Ester 6:4 - Toba del Oeste

⁴ Mate naloja'a da'me yenoĝoneuo joñe'me Amam, qa'a yelotaque ñe'me jaliaĝanec qaedi dojapegue' da'me jetaque yecoñedajeguem ñe'me Mardoqueo, qa'a joote 'uo jaga'me 'lonata. Qama'le ñe'me Asuero denataĝan: «¿Jach'e joga'me que'tague jona'me nojo'?»

La'aqtaqa Ñim Lo'onatac 'Enauacna 2013

⁴ Qaq so Amán mashe huenoxoneua'a so qasoxoc maye dataỹauga so ỹaqauga lma' so nta'a, da yaqto' dequiguiỹaua'a so Mardoqueo da qaicoñerasheguemec aso 'epaq maye damaxasoxoolec co'ollaxa somaye da qaiqataxanai'. Nache so nta'a denataxan, 'eeta': ¿Negue't dam coleetac ye qasoxoc?

Ester 6:4 Referans Kwoze

Ester 5:14

Qama'le jañe'me loua Zeres nataq'aen yemeda jogaa'me naigaĝa'u yapaĝaguetec jenjo': «Auamaĝajoĝolegue qomle da'me qoye'et qaedi qoyecoñedajeguem, nalo'taguet veintidós metros da'me qayaje'mec. Qama'le qom 'yoĝoñi ne'teta male a'uaqataĝanem joñe'me jaliaĝanec qaedi qoyecoñedajeguem ñe'me Mardoqueo. Jana'me janjo' at'onata, qaedi yataqata am matac qomle joga'me neualayaĝac, qa'a am ne'tajop ñe'me jaliaĝanec.» Qama'le yataqata 'yamaqaten joñe'me Amam ga'me lelnataĝa'j gaa'me naigaĝa'u. Chane'eja male damaĝajoĝon qaedi qoye'et jañe'me qaedi qoyecoñedajeguem qomle ñe'me Mardoqueo.

Ester 4:11

«Yemeda naa'me lamaĝa's joñe'me jaliaĝanec nataq'aen joga'me jiyaĝadipi jo'ne netalo'te naa'me ale'u lael, qoyayaten da'me ja ch'e qoyec'ata nale ñe'me jaliaĝanec qom ja qoniyaĝana. Qa'a gamachaqaega joga'me ya'uo da'me dojo', yataqata qoyalat: nach'edata da'me qoyichoĝoden qom ñe'me jaliaĝanec male talaĝanec da'me nodegue ga'me laje'l jo'ne oro. Qalaĝaja da'me jayem, nayi qa'a nalo'taguet da'me treinta naa'me noloqo'ote ñe'me jaliaĝanec ja jayem 'te niyaĝana.»

Ester 5:1

Male yenoĝodegue tres jaa'me noloqo'ote qama'le Ester yaediñe jogaa'me leuo da'me jaliaĝana, qama'le yec'ata joga'me najom ga'me nejaliaĝaiqui jo'ne dajoya'aguet jaga'me neje'onaĝaiqui joñe'me jaliaĝanec, qama'le ñe'me yataqata ñichiñe ca'li.

Ester 7:9

'Uo joñe'me coico le'ec lenaĝat Harboná enaac: «Ga'me 'lachaqa' na'me Amam 'uo jaga'me nejoquetañe, yauana janjo' veintidós metros da'me qayaje'mec, jo'ne 'lonata qaedi yecoñedajeguem joñe'me Mardoqueo, naqaeñe jo'ne am 'yaĝatem ca'li, am jaliaĝanec, da'me uo'oe ca'li gaa'me jetaque am yala't.» Chane'eja ñe'me Asuero enaac: «¡Nach'aga da'me auecoñiidaje'mec qomle!»

Ester 6:3

Jenjo' male denataĝan: «¿Jach'e joga'me qoyanem ñe'me Mardoqueo da'me 'yaĝatetac jena'me jenjo'? ¿Jach'e onaĝaic ta'le qoyanem?» Gaa'me lamaĝa's 'yadeteguet: «Yataqata qaya joga'me qoyanem.»

Ester 6:5

Gaa'me lamaĝa's t'aqataĝanem da'me naqaeñe ñe'me Amam, qama'le joñe'me Jaliaĝanec enaac: «Aueñi nenoĝoneuo.»