Miqueas 1:4 - Toba del Oeste

⁴ Naa'me p'adiñe naa'me lapia'te yataqata en iyidiñe naa'me qajoĝona'a, ena'am jaga'me moe nale qoyachañgui ga'me dole', nataq'aen gaa'me qajoĝona'a yataqata cojayilo q'ae'n, yataqata ena'am joga'me lichaĝa'yi ga'me noĝop nale nayenegue.

La'aqtaqa Ñim Lo'onatac 'Enauacna 2013

⁴ Qaq ana qasoxonaxapi quiguiñi qome souaxat da pelec Ñimaye, 'eeta'am ana dapic lapa da qaỹasaxangui ca norec nache quiguiñi. Qaq nam ca'amapega't 'alhuapi qalaq colaxagui qome, 'eeta'am na 'alhua da ichec ca ỹataqta chaxaguet la'auaxac na 'etaxat.

Miqueas 1:4 Referans Kwoze

Nahúm 1:5

Joñe'me yaqanatet da'me en deda'y gaa'me qajoĝona'a; gaa'me qadi let'adayaqa nale qoyauana joñe'me Jaliaĝanec male dola'y. Yema jena'me aleua deda nale qoyauana, nataq'aen yema jena'me jenjo' aleua, chayovida'alo gaa'me netedalegue.

Habacuc 3:10

Naa'me qajoĝona'a male deda'y qa'a am yauata, qama'le vichaĝaguet ga'me uotep jo'ne chiyaqaje'ma di'me piyem; nataq'aen na'me ñache let'a male 'uo da'me lalimaĝa, da'me male di'yo't naa'me lepa'a let'adayaqa.

Habacuc 3:6

Jena'me aleua deda nale cada'ac nechachiñi joñe'me Jaliaĝanec, qama'le gaa'me noyaqa yataqata diviloĝo'l jouaĝat da'me lec'atenaĝanaĝac joñe'me. Male pa'l jo' qomle jogaa'me toye's comada'a, nataq'aen male iyidiñe naa'me toye's qajoĝona'a, qalaĝaja gaa'me ladico joñe'me Dios nach'e eta't ja pa'l.

Amós 9:5

Joñe'me Jaliaĝanec jo'ne napacalegue ena'uac pelegue jena'me aleua qama'le jenjo' aleua yataqata deda nale, chayovida'a yema noye'n jogaa'me neteda'ña. Jena'me aleua qa'a nichijeguem nale, nataq'aen eyelaĝañe joga'me, ena'am nale nichijeguem uotaĝa nichiiñe di'me ñache let'adaic jo'ne Nilo.

Zacarías 14:4

Jojo' nolo' ñe'me Jaliaĝanec male yataqata yacha'ñalo naa'me lapia'te joga'me qajoĝonaĝa jo'ne lenaĝat da'me Olivo Lichidijat, jo'ne dajoya'ya di'me Jerusalén, ua'ague di'me cha'ña. Qama'le 'uo qomle ga'me c'ama'ague jalcochiñe jo'ne ta'ya jena'me chauo'o, chiyaqa'ña di'me cha'ña, da'me yecolaĝachigui di'me qajoĝonaĝa. Qama'le ga'me lae joga'me qajoĝonaĝa nichic, dajoyi di'me chaĝajo'ma, nataq'aen ga'me lae laqaya dajoyi di'me chaje'ma.