Jonás 3:5 - Toba del Oeste

⁵ Chane'eja jogaa'me 'lachaqa't di'me noic, jo'ne ja 'yaĝayaqa choqogaa'me 'yaĝayaqa, male p'iida'a joñe'me Dios, qama'le paja'a da'me nayachidigui da'me cha'li ja deque'y, gaa'me neuoyaĝadi choqogaa'me choĝodache, nataq'aen da'me yaediñe gaa'me leuo lael jo'ne ena'am ta'le jiyac layoĝot da'me 'loyaĝa'j, qa'a en laloĝoqui' da'me 'uo da'me layaliaĝa'j.

La'aqtaqa Ñim Lo'onatac 'Enauacna 2013

⁵ Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.

Jonás 3:5 Referans Kwoze

Joel 1:14

¡Aviyaĝañiyoue ga'me jiyaĝadipi qaedi anoqouaqachela't, qama'le ademiya'a nayi joñe'me Ja 'Nalegue! ¡Auec'achiya joga'me tamenaĝaiqui jo'ne 'lemec ñe'me Adet'ai mach'e Anedios! Auemachiya'a't qomle jogaa'me 'yaĝaicachidipi nataq'aen yema joga'me jiyaĝadipi jo'ne neteda'ña jena'me jenjo' aleua, qaedi yataqata qoyiyaĝanot joñe'me Jaliaĝanec.

Esdras 8:21

Yem ca'li da'me yataqata qadema'a't, jouaqa'ta di'me lae jena'me lachegue jo'ne dajoyi di'me Ahavá, qama'le ua'a da'me jamaĝajoĝolegue da'me cha'li qanoqouaqatela't, qaedi yataqata ñachoĝodenoqot ñe'me Qanedios qaedi yataqata qo'mi netelalo, nataq'aen jena'me qadayi nataq'aen yema jena'me jauanaĝa, chayovida'a qom jovitaĝa di'me Jerusalén.

Ester 4:1

Ca'li noma'a joñe'me Mardoqueo joga'me 'uo, qama'le yataqata yecolaĝata'aguelo gaa'me leuo lael, en yelo'teguet da'me yataqata lichigui q'aen. Male yaediñe gaa'me leuo lael laqaya' jo'ne yataqata ja no'en joga'me layoĝot, qama'le quetaye jodi'me noic da'me noyetac, yataqata neten joca'li.

Jonás 3:7

Chane'eja joñe'me jaliaĝanec, choqogaa'me lecochaĝa'u, yayatenaĝanaĝaneque ena'uaque jogaa'me Nínive laje' da'me dojo' lamajoĝonaĝac: «Ami Nínive laje'pi: 'noota qom auayachiñe joda'me lamajoĝonaĝac ñe'me adejaliaĝanequi. Qa'a male ja qoyaje'tem ta'le ch'e onolec ga'me jo'ne yacona ga'me niqui'yaĝat, qama'le nach'e ena'ama jogaa'me yejidi jo'ne nelopi, ja qoyaje'tema da'me ta'le qoyiqui'yaĝa'n, qama'le nach'e ena'am da'me ja qoniyomaĝan ena'uac gaa'me nelopi nataq'aen jogaa'me jiyaĝadipi.