Hageo 1:1 - Toba del Oeste

¹ Ca'li male 'uo ga'me lejaliaĝa joñe'me Darío, joga'me uo'e laqaya ca'li, joga'me 'uaeñe nolo' joga'me auoĝoic sexto jo'ne Elul, qama'le jenjo' 'laqataĝanaĝac joñe'me Jaliaĝanec qoyaloĝona ñe'me 'laqatanaĝanaĝanec jo'ne Hageo, qaedi qoyanem joñe'me jo'ne yelolegue jodi'me aleua Judá, mach'e Zorobabel, c'oĝot di'me Salatiel, choqoñe'me tamenaĝaiqui lo'ol lejaliaĝanec, mach'e Josué, c'oĝot di'me Josadac. Enaac:

La'aqtaqa Ñim Lo'onatac 'Enauacna 2013

¹ Qaq co'ollaq mashe dos vi'iye da lo'onataxanaxac da nta'a so Darío, nache so la'auaxanec na'a'q so ca'agoxoic seis, nache Ñim Nataxala' ỹachegoxotchigui so na'aqtaxanaxanec Hageo, da ỹamaxa so la'aqtac so nta'a ye Judá maye le'enaxat Zorobabel som llalec so Salatiel, qataq so Josué som llalec so Josadac maye lataxala' so ntaxaỹaxanaxanecpi.

Hageo 1:1 Referans Kwoze

Esdras 2:2

Qodajotalo'te joga'me Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm nataq'aen Baaná:

Esdras 3:8

Ca'li joote yenoĝonegue ga'me onolec uo'e nataq'aen dos gaa'me auoĝoyaqa da'me novideta di'me Jerusalén jogaa'me qoye'n ne'uaqa ca'li, qama'le yemta 'noĝotedapijeguem ga'me tamenaĝaiqui jo'ne loĝot joñe'me Jaliaĝanec Dios. Qama'le Zorobabel, c'oĝot di'me Salatiel, nataq'aen Josué, c'oĝot di'me Josadac, choqogaa'me laqaya' jo'ne tamenaĝaiqui lo'ol nataq'aen gaa'me levita laje', chayovida'alo yema ga'me jiyaĝadipi, niquiyayelo gaa'me levita laje' jo'ne joote veinte gaa'me ne'uoidi, qaedi yelodelegue da'me 'nonataĝanaĝac.

Esdras 3:2

Chane'eja Josué jo'ne c'oĝot ñe'me Josadac, chayovida'alo gaa'me lecochaĝa'u jo'ne tamenaĝaiqui lo'olpi, ena'am jodi'me Zorobabel, c'oĝot di'me Salatiel, nataq'aen gaa'me laqaya'olqa, naqaegaua 'uauteda'aguet da'me 'noĝodijeguem ga'me c'atonaĝala' jo'ne Dios loĝot, qaedi yitaĝa qoyauo'oe gaa'me najaqae's jo'ne qoyeguedoue, qa'a naq'aeta ca'li jenjo' Moisés lamajoĝonaĝac, jiyaĝaua jo'ne Dios liquiyac ca'li.

Hageo 2:10

Ga'me nolo' jo'ne veinticuatro, auoĝoic noveno jo'ne Quisleu, ca'li maliaĝa jaliaĝanec joñe'me Darío, joñe'me Jaliaĝanec ja 'nalegue yitaĝa dojapegue' ñe'me Hageo,

Hageo 1:12

Chane'eja ñe'me Zorobabel nataq'aen Josué chayovida'alo jogaa'me jiyaĝa'u laqaya' male yataqata t'oita joga'me domachita ca'li jenjo' nenaĝategue joñe'me Dios, yataqata naquiaĝata ca'li ñe'me Hageo, qa'a nach'eñe joñe'me Jaliaĝanec jo'ne yamaĝalegue ca'li qaedi nenaĝategue jenjo'.

Nehemías 7:7

»Qodajotalo'te joñe'me Zorobabel, Josué, Nehemías, Azarías, Raamías, Nahamaní, Mardoqueo, Bilsán, Mispéret, Bigvai, Nehúm nataq'aen Baaná. »Jenjo' jo'ne liiñi jogaa'me Israel lec'oqo'tepi jo'ne yataqateguet:

Hageo 1:14

Chane'eja ñe'me Jaliaĝanec jo'ne ja 'nalegue ya'uo 'lañaĝac ca'li joñe'me jaliaĝanec jo'ne yelolegue di'me aleua Judá, mach'e Zorobabel, c'oĝot di'me Salatiel, nataq'aen joñe'me lejaliaĝane'j jogaa'me tamenaĝaiqui lo'ol, mach'e Josué, c'oĝot di'me Josadac, nataq'aen jogaa'me jiyaĝa'u laqaya' jo'ne maliaĝa uo'oe ca'li, qaedi male qoye'et qomle joga'me tamenaĝaiqui jo'ne 'lemec joñe'me Jaliaĝanec mach'e Nedios jo'ne napacalegue ena'uac.

