Esdras 7:9 - Toba del Oeste

⁹ Qa'a joñe'me Esdras nataq'aen gaa'me ueteda'ajop yataqata yauata ca'li da'me lecochaĝac joñe'me Dios, qama'le queda'e di'me Babilonia jo'me nolo' 'uaechiñe, ga'me auoĝoic jo'ne 'uaechiñe, qama'le yovideta di'me Jerusalén ga'me nolo' jo'ne 'uaechiñe, auoĝoic jo'ne quinto.

La'aqtaqa Ñim Lo'onatac 'Enauacna 2013

⁹ Qaq somaye qataq so laỹepi, co'ollaq nnoxonec chegoqchiguiña ye Babilonia, nache huetoigui so la'auaxanec na'a'q so hua'auchiguiñi ca'agoxoic, nache nvita ye Jerusalén, so la'auaxanec na'a'q soua cinco ca'agoxoiqa, cha'aye da lqouagaxanaqtaic, qataq ltaunaxanaxac Ñim Lo'onatac 'Enauacna, nache hueta'aguet somaye.

Esdras 7:9 Referans Kwoze

Esdras 7:6

Joñe'me Esdras qa'a paĝaguenataĝanaĝaic jo'ne yataqata yayaten jana'me Dios 'laqatac lae't, ca'li yaloĝon di'me Moisés. Joñe'me Jaliaĝanec 'yetec ca'li ñe'me Artajerjes qaedi yema ga'me youetaque ñe'me Esdras yema qoya'uo. Qama'le joñe'me Esdras ca'e di'me Babilonia,

Nehemías 2:8

nataq'aen jaga'me adediije jo'ne yelo'ta ñe'me Asaf jo'ne neteloqo't jodi'me 'nonaĝa jo'ne adoĝot, am jaliaĝanec, jo'ne ya'uo da'me lecochaĝac jo'ne jouetaque, qaedi yitaĝa 'ñoĝojeguem jogaa'me lael ñe'me tamenaĝaiqui choqogaa'me lael joga'me noic, nataq'aen qaedi ja'uo ga'me emec jo'ne jonaue.» Qama'le ñe'me jaliaĝanec Artajerjes jayem yanem yema jenjo', qa'a da'me lichoĝodenataĝanaĝac joñe'me Dios jayem ue'tajop.

Nehemías 2:18

Ca'li ja'aĝatema da'me eeta da'me jayem lecochiya ñe'me Dios qaedi ñanac, nataq'aen da'me 'laqatac ca'li jo'me jaliaĝanec Artajerjes, qama'le jogaa'me jo'ne jayem ueteda'ajop male jayem 'yadeteguet: «¡Jaa'a, jo'onataĝanaq!» Qama'le 'nañaĝadijeguem qaedi yauote da'me 'nonataĝanaĝac.

Esdras 7:8

Qama'le jo'me uo'e, ga'me auoĝoic jo'ne quinto, joñe'me Esdras yemta yovita di'me Jerusalén.

Esdras 8:22

Te'me 'uo da'me yepocoĝoc ta'le jojapegue' joñe'me jaliaĝanec Artajerjes qaedi namaĝatequena gaa'me coico laje' qaedi qo'mi netelalo da'me jeuoqotac, qa'a joote ja'aĝatem da'me letelaĝac joñe'me Dios, da'me yataqata ue'tajopa yemeda jogaa'me jo'ne p'iida'a joñe'me, qalaĝaja yataqata dalematayalo jogaa'me jo'ne yaĝadiñe.

Esdras 8:31

Joga'me nolo' jo'ne doce ga'me auoĝoic jo'ne 'uaechiñe, male qolqa'e jodi'me ñache 'me lenaĝat Ahavá, qama'le jajoĝogue jodi'me Jerusalén. Joñe'me Qanedios yataqata qo'mi yichoĝode'n ca'li jena'me qadadic, qama'le qaya'te ta'le qo'mi 'yeteque jogaa'me qadaute'u uotaĝa jogaa'me cachaĝayaqa.

Esdras 7:28

Qa'a Dios 'yetec ñe'me Artajerjes nataq'aen gaa'me lecochaĝa'u qaedi yataqata jayem yichoĝode'n, nataq'aen nayi jalcote da'me en 'yañaĝac qaedi male jemata'a't gaa'me lajoĝola'te ga'me Israel laje'pi, qaedi jayem naequetedapegue' da'me 'ñiyelaĝa jena'me Jerusalén.»

Esdras 8:18

Chane'eja, jouaĝat da'me yataqata qo'mi ue'tajopa ñe'me Dios, qama'le qo'mi qonamaĝalo joñe'me Serebías, jiyaĝaua jo'ne yatenaĝanaĝaic, nataq'aen jogaa'me c'oqo'te nataq'aen laqaya', qama'le nalo'taguet da'me dieciocho gaa'me jiyaĝa'u. Serebías chiyoĝoguet di'me Mahli, jo'ne chiyoĝoguet di'me Leví.

Esdras 8:32

Ca'li jovitaĝa di'me Jerusalén, qama'le 'ñomataĝaye nalo'taguet tres gaa'me noloqo'ote.