Ester 9:20 - Toba del Oeste

²⁰ Chane'eja ñe'me Mardoqueo yediñe yema da'me dojo' jo'ne 'uo ca'li, qama'le ya'uo lediije qaedi yamaĝalo yemeda gaa'me judiopi jo'ne uetedaue da'me lejaliaĝa ñe'me Asuero, yovitalo jogaa'me ueteda'a ga'me qaya'ague.

La'aqtaqa Ñim Lo'onatac 'Enauacna 2013

²⁰ Qaq so Mardoqueo ỹeyiñi co'ollaxa de'era qanayeuaigui, nache ỹamaxa aso lerepi 'enauac so judiopi maye hueta'a so 'alhuapi maye ilotague' so nta'a Asuero, som saqaỹapeque qataq so qaỹoqtapi,

Ester 9:20 Referans Kwoze

Ester 8:9

Chane'eja Ester nataq'aen Mardoqueo paja'a yiyaĝanalo jogaa'me ledaĝanaĝanaqa ñe'me jaliaĝanec, qama'le ga'me nolo' jo'ne veintitrés, auoĝoic tercero jo'ne lenaĝat Siván, gaa'me ledaĝanaĝanaqa male yedidiñe yema joga'me yamaĝalo'te ñe'me Mardoqueo gaa'me judiopi. Jenjo' namajoĝonaĝac yataqata qoyamaĝalo yemeda naa'me ale'u jo'ne uo'oe gaa'me nejaliaĝanaqa, chayovida'alo gaa'me necochaĝa'u jo'ne uo'oe ciento veintisiete naa'me noyaqa. Qoyediñe joga'me 'laqatac jo'ne mach'e yayaten, chiyoqo'taguet di'me India chayovida'a di'me Etiopía. Nach'e ena'am qoyamaĝalo gaa'me judiopi.

Ester 3:12

Chane'eja joga'me nolo' jo'ne trece, auoĝoic jo'ne 'uaechiñe, male qoyiyaĝanalo gaa'me ledaĝanaĝanaqa ñe'me jaliaĝanec, qaedi qoyedidiñe gaa'me lamajoĝonaĝaco joñe'me Amam, qaedi male yamaĝalo yemeda jogaa'me lecochaĝa'u jo'ne yelolo'te gaa'me ale'u lael, nataq'aen yemeda jogaa'me najoĝola'te jena'me aleua. Naajo' namajoĝonaĝaco qoyedidiñe yema 'naqatac jo'ne qoyayaten, qama'le yataqata qoya'uo jaga'me netouojoĝonaqate nataq'aen nedelegue joñe'me jaliaĝanec Asuero.

Ester 1:22

yamaĝalo jaga'me lediije yemeda naa'me 'nachaqa'te jo'ne uo'oe ga'me aleua, jaga'me nediije ualo'te da'me mach'e 'laqataqa gaa'me neteda'ña, da'me nenaĝategue da'me naqaega ga'me le'em jo'ne nejaliaĝatelo'te gaa'me mach'e 'lachaqadiaĝa'u, qaedi yataqata qoya'uo joga'me mach'e 'laqatac.

Ester 1:1

Naajo' uo'oe joca'li ñe'me Asuero nejaliaĝatelo'te ciento veintisiete gaa'me ale'u laqaya' jo'ne laguelegue di'me India chayovida'a loiquiaqa' di'me Etiopía,

Ester 9:19

Qama'le naq'aeta da'me yauote ca'li jogaa'me judiopi: jogaa'me jo'ne qaya'alo, ue'talo gaa'me 'nachaqa'te laqaya', yauote neualayaĝac ga'me nolo' catorce, auoĝoic jo'ne Adar, qama'le onolqa'tape yache't gaa'me laqaya'.

Ester 9:21

Yataqata damaĝajoĝolegue da'me yemeda naa'me 'uoidi naa'me noloqo'ote catorce nataq'aen quince, auoĝoic jo'ne Adar, yataqata qoya'uo neualayaĝac let'adaic.

Ester 9:26

Chane'eja naa'me naajo' noloqo'ote yataqata qoyayate'n da'me Purim jo'ne yelo'tegueta qonalichigui. Gaa'me judiopi 'yamaqate'n joga'me qoyediñe jo'ne lediije ca'li ñe'me Mardoqueo, nataq'aen joote qoyayaten ga'me 'uo joca'li,

Ester 9:27

qama'le yataqata 'yamaqate'n da'me qoya'uo neualayaĝac yemeda naa'me 'uoidi naa'me naajo' noloqo'ote, qaedi yataqata qouenata da'me 'uo namaic ca'li, chayovida'a da'me nach'e eta't da'me qoyapaĝagueneque jena'me jenjo' gaa'me ñoqolqapi jo'ne 'niyidiñe qomle, nataq'aen jogaa'me jetaque tauelo gaa'me judiopi.

Ester 9:29

Qama'le jañe'me jaliaĝana Ester, c'oqote di'me Abihail, nataq'aen Mardoqueo yitaĝa yauote jaga'me lediije laqaya, qaedi male yataqata qoyayate'n naa'me naajo' noloqo'ote jo'ne Purim.