Joel 2:13 - Toba del Oeste

¹³ Da'me ami, ¡a'niyelaqaiyot joñe'me Jaliaĝanec mach'e Anedios! ¡Ena'te da'me jetaque ch'e auecolaĝachiya'aguelo naa'me adeuo lael, dite da'me auadalaĝachi' naa'me adequidiaqachildi'! Qa'a joñe'me Jaliaĝanec yataqata onaĝaicaloec, nataq'aen choĝodenataĝanaĝaic, nataq'aen 'uo da'me loqopich'i jo'ne jalcote; ja qaleuaĝaic joñe'me, qama'le uotaĝa naqat jo' qomle joga'me te'me en lachoĝode'j joga'me jiyaĝadipi.

La'aqtaqa Ñim Lo'onatac 'Enauacna 2013

¹³ ¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Joel 2:13 Referans Kwoze

Miqueas 7:18

Qaya'te Dios laqaya ta'le am ena'am, qa'a auapalaĝa't gaa'me qadoeco, nataq'aen auapalaĝate'talo gaa'me qanautenaĝaco, da'me qo'mi ac'oqo'tepi jo'ne ja qo'mi 'te lama'y. Ja nach'e eta't am ue'tajop da'me adalemataic, qa'a 'uo da'me adamaic nale qo'mi aualoĝonalo da'me adichoĝodenataĝanaĝac.

Jonás 4:2

Qama'le male netamenot joñe'me Jaliaĝanec, enaac: «Am Jaliaĝanec, jenjo' jo'ne nach'ena, 'me jayem joote ja'aĝatetac ca'li, da'me naqaena 'me 'uo jo' qom'te, ca'li male jayem auana da'me joue'ta di'me mach'e 'ñaleua. Chane'eja paja'a da'me te'me jec, jajoyi di'me noic jo'ne Tarsis, qa'a jayaten da'me naqa'am Dios jo'ne onaĝaicaloec nataq'aen choĝodenataĝanaĝaic, choqoda'me ja paja'a da'me aualemata, qa'a 'uo da'me adoqopich'i let'adaic. Chane'eja da'me a'uaĝatetac da'me aua'uo qomle ga'me ne'uaĝanague'j jenjo' noic, qama'te ja auen 'te yepaquichigui da'me jo'ne a'uaĝatetac 'me jetaque aua'uo.

2 Samuel 1:11

Qama'le David choqogaa'me quetedapegue' yecolaĝata'aguelo gaa'me leuo lael qa'a e'n yelo'teguet da'me 'uo da'me layaliaĝa'j,

Nehemías 9:17

Ja jetaque am naquiaĝata, nataq'aen ja netouetaque jodaa'me adañoqotaĝanaĝaco jo'ne auen yauachiguilo. Qama'le yelodaque joga'me lajoĝola't da'me jetaque 'viyelaĝategue jodi'me Egipto qaedi yitaĝa qoyen nelataqa. Qalaĝaja am Dios jo'ne auapalaĝa't jogaa'me loeco, am jo'ne choĝodenataĝanaĝaic nataq'aen 'uo da'me adepagaĝac, am jo'ne ja paja'a aualematayalo nataq'aen qaya'te loiquiaqa' da'me adoqopich'i; jo'oche' da'me ja oca'ae ca'li jogaa'me.

Nahúm 1:3

Ñe'me Jaliaĝanec qa'a ja yalaĝadaic, qalaĝaja ñoqotaĝanaĝaic joñe'me, qama'le ja yaĝañi da'me ya'uo lachoĝode'j jogaa'me ja no'en da'me 'lonata'j. Joñe'me Jaliaĝanec quetaue nale ga'me nauomaĝa, qama'le naa'me piyem loje' ena'am nale ga'me yeuotac da'me en nemajeguem ga'me aleua.

Oseas 14:1

A'niyelaq, am Israel, anec'ata joñe'me Jaliaĝanec mach'e Anedios, qa'a ena'am ta'le auapoguelaĝan ca'li, jouaĝat da'me adoec.

Jonás 3:9

Qaedi male uotaĝa ja en 'te yepaguelegue da'me ya'uo ga'me qo'mi 'yeteque joñe'me Dios, qama'le uotaĝa paja'a da'me en qaya da'me te'me lalemataic. Chane'eja qom naq'aeta qama'le ja qo'mi 'te yepaguelo'te da'me qadeleuaĝa.»