Ester 4:14 - Toba del Oeste

¹⁴ Qom ja auojapegue' ñe'me Asuero nayi qaedi qo'mi yichoĝode'n, qama'le 'uo jo' qomle ga'me qat'emaĝac ga'me na'ya, qalaĝaja da'me am nataq'aen joga'me adayi yema yele'u qomle. Yelnataĝac da'me auaqauaye nayi da'me am jaliaĝana qaedi auaqanatet ta'le qo'mi alecochiyalo, da'me qo'mi judiopi.»

La'aqtaqa Ñim Lo'onatac 'Enauacna 2013

¹⁴ Qaq nagui da 'añe'emaxat, qataq da qaica ca 'ara'aqtac, nache ca lca'alaxa na judiopi huo'o qome ca lỹa chegaqa'ague, qalaxaye 'am qataq na llalaqpi so 'arta'a, qaullivi qome. ¡Qaq souaxai' nachera da huo'omshe 'aviraua'a da 'am nate'e, da yaqto' qomi' 'autauan de'era souaqaigui!»

Ester 4:14 Referans Kwoze

1 Samuel 12:22

Qalaĝaja joñe'me Jaliaĝanec qamqa'me ja ami 'te yegue'm, qa'a joñe'me jetaque yataqachiñe ami lec'oqo'tepi, qaedi nach'e eta't qo'nonaĝachigui da'me lenaĝat.

Esdras 9:9

Te'me qo'mi ne'uaqa, qalaĝaja ja qo'mi 'te aĝadiñe. Ca'li maliaĝa jonaqa'ña di'me Persia, gaa'me jaliaĝanaqa yauata da'me adoqopich'i let'adaic jo'ne qo'mi auanema, qama'le qo'mi qoyaje'tema qaedi yitaĝa qa'noĝojeguem joga'me at'emec, nach'ega jo'ne qonolaĝachiñe ca'li. ¡Nayi jena'me jenjo' Jerusalén nataq'aen jenjo' aleua jo'ne Judá, yataqata am 'uo qaedi qo'mi adetelalo!

Ester 2:15

Jodi'me let'a jañe'me Ester qa'a lenaĝat da'me Abihail, netejoqo' ñe'me Mardoqueo, jo'ne en c'oqote ca'li yeleu di'me Abihail. Ca'li qauaye jañe'me Ester da'me male yec'ata joñe'me jaliaĝanec Asuero, qama'le gaa'me leuo jo'ne en yaediñe ca'li ñe'me Hegai, nach'eñe jo'ne yelolo'te ca'li gaa'me yauodipi. Qama'le yataqata qo'yamaqaten yemeda jogaa'me neteloqo't.

Ester 2:7

Mardoqueo 'uo ca'li jañe'me liaqata jo'ne lenaĝat Hadasá, nataq'aen lenaĝat laqaya jo'ne Ester. Janjo' mach'e lec'oqote' gaa'me netejoqo't ñe'me Mardoqueo, qalaĝaja japelo', qa'a yele'u ca'li dia'me let'al. Chane'eja Mardoqueo yataqata nauela't qama'le e'tem c'oqote. Ester yataqata onaĝae chayovida'a nalo'ta't joga'me 'loyaĝac.

Nehemías 6:11

Qalaĝaja ja'ateguet ca'li: «Ena'te auetapega ta'le jayem qolanaqaic. Gaa'me jiyaĝa'u jo'ne yelodelegue ga'me noic, ja 'noota ta'le yec'adeta ga'me tamenaĝaiqui da'me nañoĝochidiñe qaedi ja yele'u. Chane'eja da'me jayem ja ja'uo da'me dojo' jo'ne auenaac.»

1 Samuel 17:29

Qalaĝaja ñe'me David 'yateguet, qama'le eetac: «¿Jach'e ga'me ja no'en jo'ne ja'uo? ¡Nach'edata da'me ch'e jenataĝatac!»

Ester 4:13

qama'le yitaĝa ya'uo jena'me jenjo' 'laqatac: «Ena'te auenate'ta da'me am onole jo'ne anec'alegue jo' qomle, yajouaĝat da'me onetaue jena'me nejaliaĝaiqui.

Ester 4:15

Yitaĝa ya'uo 'laqatac jañe'me Ester, jo'ne yamaĝa ñe'me Mardoqueo, enaac:

Ester 2:17

Qama'le ñe'me jaliaĝanec Asuero yataqata noqopita jañe'me Ester, ja ena'ama gaa'me 'uaediñe loua', qama'le yataqata 'yamaqaten jañe'me, etapega napacalo'te yemeda gaa'me q'añolel laqaya'. Chane'eja paja'a yanaye jaga'me noqop'a, qama'le en jaliaĝana, tayi jajo'me Vasti.