Ester 1:10 - Toba del Oeste

¹⁰ Ca'li nolo' jo'ne siete joga'me neualayaĝac, ñe'me jaliaĝanec Asuero yataqata matac, qa'a niyomigui ga'me lataĝa, qama'le yiyaĝanalo gaa'me siete jiyaĝa'u jo'ne yataqata 'yamaqate'n, lenaĝa't da'me Mehumán, Biztá, Harboná, Bigtá, Abagtá, Zetar nataq'aen ñe'me Carcás.

La'aqtaqa Ñim Lo'onatac 'Enauacna 2013

¹⁰ Qaq so ivita so na'a'q siete se'eso nquia'axac qataq so na'ashaxac, nache so nta'a ỹataqta machiguiñi souaxat so lataxa, nache ỹama'q soua siete shiỹaxau' maye ỹataqta lpe'e'te, so Meumán, Bizta, Jarboná, Bigta, Abagta, Zetar qataq so Carcas,

Ester 1:10 Referans Kwoze

Ester 7:9

'Uo joñe'me coico le'ec lenaĝat Harboná enaac: «Ga'me 'lachaqa' na'me Amam 'uo jaga'me nejoquetañe, yauana janjo' veintidós metros da'me qayaje'mec, jo'ne 'lonata qaedi yecoñedajeguem joñe'me Mardoqueo, naqaeñe jo'ne am 'yaĝatem ca'li, am jaliaĝanec, da'me uo'oe ca'li gaa'me jetaque am yala't.» Chane'eja ñe'me Asuero enaac: «¡Nach'aga da'me auecoñiidaje'mec qomle!»

2 Samuel 13:28

Qama'le enaac da'me uaqateque gaa'me lamaĝa's: «Avichi'ta ñe'me Amnón qom joote yataqachiñe taĝaic, nataq'aen qom ami jamaĝalo'te da'me aualachi, qama'le aualachi. Ena'te gamachaqaega at'oiyiyapega, qa'a mach'e jayem da'me ami jamaĝalo'te. Chane'eja auacoñiyeguet da'me at'añaĝaqui.»

Rut 3:7

Male yem joca'li da'me liqui'yaĝac ñe'me Booz, qama'le yaloĝon da'me yataqachiñe matac joñe'me. Yec'ata joga'me ua'ña ga'me jalcote jala, qama'le nach'ega ua'ña da'me t'oche. Qama'le joca'li ñe'me Booz yataqachiñe t'oche, male jañe'me Rut yec'ata di'me ueta'ña jodi'me, nodichiñi qama'le ua'ajop joca'li.

Ester 1:9

Qama'le jañe'me jaliaĝana Vasti nach'e ena'am dachetaĝan ua'a ca'li di'me lejaliaĝaiqui ñe'me jaliaĝanec Asuero, qaedi nataq'aen qoya'uo ga'me neualayaĝac jo'ne loĝo't gaa'me yauodipi jo'ne quetapegue'to gaa'me le'mi ca'li.

Ester 3:15

Yataqata paja'a da'me eque' gaa'me namaĝa's, qa'a naq'aeta da'me yamaĝalo'te ñe'me jaliaĝanec, qama'le nach'e ena'am da'me qoyaloĝon jodi'me noic let'adaic jo'ne Susa. Chane'eja yataqata yoqochetem yema ga'me jiyaĝadipi; joñe'me jaliaĝanec qamqa'me yataqata matac, male niyometac, naequetapegue' ñe'me Amam.