Esdras 6:14

Chane'eja gaa'me lajoĝola'te ga'me judiopi male 'noĝodetapijeguem joga'me tamenaĝaiqui, qama'le yataqata 'uo da'me lamai'j, jouaĝa't daa'me lapaĝaguenataĝanaĝaco ñaa'me Dios 'laqatanaĝanaĝanaqa jo'ne Hageo nataq'aen Zacarías, c'oĝot di'me Idó. Ga'me judiopi yataqata 'noĝodijeguem joga'me tamenaĝaiqui, chayovida'a da'me yoma't joga'me 'lonata'j, qa'a quetede'egue ga'me lamajoĝonaĝac joñe'me Nedios ga'me Israel laje'pi, nataq'aen gaa'me lamajoĝonaĝaco ñaa'me jaliaĝanaqa Ciro, Darío nataq'aen Artajerjes, jaliaĝanaqa di'me Persia.

Hageo 2:20

Nach'ejo jo'me nolo' joñe'me Jaliaĝanec yitaĝa dojapegue' ñe'me Hageo,

Hageo 2:4

Qalaĝaja ¡a'nañaĝat, am Zorobabel! ¡Nataq'aen am Josué jo'ne lejaliaĝane'j jogaa'me tamenaĝaiqui lo'ol! Nataq'aen ¡a'nañaĝachi, ami jiyaĝadipi jo'ne oñita'ña jenjo' aleua! ¡A'uonataĝañi, qa'a yataqata ami jouetauelo!» Naq'aeta da'me 'laqatac joñe'me Jaliaĝanec jo'ne napacalegue ena'uac.

Nehemías 12:10

Joñe'me Josué 'uo ñe'me c'oĝot lenaĝat Joaquim, joñe'me Joaquim 'uo ñe'me c'oĝot lenaĝat Eliasib, nataq'aen ñe'me Eliasib 'uo ñe'me c'oĝot jo'ne Joiadá;

Nehemías 12:1

Naajo' naa'me tamenaĝaiqui lo'ol nataq'aen jogaa'me levita laje' jo'ne chiyoĝotegue jodi'me Babilonia, lequiaĝaua' joñe'me Zorobabel lec'oĝot ñe'me Salatiel nataq'aen joñe'me Josué: Jogaa'me Seraías, Jeremías, Esdras,

Nehemías 8:9

Jogaa'me jiyaĝadipi male noye'n qa'a yataqata domachiyalo jogaa'me 'naqataqa jo'ne lamajoĝonaĝaco joñe'me Dios. Chane'eja joñe'me jaliaĝanec Nehemías, joñe'me Esdras jo'ne paĝaguenataĝanaĝaic nataq'aen tamenaĝaiqui lo'o, nataq'aen jogaa'me levita laje' jo'ne 'yaĝadetegue joga'me yataqata lajoĝo'j jodaa'me namajoĝonaĝaco jogaa'me jiyaĝadipi, edaac: «Jenjo' nolo' yataqata qoyen loĝot joñe'me Jaliaĝanec, mach'e Qanedios. Ena'te ta'le aueñetapega ta'le lichiguilo jonaa'me adai'lidi'.»

Nehemías 5:14

Chiyoqotelegue jo'me uo'e jo'ne veinte da'me lejaliaĝa ñe'me jaliaĝanec Artajerjes, jo'me nolo' ca'li jayem namaĝaquena da'me en jelolegue jenjo' aleua Judá, chayovida'a nayi jenjo' uo'e jo'ne treinta y dos, jayem choqogaa'me mach'e yaqaya' ja qauaconoue jaga'me qanachetaqate jo'ne yelo'teguet da'me yejaliaĝa.

Esdras 4:24

Qama'le joga'me te'me yitaĝa qo'noĝojeguem joga'me Dios 'lemec jo'ne ue'ta di'me Jerusalén, male cha'li qoyaĝañi da'me qo'noĝojeguem, chayovida'a ga'me uo'e dalaĝaic ga'me 'uo ca'li lejaliaĝaiqui ñe'me Darío, jaliaĝanec di'me Persia.

Esdras 4:2

qama'le dajotegue di'me Zorobabel nataq'aen Josué nataq'aen gaa'me najoĝola'te gaa'me naqaya', qama'le enapega't: «Qo'mi auaje'tema qaedi ami qalecochiyalo da'me qa'noĝojeguem, qa'a da'me qo'mi jenaqa'ama da'me ami joote qauapiyenot joñe'me Anedios, jo'ne joote jauoqo qadajaqajec chiyoqo'tegue ca'li maliaĝa 'uo di'me Esarhadón, jaliaĝanec di'me Asiria, jo'ne naqaeñe qo'mi nauetequena.»

