Esdras 9:1 - Toba del Oeste

¹ Ca'li yem da'me jauoqo jena'me jenjo', qama'le 'uo ga'me nolo' da'me novi't jogaa'me najoĝola'te qama'le jayem dojedapegue', enaa'j: «Am ja'aĝataĝam jenjo' qadayi, chayovida'alo gaa'me tamenaĝaiqui lo'ol nataq'aen gaa'me levita laje', queda'me yataqata yalegouelo jogaa'me jiyaĝadipi jo'ne te'me ja qoyaje'tema ca'li, jo'ne ueteda'ña jenjo' aleua: mach'e Canaán laje'pi, nataq'aen hitita laje', ferezeo laje', gaa'me Jebús laje', amorreo laje', nataq'aen gaa'me Amón laje', gaa'me Moab laje' nataq'aen gaa'me Egipto laje', jo'ne yataqata ja no'en da'me nejiyaĝauayaĝa'j jo'ne yauote.

La'aqtaqa Ñim Lo'onatac 'Enauacna 2013

¹ Qaq so mashe ime 'enauac de'era, nache aỹem naua'a so nataxala'pi, nache aỹem 'enapega, 'eeta': «Ne'ena nhuo' Israel le'ecpi qataq na ntaxaỹaxanaxanecpi, qataq na leviitapi, namayepi saishet da ỹaxanec da ỹalectaigui na cananeopi, hitiitapi, ferezeopi, jebuseopi, amoniitapi, moabiitapi, Egipto le'ecpi, qataq na amorreopi, qataq ỹe'enaxat dam ỹataqta qaiqaiga lataxac namayepi.

Esdras 9:1 Referans Kwoze

Nehemías 9:2

Qama'le jogaa'me yataqachiñe Israel laje'pi male ca'ae jogaa'me jo'ne yaqa'a da'me chiyoĝoteguet; ena'uaque nechachidiñi da'me yechoĝote'tape jogaa'me mach'e loeco, nataq'aen gaa'me loeco jogaa'me chiyoĝogueta.

Nehemías 4:3

Joga'me ueta'ña lae 'uo joñe'me jiyaĝaua jo'ne lenaĝat Tobías mach'e Amón le'ec jo'ne enaac: «Joga'me jo'ne qo'noĝojeguem yataqata ja t'añañi, ¡chayovida'a qom quije'mec jaga'me uaĝayaĝa, qama'le 'naqañe joga'me!»

Esdras 10:8

Gaa'me najoĝola'te nataq'aen gaa'me paĝaguenataĝanaĝayaqa dojedapegue' joga'me jiyaĝadipi qaedi gamachaqaega joga'me jo'ne ja yec'ata qoyen nalo'taguet tres gaa'me noloqo'ote, qama'le qoyamaĝaye, qoye'n ca'ae jogaa'me chiyoĝotegue di'me Babilonia, chayovida'a yataqata qodoĝotaĝanec yema joga'me yauana.

Nehemías 4:7

Qama'le ñe'me Sambalat nataq'aen ñe'me Tobías, chayovida'alo jogaa'me Arabia laje', gaa'me Amón laje' nataq'aen jogaa'me Asdod laje' nomeda'a queda'me qa'noĝotapijeguem joga'me nequepaĝanaĝat jodi'me Jerusalén, da'me male japadenaĝayilo gaa'me lauaco, qama'le jalcote da'me dalemata'y.

Nehemías 13:23

Nach'e ena'am jaajo' noloqo'ote jauana da'me uo'oe jogaa'me judío laje' jo'ne 'uonegueta jogaa'me yauo' jo'ne chiyoĝotegue di'me Asdod, jodi'me Amón nataq'aen di'me Moab.

Malaquías 2:11

Yema gaa'me lec'oqo'tepi di'me Judá uo'oe daa'me laviyaĝaje'te, qa'a ja qoyoqo'cha joñe'me Dios: gaa'me neteda'ña di'me Jerusalén nataq'aen yema gaa'me Israel laje'pi yauote joga'me yataqata ja no'en. Gaa'me Judá laje' male ja yiyamaĝatetedac ga'me tamenaqa' jo'ne loĝot joñe'me Jaliaĝanec, jo'ne yataqachiñe noqopita, dite da'me e'n loua' gaa'me yauo' laqaya' jo'ne p'iya'alo gaa'me ja ejoda.

Esdras 10:2

Qama'le joñe'me Secanías, c'oĝot joñe'me Jehiel, mach'e chiyoĝoguet di'me Elam, male dojapegue' ñe'me Esdras, enaac: «Da'me qo'mi yataqata ñautenaĝa joñe'me Qanedios ca'li jenaq qadoua' naa'me naajo' yauo' jo'ne yaqa'alo da'me chiyoĝoguelo gaa'me ale'u lael, jo'ne yataqata uo'oe naa'me mach'e p'iya'alo. Qalaĝaja da'me qo'mi Israel laje'pi maliaĝa 'uo joga'me qadeuataqataĝanaĝac joñe'me Qanedios.