Ester 7:9 - Toba del Oeste

⁹ 'Uo joñe'me coico le'ec lenaĝat Harboná enaac: «Ga'me 'lachaqa' na'me Amam 'uo jaga'me nejoquetañe, yauana janjo' veintidós metros da'me qayaje'mec, jo'ne 'lonata qaedi yecoñedajeguem joñe'me Mardoqueo, naqaeñe jo'ne am 'yaĝatem ca'li, am jaliaĝanec, da'me uo'oe ca'li gaa'me jetaque am yala't.» Chane'eja ñe'me Asuero enaac: «¡Nach'aga da'me auecoñiidaje'mec qomle!»

La'aqtaqa Ñim Lo'onatac 'Enauacna 2013

⁹ Qaq so lamaxashecpi so nta'a, huo'o so le'enaxat Harboná, somaye, 'eeta': Ye lma' ñi Amán huo'o ara lhuotta 'epaq, maye ivi' veintidós metros ye lshequitcheguema, maye ñimaye iqataxanai' co'ollaxa da huotaique qaicoñerasheguemec so Mardoqueo, som ỹale maye ỹataqta no'oñi naua ltaxaỹaxaco maye 'am ỹanema, 'am nta'a. Nache so nta'a 'enapeco': ¡Hua', damaye qaucoñiyasheguemec qome acamaye!

Ester 7:9 Referans Kwoze

Ester 5:14

Qama'le jañe'me loua Zeres nataq'aen yemeda jogaa'me naigaĝa'u yapaĝaguetec jenjo': «Auamaĝajoĝolegue qomle da'me qoye'et qaedi qoyecoñedajeguem, nalo'taguet veintidós metros da'me qayaje'mec. Qama'le qom 'yoĝoñi ne'teta male a'uaqataĝanem joñe'me jaliaĝanec qaedi qoyecoñedajeguem ñe'me Mardoqueo. Jana'me janjo' at'onata, qaedi yataqata am matac qomle joga'me neualayaĝac, qa'a am ne'tajop ñe'me jaliaĝanec.» Qama'le yataqata 'yamaqaten joñe'me Amam ga'me lelnataĝa'j gaa'me naigaĝa'u. Chane'eja male damaĝajoĝon qaedi qoye'et jañe'me qaedi qoyecoñedajeguem qomle ñe'me Mardoqueo.

Ester 1:10

Ca'li nolo' jo'ne siete joga'me neualayaĝac, ñe'me jaliaĝanec Asuero yataqata matac, qa'a niyomigui ga'me lataĝa, qama'le yiyaĝanalo gaa'me siete jiyaĝa'u jo'ne yataqata 'yamaqate'n, lenaĝa't da'me Mehumán, Biztá, Harboná, Bigtá, Abagtá, Zetar nataq'aen ñe'me Carcás.

Ester 9:25

Qalaĝaja ca'li noma'a joñe'me jaliaĝanec Asuero da'me eeta da'me lelnataĝac ñe'me Amam, qama'le ya'uo joga'me lamajoĝonaĝac 'me yataqata qoyediñe, qaedi qoyen nedo'oguet joñe'me Amam da'me yataqata ja no'en jo'ne te'me 'lonataĝanaĝac ca'li, qama'le Amam nataq'aen gaa'me lec'oqo'te yataqata qoyecoñededajeguem ca'li.

Ester 6:14

Maliaĝa dojetapega't qama'le paja'a da'me novi't jogaa'me coico laje' jo'ne neteloqo't ñe'me jaliaĝanec Asuero, qama'le qoyachi joñe'me Amam, qoyauega joga'me neualayaĝac jo'ne ya'uo jañe'me Ester.

Ester 6:2

Qama'le ca'li yovita joda'me qodojelegue ca'li ñe'me Mardoqueo 'yaĝatetac da'me jetaque qoyalat joñe'me jaliaĝanec, da'me nach'egaua gaa'me neteloqo't jo'ne Bigtán nataq'aen Teres jo'ne jetaque yala't ca'li joñe'me jaliaĝanec Asuero.

1 Samuel 17:51

Yem qama'le David paja'a da'me yacha'a di'me Goliat, qaedi naqat ga'me ledaĝanaĝat di'me filisteo le'ec, qama'le yichaĝaye ga'me laqaic da'me yataqachiñe yalat. Chane'eja, jogaa'me nalada't lo'ol jo'ne filisteopi, mane'e da'me yauatadelegue di'me jiyaĝaua let'adaic jo'ne nalada't lo'o queda'me qoyalat, male etedelegue.

Ester 8:7

Joñe'me Asuero male 'yateguet jañe'me Ester nataq'aen joñe'me Mardoqueo, enaac: «Joote am janema, am Ester, yema jogaa'me loqo'te ca'li di'me Amam jo'ne qoyecoñedajeguem ca'li, yajouaĝat da'me jetaque yala't naa'me judiopi.

Ester 9:14

Qama'le ñe'me jaliaĝanec Asuero damaĝajoĝolegue qaedi naq'aeta joga'me qoya'uo: yataqata qoyecoñededajeguem gaa'me diez lec'oqo'te di'me Amam, qama'le naq'aeta qoyauatalo'te ca'li di'me noic jo'ne Susa.