Joel 2:24 - Toba del Oeste

²⁴ Male jalcote onaĝaic da'me naqataĝanaĝac ga'me nanec jo'ne trigo jala, chayovida'a yema qoyauana joga'me uva li'i nataq'aen aceite.

La'aqtaqa Ñim Lo'onatac 'Enauacna 2013

²⁴ Huaña qome, nache choche huañi na ala na trigo, qataq nlaqchigui nam laỹe'pi na lataxa qataq na aceite.

Joel 2:24 Referans Kwoze

Malaquías 3:10

Anedoyiquena ga'me diezmo, qama'le auachiyañgui jaga'me najaqaje lae't, qaedi jena'me 'yemec male ja qaya ga'me nalic. ¡Cha'li jayem auapiyeñi! Qama'le auañiya qomle da'me jo'ouategue di'me piyem, qaedi jen jalcote ga'me ami jeyala'aque.

Amós 9:13

«Nateda'aquena naa'me noloqo'ote da'me maliaĝa 'uo ga'me naqataĝanaĝac jenjo' nanec jo'ne trigo jala, qom te'me laloqo' da'me qonajeguelegue jenjo' nanaĝanaqa'; nataq'aen 'uo joga'me uo'e da'me yataqata jalcote jaga'me uva, ch'e qopelegue jaga'me lae, qama'le te'me laloqo' da'me qoyaañi joga'me trigo jala. Jena'me qajoĝonaĝa uotaĝa comadaĝa ta'ya joga'me lataĝa, ena'am joga'me noĝop: yataqata jalcote.

Joel 3:18

Male jalcote joga'me uva li'i qomle, nataq'aen jaga'me lochi', ena'am joga'me noĝop nale quetayelo gaa'me qajoĝona'a jo'ne qayaje'meque nataq'aen gaa'me davichidiñe, qama'le naa'me noĝop lete' di'me Judá yataqachiñe najaqachiguilo jo' qomle. Jena'me ñetamenaĝaiqui 'uo jo' qomle ga'me noĝop jo'ne natajeguem jo'ne nach'ega yepapiaĝatac ga'me c'ama'ague jo'ne lenaĝat da'me Sitim.

Joel 3:13

Qa'a naajo' naqaenaua jo'ne yataqata ja 'noe'n, qaya'te ta'le ena'ama. Chane'eja avichaqaidegue qomle, ena'am joga'me trigo jala nale joote cop'a da'me yajoq, qa'a male laloqo' da'me qonaqat ga'me nanec. Yataqata qopiyilo, ena'am jaga'me uva nale, qa'a male laloqo' da'me qoya'uo ga'me lataĝa.