Esdras 9:8 - Toba del Oeste

⁸ »Qalaĝaja nayi, ja cop'a da'me male qo'mi avichoĝode'n, da'me am Jaliaĝanec mach'e Qanedios, qa'a qo'mi auaje'tema da'me male qo'mi uojochidiñe qama'le aue'n qo'mi machidiñe da'me yitaĝa jonaqa'ña jena'me jenjo' aleua jo'ne joote qo'mi auanema joca'li. Yataqata qo'mi made'tape nayi, qa'a yitaĝa qo'mi a'uañaqate't nataq'aen auadalaĝat da'me qadamaic, mate mane'e da'me maliaĝa jouaqataue da'me qanelataguec.

La'aqtaqa Ñim Lo'onatac 'Enauacna 2013

⁸ Qalaxaye nagui 'am, Nataxala' maye Qanatamnaxala', de'era 'arauotaxanaqtaic da shenaqta nache chegoqchigui da huo'o na ishet da qaisoueeguesop da nlataguec, nache qomi' qoỹanema da ñanaguenaq da ỹoltaq sonaqalec ne'ena 'alhua maye qui'itta maye qomi' 'aỹa'anema. Qataq qomi' 'anema da dalaxaic qanaquitaxac qataq qomi' 'auo'oteque da ñe'eguelaxasheguem de'era qantonaxac.

Esdras 9:8 Referans Kwoze

Oseas 6:2

Qom yenoĝodegue dos uotaĝa tres gaa'me noloqo'ote, qama'le yitaĝa qo'mi 'niyelaĝachidijeguem, ¡qa'a qo'mi nec'alaĝatedegue qomle, qaedi nach'e eta't da'me jonaqa'tajop joñe'me!

Habacuc 3:2

Am Jaliaĝanec, joote jayem qo'yaĝatem gaa'me at'onataqa let'adayaqa joca'li aue'uolo'te joga'me ac'oqo'tepi, qama'le yataqata en jayem najaqachigui da'me yauategaĝa. Chane'eja male yitaĝa aua'uo nayi naa'me naajo' noloqo'ote da'me qo'mi nec'alaĝatedegue, qaedi male jauanaĝa qama'le yataqata am jayatenaq. Uotaĝa eja te'me 'uo da'me adalemataic, qalaĝaja qo'mi aualoĝonalo qomle da'me adichoĝodenataĝanaĝac.

Zacarías 10:4

Jenjo' Judá lec'oqo'tepi qomle chiyaqayi joga'me qa' 'me t'añiyapeguet ga'me emec, nataq'aen joga'me epaq jo'ne qoyejoiñe 'me nauequetañe ga'me nepe'l, choqoga'me chiquenec jo'ne nalada't lo'o, qa'a nach'ena jenjo' jo'ne chiyoqodaue gaa'me najoĝola'te.

Zacarías 8:12

Qa'a da'me 'nemaĝac male ami qoyanema. Onolqa'tape ami uetauelo gaa'me uva lichidijat, jalcote qomle jaga'me jala. Jena'me aleua, yema joga'me chiyaqayi; jena'me piyem, ga'me loiquiaĝa. Yema jena'me jenjo' ami janema, tayi da'me ovitapega jenjo' noic.

Zacarías 8:6

»Nataq'aen ñenaĝategue jenjo': Qomle gaa'me 'niyoqo'te jenjo' yalaqapi male uelna't da'me yataqata qalaq da'me yitaĝa naq'aeta jenjo'. Qalaĝaja da'me jayem yataqata ja jen qalaq jena'me jenjo'. Jayem Jaliaĝanec jo'ne ñapacalegue ena'uac, naq'aeta ga'me ñenaĝategue.

Nehemías 9:31

Qalaĝaja da'me 'uo joda'me adoqopich'i nataq'aen 'uo joda'me adichoĝodenataĝanaĝac, qama'le ja auapalaĝa't jogaa'me nataq'aen ja auegue'm, qa'a da'me am mach'e Dios jo'ne ja jemataqaic nataq'aen choĝodenataĝanaĝaic.

Nehemías 1:11

Am ñachoĝodenot, am Yejaliaĝanec, jayem anaquiaĝana nale jauo'oe jodaa'me ñachoĝodenaĝaco, jayem jo'ne mach'e anejoĝonec, nach'e ena'am yema jogaa'me jiyaĝadipi jo'ne anejoĝonaqa jo'ne 'nonaĝachedigui joda'me adenaĝat. Jayem auanem da'me dojo', qaedi 'uo joga'me jaqanatet qomle male jajoya'aguet ga'me jaliaĝanec, qaedi nach'e ena'am jayem yanem joga'me jouetaque.» Jaajo' noloqo'ote jayem jo'ne japiyen ga'me laquip joga'me jaliaĝanec.

Esdras 9:9

Te'me qo'mi ne'uaqa, qalaĝaja ja qo'mi 'te aĝadiñe. Ca'li maliaĝa jonaqa'ña di'me Persia, gaa'me jaliaĝanaqa yauata da'me adoqopich'i let'adaic jo'ne qo'mi auanema, qama'le qo'mi qoyaje'tema qaedi yitaĝa qa'noĝojeguem joga'me at'emec, nach'ega jo'ne qonolaĝachiñe ca'li. ¡Nayi jena'me jenjo' Jerusalén nataq'aen jenjo' aleua jo'ne Judá, yataqata am 'uo qaedi qo'mi adetelalo!

1 Samuel 14:29

Qama'le 'yat ñe'me Jonatán: «Da'me ya'uo ñe'me taĝadena' yataqachiñe 'naĝat ga'me noic. Auec'aten: paja'a janomeguet da'me 'yañaĝac, da'me japiyen ga'me ma'ague.

1 Samuel 14:27

Qalaĝaja Jonatán, jo'ne ja domachiya ca'li ga'me 'laqatac ñe'me let'a jo'ne yanema gaa'me coicopi, nodegue ga'me laje'l jo'ne lajoqot'a, yijomiñigue ga'me lejenec ga'me laje'l ga'me ma'ague qama'le yalic joga'me, qama'le paja'a nomeguet da'me 'lañaĝac.

Sofonías 3:12

Da'me ami jo'ne ami choĝodayaqa nataq'aen ami joĝodayaqa, male ami ñec'alaĝatedegue jo' qomle, qaedi yataqata jayem auapiyeñiyot.