Esdras 7:7 - Toba del Oeste

⁷ da'me yec'ata jodi'me Jerusalén, ca'li ga'me uo'e jo'ne siete da'me lejaliaĝa ñe'me Artajerjes. Nataq'aen quetedapegue' joca'li gaa'me Israel laje' laqaya' jo'ne tamenaĝaiqui lo'ol nataq'aen gaa'me levita laje', onaĝanaĝayaqa, gaa'me neteloqo't ga'me jom, chayovida'alo gaa'me namaĝa's ga'me tamenaĝaiqui jo'ne Dios loĝot.

La'aqtaqa Ñim Lo'onatac 'Enauacna 2013

⁷ Qaq so Esdras co'ollaq ñe'eguelaxa ye Jerusalén, nache huo'o so lỹatec Israel le'ecpi. Qaq somayepi huo'o so ntaxaỹaxanaxanecpi, qataq leviitapi, nataqa'en so no'onaxanaxanecpi, qataq so lasom lo'opi, qataq so ilotague' aso atamnaxaqui. Qaq se'eso lviraxac nache huetoigui co'ollaq ivi' soua siete vi'iye da nta'a so Artajerjes.

Esdras 7:7 Referans Kwoze

Nehemías 10:28

Chane'eja yema jogaa'me jiyaĝadipi laqaya', jo'ne tamenaĝaiqui lo'ol, levita laje', jom lo'ol, onaĝanaĝayaqa, namaĝa's ga'me tamenaĝaiqui, nataq'aen yema jogaa'me jiyaĝadipi jo'ne niyotedegue ca'li qaedi que'teguelo daa'me lamajoĝonaĝaco joñe'me Dios, nach'e ena'ama jogaa'me loua', c'oqo'te, c'oqotel, yema jogaa'me jo'ne maqachaĝa domachi'y nataq'aen yayate'n da'me dojo',

Nehemías 2:1

Ga'me auoĝoic 'uaeñe jo'ne Nisán, ga'me uo'e jo'ne veinte da'me lejaliaĝa ñe'me Artajerjes, qama'le ca'li male jetaque ñiyomaĝan ñe'me jaliaĝanec joga'me lataĝa, qama'le joñe'me jayem yec'aten queda'me qaya'te nolo' ta'le jayem yauana da'me jayem totelegue da'me jajo'tot.

Esdras 7:24

Nataq'aen ja jetaque ta'le gamachaqaega auauoyi adajelaĝanaĝaqui gaa'me tamenaĝaiqui lo'ol, uotaĝa gaa'me levita laje', gaa'me onaĝanaĝayaqa, gaa'me neteloqo't ga'me jom, chayovida'alo gaa'me lamaĝa's joga'me tamenaĝaiqui, uotaĝa gamachaqaegaua gaa'me t'onataĝadoue na'me tamenaĝaiqui jo'ne Dios loĝot.

Esdras 6:14

Chane'eja gaa'me lajoĝola'te ga'me judiopi male 'noĝodetapijeguem joga'me tamenaĝaiqui, qama'le yataqata 'uo da'me lamai'j, jouaĝa't daa'me lapaĝaguenataĝanaĝaco ñaa'me Dios 'laqatanaĝanaĝanaqa jo'ne Hageo nataq'aen Zacarías, c'oĝot di'me Idó. Ga'me judiopi yataqata 'noĝodijeguem joga'me tamenaĝaiqui, chayovida'a da'me yoma't joga'me 'lonata'j, qa'a quetede'egue ga'me lamajoĝonaĝac joñe'me Nedios ga'me Israel laje'pi, nataq'aen gaa'me lamajoĝonaĝaco ñaa'me jaliaĝanaqa Ciro, Darío nataq'aen Artajerjes, jaliaĝanaqa di'me Persia.

Esdras 7:8

Qama'le jo'me uo'e, ga'me auoĝoic jo'ne quinto, joñe'me Esdras yemta yovita di'me Jerusalén.

Nehemías 12:1

Naajo' naa'me tamenaĝaiqui lo'ol nataq'aen jogaa'me levita laje' jo'ne chiyoĝotegue jodi'me Babilonia, lequiaĝaua' joñe'me Zorobabel lec'oĝot ñe'me Salatiel nataq'aen joñe'me Josué: Jogaa'me Seraías, Jeremías, Esdras,

Nehemías 1:1

'Laqataqa ñe'me Nehemías, lec'oĝot jodi'me Hacalías: Ga'me auoĝoic noveno jo'ne lenaĝat Quisleu, ga'me uo'e jo'ne veinte, ca'li joue'ta di'me Susa, jo'ne na'ña ga'me nejaliaĝaiqui.