Joel 2:31 - Toba del Oeste

³¹ Jañe'me ajeua yitaĝa en 'naltapiye qomle, nataq'aen joñe'me auoĝoic qoyen ena'am jaga'me netauo', qama'le yamta'le novitequena ga'me nolo' jo'ne yovidaĝaiqui, nolo' jo'ne napalaĝa nataq'aen chaqaet'a. Naq'aeta da'me 'yaqatac, mach'e jayem Jaliaĝanec.»

La'aqtaqa Ñim Lo'onatac 'Enauacna 2013

³¹ Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Joel 2:31 Referans Kwoze

Malaquías 4:5

»Qom yamta'le novitequena ga'me nolo' jo'ne yovidaĝaiqui, nolo' jo'ne napalaĝa nataq'aen chaqaet'a, qama'le ami jamaĝalo joñe'me 'yaqatanaĝanaĝanec Elías.

Malaquías 4:1

«Joote nadi'tequena joga'me nolo' qom yataqachiñe edañguilo q'ae'n gaa'me qaleuaĝayaqa choqogaa'me 'yoĝodenaĝayaqa, ena'am ga'me auaqapi da'me yavi'j. Yataqachiñe qaya'te 'liyoĝot, qa'a 'uo da'me yalemataic, mach'e jayem Jaliaĝanec jo'ne ñapacalegue ena'uac.

Joel 3:15

Jañe'me ajeua nataq'aen joñe'me auoĝoic ja yauote lauaq, male 'naltapiye qomle; chayovida'a naa'me uaqachiñil male yem da'me edañguilo.

Joel 2:10

Jena'me aleua yataqata deda nale qoyelo'oto jogaa'me, jena'me piyem qoyiviloĝolaqatet, jañe'me ajeua choqoñe'me auoĝoic male ja edañguilo, 'naltapiye jo' qomle, chayovida'alo naa'me uaqachiñil ja edañguilo.

Joel 3:1

Yitaĝa nenaĝategue joñe'me Jaliaĝanec, enaac: «Qom yovita da'me dojo', male ñojouoĝochiñe da'me ladiquiyaĝac di'me noic Jerusalén nataq'aen yema di'me aleua jo'ne Judá.

Joel 2:1

¡Yataqata auajediiye jana'me najeede, ami jo'ne ovi'ta na'me qajoĝonaĝa jo'ne Sión! ¡Aueñi yejam jana'me najeede da'me 'uo ga'me ta'ta jona'me qajoĝonaĝa ja 'nalegue, mach'e loĝot joñe'me Jaliaĝanec! ¡Adiviloĝolii, da'me ami jo'ne ovita'ña na'me aleua jo'ne Judá, qa'a na'taquena ga'me nolo' qom nac joñe'me Jaliaĝanec!

Joel 2:2

Ga'me nolo' yataqata 'naltapiye qomle, qa'a jalcote joga'me piyem lo'oc, chayovida'a 'uo jena'me paqal. Male na'j joga'me coicopi jo'ne 'uañaĝayaqa: joote nelagaĝa da'me tauelo naa'me qajoĝona'a, ena'ama joga'me ajeua lichel nale yamta'le 'yoĝoñi. Jenjo' yataqata ja qoyauana ca'li, nataq'aen ja yitaĝa qoyauana ta'le ena'am.

Joel 2:11

Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

Zacarías 14:6

Qom yovita ga'me nolo' qom 'uo jena'me jenjo', male qaya joga'me 'yoqochiñe, qa'a male om jañe'me ajeua nataq'aen joga'me auoĝoic.