Miqueas 1:8 - Toba del Oeste

⁸ Chane'eja male ñoyen, jalcote da'me jayem totelegue; male nayi ja ja'uo yapela', chayovida'a jayem jale'tague nayi; ja'alaqatac, jena'am joga'me pioĝodalo; uotaĝa ñoyetac, jena'am ga'me mañic c'oĝot.

La'aqtaqa Ñim Lo'onatac 'Enauacna 2013

⁸ Qaq souaxat de'era nache aỹem ñeỹeetac qome souaxat da lta'araic ỹaquicoxo, qataq qaicaua caua ỹapela'ate da sequeuotapigui' qataq sootauec, qataq sheeta'am na qa'alaq da dalacotac qataq na mañec llalec da nỹeetac.

Miqueas 1:8 Referans Kwoze

1 Samuel 19:24

Da'me yovida'a ñe'me Samuel, nach'e ena'am naqa't gaa'me leuo, yataqachiñe jale'tague, qama'le ja 'nemaĝañe da'me t'aqataĝatac, 'yaĝatetac ga'me onaĝaic 'naqataĝanaĝac yema ga'me nolo' nataq'aen yema ga'me pi'yaq. Chiyaqa'ña jo'me nolo' ca'li gaa'me jiyaĝadipi 'uo ga'me 'laqatac jo'ne eetac: «¿Qo'li nach'e ena'am ñe'me Saúl uetauelo jogaa'me Dios 'laqatanaĝanaĝanaqa?»

Miqueas 2:4

Gaa'me noloqo'ote male uo'oe gaa'me ami t'onaĝalo'te, da'me yo'o'n naa'me nalaco jo'ne 'uo ga'me nachoĝodec, qama'le naq'aeta da'me ami enapegalo: “Nayi yataqata qo'mi napalaĝa. Jena'me jenjo' qat'achaqa', mach'e loĝot joñe'me Jaliaĝanec, male nayi yaqa'a ga'me loĝot: ja qoyaqanatet ta'le yitaĝa qonouo'. Gaa'me qa'nale'u joote necolaĝachiguilo naa'me qadaute'u.”»

Ester 4:1

Ca'li noma'a joñe'me Mardoqueo joga'me 'uo, qama'le yataqata yecolaĝata'aguelo gaa'me leuo lael, en yelo'teguet da'me yataqata lichigui q'aen. Male yaediñe gaa'me leuo lael laqaya' jo'ne yataqata ja no'en joga'me layoĝot, qama'le quetaye jodi'me noic da'me noyetac, yataqata neten joca'li.