Hageo 1:6 - Toba del Oeste

⁶ Qa'a jalcote da'me adanaĝanaĝaqui nale, qalaĝaja ja jalcote joda'me adaqataĝanaĝaqui; nach'e ena'am da'me auequiyetac, qalaĝaja ja auanomiyeguet ta'le adanodiye; chayovida'a da'me aniyomi nale, qalaĝaja ja qaya da'me noĝop lamaic; yataqata auaediñe jogaa'me adeuoi lael jo'ne jo'om lo'o, qalaĝaja maliaĝa adetiyi; nataq'aen joga'me onataĝanaĝaic te'me qoyejeten nale qalaĝaja qaya'te chiyaqayi.

La'aqtaqa Ñim Lo'onatac 'Enauacna 2013

⁶ Qami' ỹataqta qalota qome ca qa'añiguishequi, qalaxaye saq 'amaqtaq cam ala maye qanqachi; qataq qauqui'iitac, qalaxaye saishet da qami' comaraxaiqa; qanỹomiitac, qalaxaye ñaq 'eetalec da huo'o na qaraquipi; qaỹa'añiiñi na sansatta nogoxot, qalaq saishet da qami' napaqre'c, qataq ca do'onataxaatac qalaq qaica ca naigui aca lasheue da lo'onataxanaxac.

Hageo 1:6 Referans Kwoze

Hageo 1:9

Da'me ami, jalcote da'me anemichiyaque, qalaĝaja jaleca da'me auañiya nale; nataq'aen da'me ch'e auachiitauelo naa'me at'achaqadi', qom onolec da'me jepetet joga'me auañiya, qama'le jeuodaĝanec yema. ¿Toqoch'e naq'aeta jenjo'? Qa'a yajouaĝat da'me ja a'vichi joga'me tamenaĝaiqui jo'ne mach'e 'yemec; nach'edata da'me aniyamaĝachiila't da'me a'vichi'tape naa'me at'achaqadi'.» Naq'aeta da'me 'laqatac joñe'me Jaliaĝanec jo'ne napacalegue ena'uac.

Oseas 4:10

Te'me jalcote da'me liqui'yaĝa'j nale, qalaĝaja ja yono't; te'me jalcote da'me lequejeguetaĝa'j, qalaĝaja qaya'te lec'oqo'te qomle, yajouaĝat da'me joote jayem queda'e.»

Hageo 2:16

¿jach'e ga'me auañiya ca'li? Qa'a ca'li 'uo joga'me jetaque naqat ga'me lanec nalo'taguet veinte joga'me nejalayaĝac, qama'te nale naloqoten ma'te ja ena'am, ch'e diez nalo'taguet; nataq'aen ca'li tayi joga'me yachiyoĝotalegue ga'me lataĝa, jetaque naqat ga'me cincuenta joga'me lae't joga'me ena'am ta'le naco'nadi, qama'te yejomalo'te jogaa'me veinte lete' joga'me.

Oseas 8:7

»Naa'me naajo' 'uo da'me lanaĝanaĝa'j ca'li: ena'am ta'le yaadiñe ca'li joga'me layat, qama'le ¡naqachidiñe qomle jaga'me qada'che lat'edae! Qa'a joga'me lanaĝanaqa't qaya'te 'uo joga'me chiyaqayi, nataq'aen joga'me nanec, qaya'te 'uo joga'me harina ta'le chiyaqayi. Chayovida'a qom 'uo joga'me te'me chiyaqayi, qama'le gaa'me jiyaĝa'u jo'ne ja 'lachaqa'tena, naqaegaua yali'j qomle.

Malaquías 2:2

»Qom ja jayem 'te auoqochiiya uotaĝa ta'le jayem auachiquiya'a, qama'le ami jachalo'te da'me ja no'en adachoĝodequi qomle. Qalaĝaja joote jen tayi da'me yalemataic joga'me te'me ami jichoĝode'n jo'ne chiyaqayi nale da'me at'onataĝanaĝaqui, yajouaĝat da'me ja eja da'me jayem auep'iiya'a. Qa'a naqayem Jaliaĝanec jo'ne ñapacalegue ena'uac, qama'le yataqachiñe eja naq'aeta da'me ja'uo qomle.

Zacarías 8:10

Qa'a jaajo' noloqo'ote ca'li maliaĝa ja qo'noĝojeguem jena'me tamenaĝaiqui, qaya'te nejetenague'j gaa'me jiyaĝa'u, uotaĝa ta'le qot'onataĝanalo gaa'me yejidi. Nataq'aen yajouaĝa't jogaa'me laute'u, qaya'te 'nemaĝac jenjo' jiyaĝadipi, qa'a male je'n onolqa'tape da'me deloiquitapega't.

Zacarías 5:4

Joñe'me Jaliaĝanec jo'ne napacalegue ena'uac male nenaĝategue jenjo': “Joote qoyediñe da'me jamaq jenjo' yec'atenaĝanaĝac, qaedi taue joga'me 'lemec ga'me cachaĝaic, nataq'aen taue joga'me 'lemec ga'me ja yataqatelegue da'me nenaĝategue da'me yenaĝat. Qama'le joda'me ja no'en ja ca'ae qomle, chayovida'a qayaua gaa'me 'najoĝonataqa uotaĝa gaa'me qadi.”»

2 Samuel 21:1

Jaa'me noloqo'ote ca'li cha'li 'uo ñe'me David 'uo ga'me noqouaĝa jo'ne nalo'taguet gaa'me tres 'uoidi. Chane'eja ñe'me David yachimaĝata ñe'me Jaliaĝanec, qama'le joñe'me 'yateguet: «Ga'me noqouaĝa chiyaqayi da'me lalataĝanaĝa'j ñe'me Saúl choqogaa'me c'oqo'te, qa'a nalachidiñe jogaa'me Gabaón laje' ca'li.»

Nehemías 5:2

qama'le uo'oe gaa'me etapega'ajalo: «Ta'le ñaloqotena' jogaa'me qac'oqo'te nataq'aen jogaa'me qac'oqotel, qama'le yema jogaa'me qat'achaqa' laje' male qo'mi qayoĝode'. Chane'eja jouenaqataque ta'le qat'alec joga'me niqui'yaĝat, qaedi ja qo'mi 'te yala't da'me qadoqouaĝa.»

Hageo 1:5

»Chane'eja mach'e jayem Jaliaĝanec jo'ne napacalegue ena'uac, male ami ja'aĝatema da'me yataqata auenache'ta joga'me jetaque auauoyi.

Hageo 1:7

»Mach'e jayem Jaliaĝanec jo'ne napacalegue ena'uac, male ami ja'aĝatema da'me yataqata auenache'ta joga'me jetaque auauoyi.

Hageo 1:10

«Nach'ena jenjo' ami yajouaĝa't nayi da'me ja uotep, nataq'aen jena'me aleua ja ya'uo da'me jalayaĝac.

Hageo 2:17

¡Naqayem jo'ne japalaĝa't! Ja'uo lapite'na ga'me adaniqui nataq'aen ja'uo jaga'me lache qaedi japalaĝat yema joga'me te'me auaqanachichi, qalaĝaja da'me ami ja jayem 'te a'niyelaqaiyot. Nach'ena jenjo' ñenaĝategue, jayem jo'ne Jaliaĝanec.