Ester 7:7 - Toba del Oeste

⁷ Joñe'me Asuero male ñejeguem, ca'e joga'me niqui'yaĝala' da'me yataqata dalemata, qama'le yec'ata jodi'me dajoya'ya ga'me nejaliaĝaiqui jo'ne uapega jana'me la'uo jaga'me nana, qaedi 'nemaqapiñe da'me lalemataic. Qalaĝaja ñe'me Amam yataqata yayaten ca'li da'me jaliaĝanec jetaque yalat, qama'le ch'e netaue joga'me emec qaedi nachoĝodenot jañe'me jaliaĝana Ester qaedi nec'alaĝategue.

La'aqtaqa Ñim Lo'onatac 'Enauacna 2013

⁷ Nache so Asuero ñisheguem, ỹataqta nlaqchigui da lalemataic, nache ca'ai so huaña so nquia'axac, nache tauga so nanaxanaqa' se'eso nma' lta'araic. Qalaxaye so Amán, co'ollaq ỹauatton da so nta'a mashe lhuennataxac da ỹaneguet da nleuaxa somaye, nache somaye no'onañi da yaqto' nachoxonnot aso Ester da nca'alaxatec somaye.

Ester 7:7 Referans Kwoze

Ester 1:12

Qalaĝaja ca'li qo'yaĝatem da'me 'laqatac ñe'me jaliaĝanec, jañe'me jaliaĝana ja yoqo'cha. Qama'le ca'li noma'a jenjo', ñe'me jaliaĝanec yataqata dalemata.

1 Samuel 25:17

Qalaĝaja ñe'me adoua yataqachiñe qaleuaĝaic jo'ne ja ch'e qoyaqanatet ta'le qodojapegue'. Chane'eja auenate'ta ga'me aua'uo, qa'a ñe'me David joote yem da'me lelnataĝac da'me yataqata eja da'me naga ñe'me qadadipa choqogaa'me 'lachaqadiaĝa'u.»

1 Samuel 20:9

Qalaĝaja Jonatán 'yateguet joñe'me: «¡Da'me dojo' 'noota qom ja am 'te yepaguelegue! Maq joda'me qom jayaten ñe'me taĝadena' da'me ja no'en da'me jetaque am 'yetec, qama'le paja'a da'me am jayatenaĝanaĝanec jaĝa'te.»

1 Samuel 20:7

Qom ñe'me adet'a 'yamaqaten joda'me, qama'le jen machiñe q'aen. Qalaĝaja qom dalemata, male yataqachiñe auayaten joñe'me da'me jetaque 'uo da'me jayem 'yetec.

Ester 1:5

Yem da'me dojo', qama'le yitaĝa damaĝajoĝolegue qaedi qoya'uo joga'me neualayaĝac laqaya jo'ne qoyacha'ña di'me dajoya'ya ga'me nejaliaĝaiqui jo'ne onaĝaic, nalo'taguet da'me siete gaa'me noloqo'ote da'me deualaĝai'tape. Qama'le yiyaĝanalo yemeda gaa'me neda'ña di'me noic Susa, gaa'me neuoyaĝadi chayovida'alo gaa'me qaya'te yauata.

Ester 7:10

Chane'eja naq'aeta da'me yauote: qoyecoñedajeguem jo'me Amam, qoyecoñedaje'mec jaga'me nejoquetañe jo'ne qoye'et ca'li qaedi te'me qoyecoñedajeguem joñe'me Mardoqueo. Yem da'me dojo' qama'le joñe'me jaliaĝanec Asuero male machiñe.