Biblia Todo Logo
Bib sou entènèt

- Piblisite -




Ester 2:9 - Toba del Oeste

9 Hegai ca'li yauana qama'le yataqata 'yamaqaten. Chane'eja paja'a damaĝajoĝolegue qaedi qoye'et qoyiyoĝolegue da'me davioĝon jo'ne yelo'teguet da'me onaĝaic, nataq'aen da'me yataqata qoyiqui'yaĝan jaga'me, chayovida'a damaĝajoĝolegue jogaa'me siete namaĝajel jo'ne onaĝael qaedi yataqata qoyelo'oguet jañe'me Ester, nataq'aen qoyachaue joga'me onaĝaic emec jo'ne uaue gaa'me yauodipi.

Gade chapit la Kopi

La'aqtaqa Ñim Lo'onatac 'Enauacna 2013

9 Qaq so Jegay ỹataqta ỹaỹamaxareeta co'ollaxa asa'aso qa'añole, qataq ỹauotec, qaq ỹoqo'oye so Jegay saỹaỹaloxon co'ollaxa da ipicten asomaye, ỹanem so no'on nallec, qataq ipataxagueta da huapegue' asomaye soua siete maye ỹataqta no'oñi asom namaxashepi maye hueta'a so lma' lta'araic so nta'a, qaq nache lỹata'ape naqa'en soomaye, co'ollaq nquigaxata som ỹataqta 'onaxaic nỹec som lma' lta'araic som 'alpi.

Gade chapit la Kopi




Ester 2:9
12 Referans Kwoze  

Naa'me q'añolel nalo'tagueta gaa'me doce auoĝoyaqa da'me yataqata qo'ye't qaedi onaĝael, qa'a naq'aeta da'me mach'e naeda'ac ca'li: gaa'me seis auoĝoyaqa nach'e eta't qoyiyoĝolo'te ga'me lo'oc jena'me laeta jaga'me mirra, qama'le jogaa'me noloqo'ote laqaya' qoyiyoĝolo'te ga'me davioĝon jo'ne en 'noota ga'me lo'oc. Yem da'me dojo' qama'le naa'me q'añolel male qoya'uo joga'me laloqo't qaedi dajoyeda'aguet ñe'me jaliaĝanec Asuero.


'Noota qom auauo'oe gaa'me adecochaĝa'u yemeda gaa'me ale'u lael qaedi naueta gaa'me q'añolel jena'me jenjo' adejaliaĝaiqui, neteda'ña di'me 'lachaqa't gaa'me yauodipi. Qama'le ñe'me Hegai yataqata netelalo jo' qomle, nach'eñe jo'ne yataqata a'uamaqaten da'me yelolegue gaa'me yauodipi, qama'le e'n qomle yataqata onaĝael jogaa'me.


Joñe'me Esdras qa'a paĝaguenataĝanaĝaic jo'ne yataqata yayaten jana'me Dios 'laqatac lae't, ca'li yaloĝon di'me Moisés. Joñe'me Jaliaĝanec 'yetec ca'li ñe'me Artajerjes qaedi yema ga'me youetaque ñe'me Esdras yema qoya'uo. Qama'le joñe'me Esdras ca'e di'me Babilonia,


nataq'aen jaga'me adediije jo'ne yelo'ta ñe'me Asaf jo'ne neteloqo't jodi'me 'nonaĝa jo'ne adoĝot, am jaliaĝanec, jo'ne ya'uo da'me lecochaĝac jo'ne jouetaque, qaedi yitaĝa 'ñoĝojeguem jogaa'me lael ñe'me tamenaĝaiqui choqogaa'me lael joga'me noic, nataq'aen qaedi ja'uo ga'me emec jo'ne jonaue.» Qama'le ñe'me jaliaĝanec Artajerjes jayem yanem yema jenjo', qa'a da'me lichoĝodenataĝanaĝac joñe'me Dios jayem ue'tajop.


Ca'li joñe'me jaliaĝanec yauana jañe'me Ester qama'le yataqata matac. Paja'a nodegue ga'me laje'l jo'ne oro, qama'le jañe'me Ester male nichiiuo, qama'le yepot ga'me lejenec ga'me naje'l.


Swiv nou:

Piblisite


Piblisite