Habacuc 3:6 - Toba del Oeste

⁶ Jena'me aleua deda nale cada'ac nechachiñi joñe'me Jaliaĝanec, qama'le gaa'me noyaqa yataqata diviloĝo'l jouaĝat da'me lec'atenaĝanaĝac joñe'me. Male pa'l jo' qomle jogaa'me toye's comada'a, nataq'aen male iyidiñe naa'me toye's qajoĝona'a, qalaĝaja gaa'me ladico joñe'me Dios nach'e eta't ja pa'l.

La'aqtaqa Ñim Lo'onatac 'Enauacna 2013

⁶ Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Habacuc 3:6 Referans Kwoze

Nahúm 1:5

Joñe'me yaqanatet da'me en deda'y gaa'me qajoĝona'a; gaa'me qadi let'adayaqa nale qoyauana joñe'me Jaliaĝanec male dola'y. Yema jena'me aleua deda nale qoyauana, nataq'aen yema jena'me jenjo' aleua, chayovida'alo gaa'me netedalegue.

Habacuc 3:10

Naa'me qajoĝona'a male deda'y qa'a am yauata, qama'le vichaĝaguet ga'me uotep jo'ne chiyaqaje'ma di'me piyem; nataq'aen na'me ñache let'a male 'uo da'me lalimaĝa, da'me male di'yo't naa'me lepa'a let'adayaqa.

Miqueas 5:8

Chane'eja gaa'me jo'ne maliaĝa 'noquetaque, c'oqo'tepi ñe'me Jacob jo'ne laguedoue jogaa'me noyaqapi, male eda'am joga'me jauaĝaic nale uetauelo jogaa'me yejidipi, uotaĝa nale tauelo jogaa'me 'nanaĝatel, qama'le ye'quemaqate't chayovida'a da'me yala't, qama'le qaya'te 'liyoqote ta'le nec'aletaye.

Habacuc 1:12

Am Jaliaĝanec, ¿qo'li ja eja da'me nach'e eta't ja am 'te pal? Am Ñedios jo'ne ja am 'te 'nalegue: ¡nach'e eta't da'me ja adeleu! Am Jaliaĝanec jo'ne nach'e eta't jayem adetela, ¡naqa'am jo'ne aua'uo 'lañaĝa'j gaa'me caldeopi qaedi naqaegaua ye't nale ga'me adoequenataĝanaĝac, qaedi ye't nayi da'me adec'atenaĝanaĝac!