Esdras 2:63

Nataq'aen joga'me jaliaĝanec yataqata damaĝajoĝolegue qaedi ja yali'j ga'me niqui'yaĝat jo'ne ja 'nalegue, chayovida'a qom 'uo joga'me tamenaĝaiqui lo'o male t'onataĝanalo ga'me Urim choqoga'me Tumim, qaedi qoyayaten da'me laqataĝac joñe'me Dios.

Esdras 1:8

Ciro male yamaĝalegue ñe'me Mitrídates, nach'eñe lalemaĝajet jo'ne neteloqo't ga'me leuoyaĝac joga'me lejaliaĝa, qaedi 'yiyelaĝatoto gaa'me qodeuodaĝaneque ca'li, qama'le yem da'me naloqote'n, male yanema ñe'me Sesbasar, najoĝola' di'me Judá.

Esdras 5:1

Jogaa'me Dios 'laqatanaĝanaĝanaqa Hageo nataq'aen Zacarías, c'oĝot di'me Idó, male 'yaĝate'tape daa'me 'naqataĝanaĝaco jo'ne chiyoqo'oto joñe'me Dios jogaa'me judiopi jo'ne ueteda'a di'me Judá nataq'aen di'me Jerusalén.

Esdras 5:3

Qalaĝaja yovideta ca'li di'me Jerusalén ñe'me Tatenai, jo'ne yelolegue joga'me aleua lae jo'ne ua'ague ga'me chauo'o di'me ñache Éufrates, nataq'aen ñe'me Setar-boznai choqogaa'me lecochaĝa'u laqaya', qama'le paja'a yena't jogaa'me judiopi: «¿Jach'e joga'me ami yamaĝalo'te qaedi a'noĝoñijeguem jena'me jenjo' tamenaĝaiqui, nataq'aen qaedi gaa'me qadi qoye'n couelo naa'me e'epa?

Esdras 10:18

Naajo' naa'me lenaqa'te gaa'me tamenaĝaiqui lo'ol jo'ne yoda'alo gaa'me loua': Gaa'me chiyoĝoteguet di'me Josué, c'oĝot di'me Josadac nataq'aen gaa'me laqaya': Maaseías, Eliézer, Jarib nataq'aen Guedalías.

Hageo 1:2

«Naq'aeta jenjo' 'yaqatac, mach'e jayem Jaliaĝanec jo'ne napacalegue ena'uac: jenjo' jiyaĝadipi enaac da'me maliaĝa ja laloqo' ta'le qo'noĝojeguem ga'me tamenaĝaiqui jo'ne mach'e 'yemec.»

Hageo 1:3

Qama'le joñe'me Jaliaĝanec yitaĝa yojaĝanaĝan ca'li ñe'me Hageo, enaac:

Hageo 2:21

yamaĝalegue qaedi yitaĝa dojapegue' joñe'me Zorobabel, jaliaĝanec di'me aleua jo'ne Judá, qama'le enaac: «Male yataqata jen deda jodi'me piyem nataq'aen jena'me aleua.

Malaquías 1:8

qom auacoñiya joga'me jiyac jo'ne ja no'en, qom yataqachiñe qaya'te lajo'viyaĝac qa'a qanam uotaĝa uayodaĝaic, chayovida'a yeleuac ga'me jiyac. ¿Qo'li ja aueñetapega ta'le ja no'en jena'me jenjo'? Qama'le ¿toqoch'e ja auañema jo' qomle gaa'me adejaliaĝanaqadi'? ¿Qo'li ja dalemata'y qomle, qama'le ja ami 'te 'yamaqate'n?»

Hageo 1:15

Naq'aeta ga'me 'uo ca'li, ga'me nolo' jo'ne veinticuatro, auoĝoic jo'ne Elul, joga'me uo'e laqaya ca'li maliaĝa 'uo ga'me lejaliaĝa joñe'me Darío.

Zacarías 1:1

Joga'me auoĝoic jo'ne octavo, ca'li dos gaa'me 'uoidi da'me 'uo ga'me lejaliaĝa joñe'me Darío, qama'le ñe'me Jaliaĝanec jo'ne ja 'nalegue yanem jenjo' 'laqataĝanaĝac joñe'me Zacarías, c'oĝot jodi'me Berequías, laual di'me Idó, qama'le enaac:

Zacarías 3:1

Yitaĝa ca'li 'uo ga'me jayem yaloĝona joñe'me Jaliaĝanec, qama'le jauana joñe'me Josué, jenjo' jiyaĝaua mach'e lajoĝola't gaa'me tamenaĝaiqui lo'ol. Jenjo' yataqata nechatetañe ca'li, dajo'taguet joga'me piyem le'ec jo'ne lamaĝajec ñe'me Jaliaĝanec. Ga'me ueta'ña joga'me yayaten ñe'me Josué, 'uo joñe'me piyem le'ec laqaya jo'ne 'uauaĝaic, jo'ne male 'uaeñe da'me paja'a 'uauot.