Hageo 1:14 - Toba del Oeste

¹⁴ Chane'eja ñe'me Jaliaĝanec jo'ne ja 'nalegue ya'uo 'lañaĝac ca'li joñe'me jaliaĝanec jo'ne yelolegue di'me aleua Judá, mach'e Zorobabel, c'oĝot di'me Salatiel, nataq'aen joñe'me lejaliaĝane'j jogaa'me tamenaĝaiqui lo'ol, mach'e Josué, c'oĝot di'me Josadac, nataq'aen jogaa'me jiyaĝa'u laqaya' jo'ne maliaĝa uo'oe ca'li, qaedi male qoye'et qomle joga'me tamenaĝaiqui jo'ne 'lemec joñe'me Jaliaĝanec mach'e Nedios jo'ne napacalegue ena'uac.

La'aqtaqa Ñim Lo'onatac 'Enauacna 2013

¹⁴ Qaq 'era da 'eetec Ñim Nataxala' da ỹa'añaqchet so Zorobabel, maye nta'a ye Judá, qataq so Josué maye lataxala' so ntaxaỹaxanaxanecpi, qataq 'enauac so laỹepi nhuo' le'ecpi. Nache somayepi jec da do'onataxan da ỹo'ot so lma' Ñim Nataxala' maye Qaica ca Ỹaqalanapec,

Hageo 1:14 Referans Kwoze

Hageo 2:21

yamaĝalegue qaedi yitaĝa dojapegue' joñe'me Zorobabel, jaliaĝanec di'me aleua jo'ne Judá, qama'le enaac: «Male yataqata jen deda jodi'me piyem nataq'aen jena'me aleua.

Hageo 1:1

Ca'li male 'uo ga'me lejaliaĝa joñe'me Darío, joga'me uo'e laqaya ca'li, joga'me 'uaeñe nolo' joga'me auoĝoic sexto jo'ne Elul, qama'le jenjo' 'laqataĝanaĝac joñe'me Jaliaĝanec qoyaloĝona ñe'me 'laqatanaĝanaĝanec jo'ne Hageo, qaedi qoyanem joñe'me jo'ne yelolegue jodi'me aleua Judá, mach'e Zorobabel, c'oĝot di'me Salatiel, choqoñe'me tamenaĝaiqui lo'ol lejaliaĝanec, mach'e Josué, c'oĝot di'me Josadac. Enaac:

Esdras 1:5

Chane'eja gaa'me lajoĝola'te gaa'me Judá laje' nataq'aen gaa'me Benjamín laje', choqogaa'me tamenaĝaiqui lo'ol nataq'aen gaa'me levita laje', nach'egaua jo'ne Dios 'yañaqate't ca'li male 'neteta'ajalo, qa'a dajotegue di'me Jerusalén qaedi male qo'noĝojeguem ñe'me netamenaĝaiqui joñe'me Jaliaĝanec.

Esdras 1:1

Joga'me 'uaeñe uo'e jo'ne lejaliaĝa joñe'me Ciro, nejaliaĝanec di'me Persia, qaedi male yepaquichigui da'me 'laqataĝanaĝac joñe'me Jaliaĝanec jo'ne qoyanem ca'li ñe'me Jeremías, qama'le joñe'me Jaliaĝanec ja 'nalegue yamaĝalegue ñe'me Ciro qaedi yema joga'me lejaliaĝac qoya'uo ga'me 'laqatac nataq'aen jena'me jenjo' nediijec jo'ne enaac:

Hageo 2:2

yamaĝalegue qaedi dojapegue' joñe'me Zorobabel choqoñe'me Josué, chayovida'a joga'me jiyaĝadipi lae:

Nehemías 4:6

Da'me qo'mi qa'a qa'noĝojeguem joga'me nequepaĝanaĝat, jo'ne joote na'ña ga'me laeñi ga'me 'nonatac. Yamta'le jomataq joga'me mach'e qat'onataqa, qa'a gaa'me jiyaĝadipi 'uo joda'me 'lañaĝa'j nataq'aen lamai'j ta'le jetaque yoma't.

Esdras 5:8

Am jaliaĝanec, mach'e qat'aqataĝanaĝac da'me am qa'uaĝatem queda'me quelqaya jajoĝogue di'me aleua lae jo'ne Judá, qama'le jauanaĝa joñe'me tamenaĝaiqui let'adaic jo'ne loĝot joñe'me Dios jo'ne p'ajaye, da'me yitaĝa qo'noĝotapijeguem. Qama'le naa'me lael jo'ne qadi let'adayaqa joote qoye'n couelo naa'me e'epa. Jena'me jenjo' 'nonataĝanaĝac yataqata qoyiyamaĝatetac nataq'aen enegue joga'me 'nonatac.

Esdras 5:2

Qama'le ñe'me Zorobabel, c'oĝot di'me Salatiel, nataq'aen ñe'me Josué, c'oĝot di'me Josadac, male yitaĝa ye't da'me 'noĝodijeguem joga'me tamenaĝaiqui jo'ne Dios loĝot, qama'le naa'me Dios 'laqatanaĝanaĝanaqa lecochiyalo ca'li.

Hageo 1:12

Chane'eja ñe'me Zorobabel nataq'aen Josué chayovida'alo jogaa'me jiyaĝa'u laqaya' male yataqata t'oita joga'me domachita ca'li jenjo' nenaĝategue joñe'me Dios, yataqata naquiaĝata ca'li ñe'me Hageo, qa'a nach'eñe joñe'me Jaliaĝanec jo'ne yamaĝalegue ca'li qaedi nenaĝategue jenjo'.

Hageo 1:15

Naq'aeta ga'me 'uo ca'li, ga'me nolo' jo'ne veinticuatro, auoĝoic jo'ne Elul, joga'me uo'e laqaya ca'li maliaĝa 'uo ga'me lejaliaĝa joñe'me Darío.