Esdras 7:27 - Toba del Oeste

²⁷ Ca'li Esdras yauana jana'me nediije qama'le enaac: «'Ñonaĝachigui joñe'me Jaliaĝanec, mach'e Nedios dia'me qadamol ca'li, yajouaĝat da'me en lelnataĝac ñe'me jaliaĝanec Artajerjes qaedi 'niyelaĝat yema joga'me 'lonaĝac ñe'me netamenaĝaiqui joñe'me Dios jo'ne ue'ta di'me Jerusalén.

La'aqtaqa Ñim Lo'onatac 'Enauacna 2013

²⁷ Qaq da natamnaxac so Esdras, 'eeta': «Ỹataqta qaỹo'oxoren qome Ñim Nataxala', maye Natamnaxala' so hua'au qarta'alpi, cha'aye Ñimaye ỹanem da no'on lquiyaqteỹaxac ñi nta'a, da ỹe'eguelaxatem da lyacỹaxac añi atamnaxaqui maye lalamaqte Ñim Nataxala', maye naña ye Jerusalén.

Esdras 7:27 Referans Kwoze

Esdras 6:22

Yem da'me dojo' qama'le nalo'taguet siete gaa'me noloqo'ote da'me yauote ga'me neualayaĝac nale yali'j ga'me pan jo'ne qaya'te lale'gue, da'me yataqata made'tape qa'a Dios 'yetec joñe'me jaliaĝanec jo'ne yelolegue di'me Asiria yataqata yichoĝode'n q'ae'n, qaedi yataqata lecochiyalo da'me 'noĝodijeguem joga'me netamenaĝaiqui joñe'me Dios mach'e Nedios ga'me Israel laje'pi.

Nehemías 2:12

male joñejeguem jo'me pi'yaq qama'le jec, ñaequetapegue'to jogaa'me jiyaĝa'u, qalaĝaja qaya'te jiyaĝaua ta'le yayaten joga'me yelnataĝac jo'ne Dios yanoue jena'me yeuel, qaedi je'etem jodi'me Jerusalén. Qaya'te jauana joga'me pegaq laqaya, nach'egata joga'me jonetalegue.

Nehemías 2:8

nataq'aen jaga'me adediije jo'ne yelo'ta ñe'me Asaf jo'ne neteloqo't jodi'me 'nonaĝa jo'ne adoĝot, am jaliaĝanec, jo'ne ya'uo da'me lecochaĝac jo'ne jouetaque, qaedi yitaĝa 'ñoĝojeguem jogaa'me lael ñe'me tamenaĝaiqui choqogaa'me lael joga'me noic, nataq'aen qaedi ja'uo ga'me emec jo'ne jonaue.» Qama'le ñe'me jaliaĝanec Artajerjes jayem yanem yema jenjo', qa'a da'me lichoĝodenataĝanaĝac joñe'me Dios jayem ue'tajop.

Nehemías 7:5

Qama'le ñe'me Dios jetaque ta'le japetena'ajalo jogaa'me jiyaĝa'u jo'ne p'ajodaye choqogaa'me najoĝola'te, nataq'aen yemeda jogaa'me jo'ne judiopi, qaedi male nedela'ajalo, da'me qoyedidiñe jogaa'me chiyoĝogueta. Qama'le jejomalegue jaga'me nede jo'ne uetalo'te jogaa'me lenaqa'te jogaa'me Israel laje' jo'ne 'uaediñe novi't ca'li da'me chiyoqoda'ña di'me Babilonia, qama'le naajo' jo'ne qoyedidiñe ca'li: