Miqueas 2:12 - Toba del Oeste

¹² »Male jen yema'a't jo' qomle di'me noic jo'ne Jacob, nataq'aen jaconalo jogaa'me ja lama'y jo'ne ueteda'a di'me Israel. Male japetena't ena'am jaga'me 'nanaĝate, da'me jachaue jaga'me lae't, ena'am joga'me nelopi nale ue'ta ga'me auaqapiijat, qama'le yataqata yejam qa'a jalcote joga'me.

La'aqtaqa Ñim Lo'onatac 'Enauacna 2013

¹² Aỹem, llaỹona't qome na lauo' le'ecpi so Jacob, llapona't qome nam saq 'amaqtaq no'onañi Israel le'ecpi. Llaỹona't qome 'eeta'am ñaqa'en aca qaguetapi da huetaigui aca laỹe', 'eeta'am aca nlopi da huetaigui ca 'auaqpisat, nache da l-lamaxa 'eeta'am ca qalota shiỹaxauapi.

Miqueas 2:12 Referans Kwoze

Miqueas 7:18

Qaya'te Dios laqaya ta'le am ena'am, qa'a auapalaĝa't gaa'me qadoeco, nataq'aen auapalaĝate'talo gaa'me qanautenaĝaco, da'me qo'mi ac'oqo'tepi jo'ne ja qo'mi 'te lama'y. Ja nach'e eta't am ue'tajop da'me adalemataic, qa'a 'uo da'me adamaic nale qo'mi aualoĝonalo da'me adichoĝodenataĝanaĝac.

Miqueas 7:14

Am Jaliaĝanec, adetela jenjo' ac'oqo'tepi: naa'me naajo' 'nanaĝatelpi jo'ne mach'e adoqo'te, queda'me yejamache da'me netedaue ga'me viaq. Qalaĝaja 'uo ga'me aleua jo'ne yataqachiñe onaĝaic: auaue'j: auene'tema ca'li jaa'me noloqo'ote jo'ne 'uaediñe, da'me auaueta gaa'me qadet'al ga'me auaqapiijat jo'ne ua'a di'me Basán nataq'aen di'me Galaad.

Miqueas 5:7

Qama'le nayi, jogaa'me jo'ne qoyelagaĝatedegue ca'li, male uetauelo ga'me jalcote gaa'me noyaqa, jogaa'me uo'oe jo'ne lec'oqo'tepi di'me Jacob male eda'am joga'me nichaĝa jo'ne namaĝaquena ñe'me Jaliaĝanec, nataq'aen eda'am joga'me uotep nale talegue joga'me auaqapi, jo'ne ja paquetapega ga'me lelnataĝac ga'me jiyaĝaua.

Amós 1:12

Chane'eja jegoue qomle ga'me noic jo'ne Temán, nataq'aen jen yavi'j gaa'me lejaliaĝaiqui' di'me Bosrá.»

Oseas 1:11

Qama'le jena'me lec'oqo'tepi di'me Judá nataq'aen ga'me Israel lec'oqo'tepi male yema'a't qom'te, qama'le onolec da'me qoyemalegue joga'me lajoĝola't, qaedi yitaĝa onaĝaic da'me 'loyaĝa'j jogaa'me. ¡Yataqata onaĝaic ga'me nolo' qom'te, naqaega jo'ne lenaĝat da'me “Nolo' Jezreel”, jo'ne yelo'teguet da'me Dios danaĝan.

Miqueas 2:13

Male jen 'nouatedegue naa'me naq'aico, qama'le jogaa'me queda'e ga'me noic qaedi male quetede'egue. Mach'e jayem Jaliaĝanec jo'ne jayem lajoĝola't jogaa'me, naqayem qomle da'me je'uauta.»

Miqueas 4:8

Qama'le am Jerusalén, auena'am ga'me emec jo'ne qayaje'mec, qaedi qonetelalo gaa'me yalaqa. Qomle yitaĝa am p'ajaye, da'me naqa'am yejaliaqa', qama'le auena'am jaga'me jaliaĝana, nach'e ena'am da'me at'oyaĝac joca'li 'uaechiñe.»

Miqueas 5:8

Chane'eja gaa'me jo'ne maliaĝa 'noquetaque, c'oqo'tepi ñe'me Jacob jo'ne laguedoue jogaa'me noyaqapi, male eda'am joga'me jauaĝaic nale uetauelo jogaa'me yejidipi, uotaĝa nale tauelo jogaa'me 'nanaĝatel, qama'le ye'quemaqate't chayovida'a da'me yala't, qama'le qaya'te 'liyoqote ta'le nec'aletaye.

Sofonías 3:20

Qom yovita ga'me nolo', male ami ñeda'alo jena'me 'yachaqa', male ami japetena't; male jen dalaĝaic da'me anejiyaĝauayaĝaqui, qama'le ja'uo da'me at'onaĝaqui nataq'aen da'me ani'yoĝodenaĝaqui da'me ami, qaedi yemeda naa'me noyaqa jena'me aleua male ami 'nonaĝachedigui qomle. Mach'e jayem Jaliaĝanec jo'ne ja 'nalegue: naq'aeta da'me 'yaqatac.»