Esdras 8:15 - Toba del Oeste

¹⁵ Chane'eja da'me jayem Esdras, ja'uo ca'li jogaa'me yema'a't, jacha'ña ga'me lae joga'me lachegue jo'ne dajoyi di'me Ahavá, qama'le jouaqa'tague da'me tres noloqo'ote. Ca'li jojelegue jaga'me nede lae jo'ne ualo'te gaa'me lenaqa'te jena'me jiyaĝadipi, qama'le janoma'a da'me uo'oe gaa'me tamenaĝaiqui lo'olpi, qalaĝaja qaya'te 'uo joga'me levita le'ec.

La'aqtaqa Ñim Lo'onatac 'Enauacna 2013

¹⁵ Qaq aỹem, Esdras, sataxana't 'enauac ne'ena lataxala'pi na nalamaxat nhuo' le'ecpi, cai huaña so la'auaxac maye taỹaxaama aso tala Ahava, qaq huaña somaye nache souaqta'a soua tres na'axa'te. Qaq co'ollaq setaxaỹaxaatac aso lmalate 'enauac se'eso maiche nhuo' le'ecpi, qataq na ntaxaỹaxanaxanecpi, nache saishet da selalec na nalamaxat nhuo' le'ecpi maye chegoxoguet so Leví.

Esdras 8:15 Referans Kwoze

Esdras 8:31

Joga'me nolo' jo'ne doce ga'me auoĝoic jo'ne 'uaechiñe, male qolqa'e jodi'me ñache 'me lenaĝat Ahavá, qama'le jajoĝogue jodi'me Jerusalén. Joñe'me Qanedios yataqata qo'mi yichoĝode'n ca'li jena'me qadadic, qama'le qaya'te ta'le qo'mi 'yeteque jogaa'me qadaute'u uotaĝa jogaa'me cachaĝayaqa.

Esdras 8:21

Yem ca'li da'me yataqata qadema'a't, jouaqa'ta di'me lae jena'me lachegue jo'ne dajoyi di'me Ahavá, qama'le ua'a da'me jamaĝajoĝolegue da'me cha'li qanoqouaqatela't, qaedi yataqata ñachoĝodenoqot ñe'me Qanedios qaedi yataqata qo'mi netelalo, nataq'aen jena'me qadayi nataq'aen yema jena'me jauanaĝa, chayovida'a qom jovitaĝa di'me Jerusalén.

Esdras 7:7

da'me yec'ata jodi'me Jerusalén, ca'li ga'me uo'e jo'ne siete da'me lejaliaĝa ñe'me Artajerjes. Nataq'aen quetedapegue' joca'li gaa'me Israel laje' laqaya' jo'ne tamenaĝaiqui lo'ol nataq'aen gaa'me levita laje', onaĝanaĝayaqa, gaa'me neteloqo't ga'me jom, chayovida'alo gaa'me namaĝa's ga'me tamenaĝaiqui jo'ne Dios loĝot.

Esdras 8:2

Guersón, mach'e lajoĝola't jogaa'me c'oqo'tepi di'me Finees. Daniel, qa'a lajoĝola't jogaa'me c'oqo'tepi di'me Itamar. Hatús, jo'ne lajoĝola't jogaa'me chiyoĝoteguet ñe'me jaliaĝanec David.

Esdras 7:24

Nataq'aen ja jetaque ta'le gamachaqaega auauoyi adajelaĝanaĝaqui gaa'me tamenaĝaiqui lo'ol, uotaĝa gaa'me levita laje', gaa'me onaĝanaĝayaqa, gaa'me neteloqo't ga'me jom, chayovida'alo gaa'me lamaĝa's joga'me tamenaĝaiqui, uotaĝa gamachaqaegaua gaa'me t'onataĝadoue na'me tamenaĝaiqui jo'ne Dios loĝot.

Esdras 8:14

Utai nataq'aen Zabud, mach'e lajoĝola'te jogaa'me c'oqo'tepi ga'me Bigvai, nataq'aen gaa'me sesenta jiyaĝadipi jo'ne ue'tajopa ca'li.

Esdras 8:16

Chane'eja jiyaĝanalo ca'li joñe'me Eliézer nataq'aen Ariel, Semaías, Elnatán, Jarib, ga'me laqaya jo'ne nach'e ena'am da'me lenaĝat da'me Elnatán, nataq'aen Natán, Zacarías, p'ategue joñe'me Mesulam, naajo' mach'e yataqata najoĝola'te jena'me noic, choqogaa'me paĝaguenataĝanaĝayaqa jo'ne Joiarib nataq'aen Elnatán.

Esdras 7:28

Qa'a Dios 'yetec ñe'me Artajerjes nataq'aen gaa'me lecochaĝa'u qaedi yataqata jayem yichoĝode'n, nataq'aen nayi jalcote da'me en 'yañaĝac qaedi male jemata'a't gaa'me lajoĝola'te ga'me Israel laje'pi, qaedi jayem naequetedapegue' da'me 'ñiyelaĝa jena'me Jerusalén.»