Esdras 9:13 - Toba del Oeste

¹³ »Chane'eja chayovida'a nayi, am Qanedios, 'uo joga'me qadachoĝodec jo'ne yajouaĝa't gaa'me jalcote jo'ne qadoeco nataq'aen gaa'me qadejamaĝataĝaco, qalaĝaja da'me am ja naq'aeta ja'me qane'uaĝanaguec jo'ne qo'mi auanema, maq da'me qo'mi auanema nayi da'me qat'emaĝac.

La'aqtaqa Ñim Lo'onatac 'Enauacna 2013

¹³ Qaq 'enauac de'era souaqaigui souaxat na qauemsat qataq na qarasouaxashetpi. Qomi' sauattonaqta da nache 'am maye Qanatamnaxala' da qomi' 'aỹa'anema de'era qanhuaxanaguec, qalaxaye nataqa'en qomi' 'aỹa'anema da qomi' huesochiyiñi.

Esdras 9:13 Referans Kwoze

Habacuc 3:2

Am Jaliaĝanec, joote jayem qo'yaĝatem gaa'me at'onataqa let'adayaqa joca'li aue'uolo'te joga'me ac'oqo'tepi, qama'le yataqata en jayem najaqachigui da'me yauategaĝa. Chane'eja male yitaĝa aua'uo nayi naa'me naajo' noloqo'ote da'me qo'mi nec'alaĝatedegue, qaedi male jauanaĝa qama'le yataqata am jayatenaq. Uotaĝa eja te'me 'uo da'me adalemataic, qalaĝaja qo'mi aualoĝonalo qomle da'me adichoĝodenataĝanaĝac.

Nehemías 9:32

»Am mach'e Qanedios, am Dios jo'ne anapacalegue ena'uac, da'me am 'uañaĝaic, am jo'ne qot'oiyapega, am jo'ne yataqatelegue da'me auen yepaquichiguilo jogaa'me a'naĝataĝaco: ena'te auapalaĝate'talo gaa'me lachoĝodeco jogaa'me qadejaliaĝanaqa, jogaa'me najoĝola'te, jogaa'me tamenaĝaiqui lo'ol, jogaa'me at'aqatanaĝanaĝanaqa, jogaa'me qauachiyoĝogueta nataq'aen yema jogaa'me ac'oqo'tepi, chiyoqotelegue ca'li jaa'me noloqo'ote ca'li uo'oe jogaa'me jaliaĝanaqa di'me Asiria chayovida'a nayi.

Nehemías 13:18

Qa'a naq'aeta da'me yauote ca'li jogaa'me auachiyoĝoyegueta, qama'le joñe'me Dios male qo'mi yaje'tema naa'me naajo' qadachoĝodeco, nataq'aen joga'me noic jo'ne qat'achaqa'. Qama'le nayi aueñi yaguegue da'me qo'mi qoneda'alo jogaa'me ja 'noe'n, jouaĝat da'me ja aviyamaĝachiyac joga'me nolo' jo'ne omataĝaiqui.»