onatac 'Enauacna 2013

¹¹ Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Miqueas 3:11 Referans Kwoze

Miqueas 3:5

Anaquiaĝañi nayi, da'me ami aqataĝanaĝayaqa jo'ne auoqovi'n nale jena'me yalaqapi; qo'oche' jogaa'me maliaĝa yaqa'a ga'me quetede'egue. Naqa'ami jo'ne aueñetapega a'uaĝachitac joga'me 'nemaĝac qom yataqata ami qoyiqui'yaĝa'n nale, qalaĝaja ch'e a'uaĝachitac joga'me nalada't qom qaya'te ami qoyanema. Chane'eja naq'aeta da'me 'laqatac joñe'me Jaliaĝanec jo'ne ami yanema:

Miqueas 7:3

Yataqata jalcote da'me ja no'en jo'ne ye't nale: jogaa'me nejaliaĝanaqa paquetedapega ta'le qoyejete'n, qama'le jogaa'me jo'ne yauote nale lec'atenaĝanaĝa'j nataq'aen decachi'tape. Jogaa'me 'uo da'me lañoqotaĝanaĝa'j yauote ga'me yauote, qama'le ye'uetedac nale jena'me noic.

1 Samuel 8:3

Qalaĝaja ñaa'me c'oqo'te ja eda'am ga'me loec ñe'me let'a', maq joda'me jetaque degueja ga'me yauata, yacoteguet da'me lecochita ga'me 'uo ga'me yanegue, ja yauote da'me chimaqachiñe.

Amós 9:10

Yema jogaa'me loeco lo'ol jo'ne uetedaue jenjo' yalaqapi qomle yele'u jogaa'me, qa'a yedo'oque ñe'me yedaĝanaĝat jo'ne yataqata yayaqa naa'me lia'a: yema jogaa'me nenaĝatedegue nale: “Qa'a jenjo' ja eja: qaya'te ja no'en ta'le qo'mi yedalo'te”.

Oseas 4:18

Nale aniyomitac, yataqachiñe ami taĝayaqa, ¡qama'le aueloyaque jaga'me quejeguetaĝae! Aueñi joga'me at'oyaĝaqui jo'ne ja no'en, qaya ta'le ami jiyaĝa'u jo'ne yataqatelo'te.

Malaquías 1:10

«Quiliajaĝa male qoyapadiñgui ga'me jom ga'me tamenaĝaiqui, qaedi male ja jayem 'te qoneda'alo gaa'me najaqajecpi. Qa'a jenjo' yataqachiñe en ami jalematayalo, qama'le ja yitaĝa ta'le jaconegueta gaa'me adajaqajequidi'.

Sofonías 3:3

Gaa'me lejaliaĝanaqa ena'ama gaa'me jauaĝayaqa nale de'uoya'ape; gaa'me c'atenaĝanaĝayaqa ena'ama jogaa'me yaliaĝadi nale quetedalegue ga'me 'nonaĝa; nale deque'y qama'le yataqata qaya'te lapat uotaĝa p'inec ta'le ueta'añdi.

Oseas 4:8

Gaa'me najaqajel jo'ne jayem yanema ga'me yalaqapi, qaedi japalaĝat ga'me loe'j, nach'egaua jo'ne yacota nale gaa'me tamenaĝaiqui lo'ol qaedi 'uo ga'me liqui'yaĝa'j. Qo'oche' yepaquetedapega da'me ma'ejama'le yauote da'me loe'j jogaa'me yalaqapi.

Amós 5:14

»Aueloiyaque joga'me 'noota ladic, nataq'aen aĝañiñi joga'me ja no'en, qaedi anec'aliyegue. Qom naq'aeta qama'le yitaĝa ami ue'tajopa qomle joñe'me Jaliaĝanec jo'ne napacalegue ena'uac, qaedi male eja da'me anenaĝachiyegue da'me yataqatelegue.

Malaquías 2:9

Chane'eja jen jena'me noic da'me male yataqachiñe ami qoniquiya'alo, nataq'aen male ja ami 'te qouate'calo, qa'a yajouaĝat da'me ja jayem 'te auoqochiiya, nataq'aen da'me ja yema ga'me jiyaĝadipi ta'le auacoñiyegueta nale auapaĝaguenataĝañi.» Naq'aeta da'me 'laqatac joñe'me Dios jo'ne yataqachiñe qaya'te yaqalatac.

Sofonías 3:4

Jogaa'me te'me 'laqatanaĝanaĝanaqa yataqata 'yoĝodenaĝayaqa nataq'aen qovinaĝanaĝayaqa. Nataq'aen jogaa'me tamenaĝaiqui lo'ol, jo'ne tadoue nale ñe'me Dios 'lemec qama'le e'n ja ja 'nalegue joga'me niyamaqatac, nataq'aen netauoĝodelegue da'me lamajoĝonaĝac joñe'me Jaliaĝanec.