Miqueas 1:6 - Toba del Oeste

⁶ Chane'eja naq'aeta da'me 'laqatac joñe'me Jaliaĝanec: «Je'etec qomle di'me noic jo'ne Samaria da'me jalcote ga'me naponec da'me jolaĝachigui; jen 'nonaĝa t'adaic qaedi qoyachalegue ga'me uva lichidijat. Male jelagaĝa't gaa'me qadi jo'ne chiyoqoda'a gaa'me qajoĝona'a, da'me jelagaĝatelegue di'me c'ama'ague di'me noic, male yataqata jaloĝo'n gaa'me p'adiñe gaa'me emaqa.

La'aqtaqa Ñim Lo'onatac 'Enauacna 2013

⁶ Qaq ỹoqo'oye ye huaqta'a't nỹecpi ye Samaria nlachiguiñi ñaqa'en qome, huaña, nache ishet da qoỹaalec ana nañiguishe uvapi. Qaq na lalamaxat coma'pi yemaye laguelec ñaqa'en qome ye ca'amegue, huaña nache yo'oqchiguiña ñaqa'en na lo'oxonaxala'pi.

Miqueas 1:6 Referans Kwoze

Miqueas 3:12

Chane'eja yema da'me ami auajouaĝachi da'me napalaĝa qomle di'me Jerusalén: noic jo'ne netalegue di'me qajoĝonaĝa Sión, male qoyen lapa joga'me qoyolaĝat, qama'le jodi'me qajoĝonaĝa Sión male auaqapiijat jo' qomle. Chayovida'a di'me netalegue na'me tamenaĝaiqui male qoyeleguemaĝata ga'me viaq.

Habacuc 3:13

Male auanac qaedi anec'alaĝatedegue jena'me ac'oqo'tepi, qaedi auen uojotañi ñe'me adiquiyac ca'li. Joote auapalaĝat ga'me 'lemec ga'me ja no'en, chayovida'a da'me anavidijeguem jaa'me qadi jo'ne te'me p'adiñe nale ga'me emec.

Amós 5:11

Yajouaĝat da'me auapiita'ñguilo jogaa'me choĝodache, qama'le auoĝotaĝañiyeque nale ga'me trigo jala, chane'eja ja auaqanachichi qomle ta'le oñitauelo naa'me at'emaqadi' mach'e at'onataqadi' jo'ne qadi, uotaĝa ta'le auaqanachichi da'me aniyomiyigui nale joga'me lataĝa jo'ne anaqachi' nale naa'me adaniqui jo'ne uva lichidijat.

Oseas 13:16

Joga'me noic jo'ne Samaria naqaega ualegue qomle jenjo' nec'atenaĝanaĝac, qa'a yataqata 'yotan joñe'me Dios. Male yele'u qa'a ualo'te ñe'me nedaĝanaĝat jo'ne yayaqa yemeda naa'me lael; joga'me c'oqo'tepi male yataqata qoyajaĝa'ña jena'me aleua, jogaa'me yauo' jo'ne qo'uaĝael ualo'te da'me qoyichaĝayelo da'me qoyala't.»

2 Samuel 17:13

Qom uetaue ga'me noic da'me nañoĝotetapiñe, ena'uaque da'me qo'mi jo'ne Israel laje' jachojoqo'tape gaa'me ñaqa, qama'le ñauegaĝala'ajalo gaa'me qadipi chayovida'a jovitaĝa ga'me ñache, qaedi qaya'te ta'le ch'e onolec ga'me qa' ta'le ueta'añdi.»

Amós 6:8

Joñe'me Jaliaĝanec jo'ne napacalegue ena'uac, naq'aeta joga'me nenaĝategue jo'ne 'naĝataĝac: «Yataqata jiquiya'a da'me ni'yoĝodenaĝa'j jena'me Jacob c'oqo'tepi; chayovida'a ja joqopitalo gaa'me nejaliaĝaiqui'; qama'le janem qomle jenjo' noic jogaa'me adaute'udi': yataqata jen capegue'to yema gaa'me neteda'ña.»