Joel 2:17 - Toba del Oeste

¹⁷ 'Noota qom noyetayi joga'me tamenaĝaiqui lo'olpi, nach'egaua jo'ne mach'e lecochaĝa'u joñe'me Jaliaĝanec; qama'le da'me yec'atede'uo jona'me 'nachaqa' jo'ne ja 'nalegue, da'me dajotedalegue ga'me nec'atonaĝala', qama'le 'noota qom male nenaĝatedegue: «Am Jaliaĝanec, avichoĝode'n jena'me ac'oqo'tepi; ena'te auaje'tem ta'le 'uo joga'me ye'ue'tape jonaa'me; ena'te auajeta ta'le 'uo joga'me noic laqaya da'me qo'mi nejaliaĝatelo'te uotaĝa ta'le jogaa'me ja am 'te p'iida'a male nenaĝatedegue jenjo': “¿Jach'e ga'me ue'ta joga'me mach'e Nedios?”»

La'aqtaqa Ñim Lo'onatac 'Enauacna 2013

¹⁷ Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

Joel 2:17 Referans Kwoze

Amós 7:2

Chane'eja ca'li jauana joga'me qojequioĝoe da'me yema yalic ga'me nanec, qama'le jojapegue' joñe'me Jaliaĝanec, jenaac: «¡Am Jaliaĝanec, qo'mi avichoĝode'n! ¿Toqoch'e auetapega am nalo'taguet joga'me adayi jo'ne Jacob lec'oqo'tepi, da'me yataqata jaleca?»

Joel 1:9

Nataq'aeta male noye'n gaa'me Dios nejoĝonaqa jo'ne tamenaĝaiqui lo'ol, qa'a joga'me tamenaĝaiqui qaya'te uva li'i uotaĝa ga'me trigo jala, qama'le qaya'te qoyen najaqajec ta'le qoyanem ñe'me Jaliaĝanec.

Oseas 14:2

A'niyelaĝa joñe'me Jaliaĝanec, aua'uo nayi jenjo' tamenaĝac: «Qo'mi avichoĝode'n, auapalaĝa't yema jogaa'me qadoeco, auaconeguet jenjo' qanechoĝotaĝac, jenjo' qadamaic jo'ne am janemaĝam.

Miqueas 7:10

Chane'eja, qom yauana da'me dojo' ga'me yauteua, qama'le 'uo da'me lepocoĝoc q'aen. Qa'a ca'li jayem ye'uetac nale jayem yenat: “¿Jach'e ga'me uetaue joga'me Jaliaĝanec mach'e Anedios?” Qalaĝaja nayi male jayem matacolec da'me jec'aten joga'me, qa'a yataqata qopiyiñgui qomle, ena'am ga'me jenal jo'ne uañgui ga'me naq'aic.»

Amós 7:5

Qama'le jenaac: «¡Cha'li ena'te aua'uo jena'me jenjo', am Jaliaĝanec! ¿Toqoch'e auetapega am nalo'taguet jenjo' noic jo'ne Jacob lec'oqo'tepi, da'me yataqata jaleca?»

Malaquías 1:9

Ami tamenaĝaiqui lo'ol: ¡male anachoĝodeñiyot joñe'me Dios qaedi qo'mi yichoĝode'n! Qalaĝaja qom naq'aeta gaa'me adajaqajequidi', qama'le ena'te aueñetapega ta'le jetaque ami naquiaĝanalo. Aja'y. Ñe'me Jaliaĝanec jo'ne napacalegue ena'uac eetac:

Nehemías 9:36

»Qo'mi jo'ne nelataqa nayi da'me jonaqata'ña jena'me jenjo' aleua jo'ne auanema ca'li jogaa'me qauachiyoĝogueta qaedi yali'y yema joga'me chiyaqayi da'me 'lonataĝanaĝa'j.

Joel 1:13

Ami tamenaĝaiqui lo'ol jo'ne auajoyi'taguet nale ga'me c'atonaĝala', auaeñidiñe qomle jogaa'me adeuo lael jo'ne ja 'noe'n qama'le yataqata anoyeñitac. Nataq'aen ami necochaĝa'u, 'uo qomle joda'me adayaliaĝaqui, qa'a jenjo' tamenaĝaiqui jo'ne Dios 'lemec male qaya'te joga'me yaqanatet ta'le nedo't ga'me trigo jala uotaĝa uva li'i qaedi qoyen najaqajec.