Esdras 8:21 - Toba del Oeste

²¹ Yem ca'li da'me yataqata qadema'a't, jouaqa'ta di'me lae jena'me lachegue jo'ne dajoyi di'me Ahavá, qama'le ua'a da'me jamaĝajoĝolegue da'me cha'li qanoqouaqatela't, qaedi yataqata ñachoĝodenoqot ñe'me Qanedios qaedi yataqata qo'mi netelalo, nataq'aen jena'me qadayi nataq'aen yema jena'me jauanaĝa, chayovida'a qom jovitaĝa di'me Jerusalén.

La'aqtaqa Ñim Lo'onatac 'Enauacna 2013

²¹ Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

Esdras 8:21 Referans Kwoze

Joel 1:14

¡Aviyaĝañiyoue ga'me jiyaĝadipi qaedi anoqouaqachela't, qama'le ademiya'a nayi joñe'me Ja 'Nalegue! ¡Auec'achiya joga'me tamenaĝaiqui jo'ne 'lemec ñe'me Adet'ai mach'e Anedios! Auemachiya'a't qomle jogaa'me 'yaĝaicachidipi nataq'aen yema joga'me jiyaĝadipi jo'ne neteda'ña jena'me jenjo' aleua, qaedi yataqata qoyiyaĝanot joñe'me Jaliaĝanec.

1 Samuel 7:6

Chane'eja jogaa'me Israel laje'pi yema'a't ca'li di'me Mispá, qama'le nach'ega ua'a da'me naqachidijeguem ga'me noĝop, yecodedegue ga'me qa'a e'n lajaqaje'j yate'm ñe'me Jaliaĝanec. Jo'me nolo' cha'li noqouaqatela'ajalo qa'a natetola'ajalo queda'me yauo'oe gaa'me loeco jo'ne nauteta ñe'me Jaliaĝanec. Di'me Mispá, ua'a ca'li ñe'me Samuel male qoyen lajoĝola' gaa'me Israel laje'pi.

Jonás 3:5

Chane'eja jogaa'me 'lachaqa't di'me noic, jo'ne ja 'yaĝayaqa choqogaa'me 'yaĝayaqa, male p'iida'a joñe'me Dios, qama'le paja'a da'me nayachidigui da'me cha'li ja deque'y, gaa'me neuoyaĝadi choqogaa'me choĝodache, nataq'aen da'me yaediñe gaa'me leuo lael jo'ne ena'am ta'le jiyac layoĝot da'me 'loyaĝa'j, qa'a en laloĝoqui' da'me 'uo da'me layaliaĝa'j.

Esdras 8:15

Chane'eja da'me jayem Esdras, ja'uo ca'li jogaa'me yema'a't, jacha'ña ga'me lae joga'me lachegue jo'ne dajoyi di'me Ahavá, qama'le jouaqa'tague da'me tres noloqo'ote. Ca'li jojelegue jaga'me nede lae jo'ne ualo'te gaa'me lenaqa'te jena'me jiyaĝadipi, qama'le janoma'a da'me uo'oe gaa'me tamenaĝaiqui lo'olpi, qalaĝaja qaya'te 'uo joga'me levita le'ec.

Esdras 8:31

Joga'me nolo' jo'ne doce ga'me auoĝoic jo'ne 'uaechiñe, male qolqa'e jodi'me ñache 'me lenaĝat Ahavá, qama'le jajoĝogue jodi'me Jerusalén. Joñe'me Qanedios yataqata qo'mi yichoĝode'n ca'li jena'me qadadic, qama'le qaya'te ta'le qo'mi 'yeteque jogaa'me qadaute'u uotaĝa jogaa'me cachaĝayaqa.

Jonás 3:7

Chane'eja joñe'me jaliaĝanec, choqogaa'me lecochaĝa'u, yayatenaĝanaĝaneque ena'uaque jogaa'me Nínive laje' da'me dojo' lamajoĝonaĝac: «Ami Nínive laje'pi: 'noota qom auayachiñe joda'me lamajoĝonaĝac ñe'me adejaliaĝanequi. Qa'a male ja qoyaje'tem ta'le ch'e onolec ga'me jo'ne yacona ga'me niqui'yaĝat, qama'le nach'e ena'ama jogaa'me yejidi jo'ne nelopi, ja qoyaje'tema da'me ta'le qoyiqui'yaĝa'n, qama'le nach'e ena'am da'me ja qoniyomaĝan ena'uac gaa'me nelopi nataq'aen jogaa'me jiyaĝadipi.

Nehemías 9:1

Joga'me nolo' veinticuatro jo'ne nach'ega auoĝoic jo'ne séptimo, lenaĝat Etanim, jogaa'me Israel laje'pi yitaĝa yemetapega'ajalo qaedi noqouaqatela'ajalo; yatedañe jogaa'me leuo jo'ne ja no'en nataq'aen yecodelo'te joga'me aleua naa'me laqai'go.

Ester 4:16

«Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»