Ester 8:17 - Toba del Oeste

¹⁷ Yemeda naa'me noyaqa ca'li qoyayaten jena'me lamajoĝonaĝac ñe'me Asuero, gaa'me judiopi yataqata 'uo da'me lamai'j qama'le yauo'oe jogaa'me leualayaĝaco let'adayaqa. Chayovida'a da'me male qot'oiyalo gaa'me judiopi, qama'le uo'oe ca'li gaa'me jetaque quetede'egue jena'me lepe'e ladic.

La'aqtaqa Ñim Lo'onatac 'Enauacna 2013

¹⁷ Qaq 'enauac som 'alhuapi, qataq so huaqta'a't nỹecpi maye ivira'a se'eso lamaxasoxonaxac so nta'a, nache so judiopi ỹataqta nlaqchigui da ntonaxac, qataq da lamaicỹaxac, nache ỹo'ot so lquia'axac qataq la'ashaxac. Qaq nataqa'en som shiỹaxauapi maye hueta'a se'eso 'alhua, qalota co'ollaxa som nañigui da judío, cha'aye souaxat da lli'iỹaxa.

Ester 8:17 Referans Kwoze

Ester 9:19

Qama'le naq'aeta da'me yauote ca'li jogaa'me judiopi: jogaa'me jo'ne qaya'alo, ue'talo gaa'me 'nachaqa'te laqaya', yauote neualayaĝac ga'me nolo' catorce, auoĝoic jo'ne Adar, qama'le onolqa'tape yache't gaa'me laqaya'.

1 Samuel 25:8

Auena't qama'le am t'aqataĝatem jogaa'me adalemaĝaje'te. Jouaĝat da'me dojo' am ñachoĝodenot qaedi a'nonaĝachiguilo naa'me naajo' nejo', qama'le onaĝaic ga'me yauata qom am yovideta. Qama'le auanema ga'me maqachaĝa auana jogaa'me ñejoĝonaqa nataq'aen jayem, qa'a ena'am ta'le jayem ac'oĝot.”»

Ester 9:27

qama'le yataqata 'yamaqate'n da'me qoya'uo neualayaĝac yemeda naa'me 'uoidi naa'me naajo' noloqo'ote, qaedi yataqata qouenata da'me 'uo namaic ca'li, chayovida'a da'me nach'e eta't da'me qoyapaĝagueneque jena'me jenjo' gaa'me ñoqolqapi jo'ne 'niyidiñe qomle, nataq'aen jogaa'me jetaque tauelo gaa'me judiopi.

Ester 9:22

Qa'a qouenatalo gaa'me noloqo'ote ca'li gaa'me judiopi male qaya da'me lachoĝode'j uotaĝa ta'le totelo'te, dite da'me 'uo ga'me namaic chayovida'a 'nemaĝac. Naajo' noloqo'ote jo'ne yauote neualayaĝac, onolqa'tape yache't gaa'me laqaya' nataq'aen lecochiyalo jogaa'me qaya'te yauata.

Ester 9:2

Yemeda jogaa'me 'nachaqa'te jo'ne ua'ñalo ga'me lejaliaĝa ñe'me Asuero, gaa'me judiopi yauote lojaĝa'j qama'le yataqata nejauaĝa't joca'li qaedi gamachaqaega jo'ne 'uo ga'me jetaque ya'uo joga'me 'yeteque ja yaqanatet. Qalaĝaja yataqata qayaua jo'ne dajoya'agueta gaa'me, qa'a male yataqata qot'oiyalo jogaa'me.

Ester 9:17

Jenjo' 'uo ca'li nolo' jo'ne trece, auoĝoic jo'ne Adar. Joga'me nolo' jo'ne catorce, yataqata 'nomatedegue, chayovida'a yauote leualayaĝa'j qa'a made'tape.

Nehemías 8:10

Joñe'me Nehemías queta joga'me lojaĝac jo'ne enaac: «Jamoyi nataq'aen yataqachiñe 'uo qomle joga'me jo'ne aualiqui, jogaa'me niqui'yaqa'te jo'ne yataqata jama't, nataq'aen aniyomiyigui joga'me jama. Nach'e ena'am auecolaĝachiyeguelo jogaa'me niqui'yaqa'te qama'le auañema jogaa'me uotete' jogaa'me jo'ne maliaĝa ja yauote joga'me yali'j. Jenjo' nolo' yataqata ja 'nalegue jo'ne loĝot joñe'me Qadejaliaĝanec. ¡Ena'te ami totelo'te, uotaĝa lichiguilo jonaa'me adai'lidi', qa'a jouaĝat da'me ya'uo da'me qadamaic joñe'me Jaliaĝanec, jo'ne qo'mi 'yañaqate't!»

Ester 9:3

Yataqata qot'oiya joñe'me Mardoqueo, qama'le yemeda jogaa'me jaliaĝanaqa nataq'aen gaa'me najoĝola'te jo'ne yelolo'te gaa'me ale'u yataqata qolecochiyalo jogaa'me judiopi.