Esdras 7:25 - Toba del Oeste

²⁵ »Da'me am Esdras, joñe'me Anedios joote en jalcote da'me adayatenaĝanaĝac, qama'le 'noota qom auauo'oe jaliaĝanaqa nataq'aen c'atenaĝanaĝayaqa, qaedi nejaliaĝatelo'te naa'me neteda'ña na'me aleua lae jo'ne chauo'o na'me ñache Éufrates. 'Noota qom aueloyilo'te yemeda jogaa'me jo'ne yataqata yayate'n daa'me lamajoĝonaĝaco joñe'me Dios, nataq'aen auapaĝagueñiyeque jogaa'me jo'ne maliaĝa ja yayate'n naa'me naajo' namajoĝonaĝaco.

La'aqtaqa Ñim Lo'onatac 'Enauacna 2013

²⁵ Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Esdras 7:25 Referans Kwoze

Esdras 7:10

Joñe'me Esdras yataqata 'nañaĝat da'me napaĝaguenalo daa'me lamajoĝonaĝaco joñe'me Jaliaĝanec, qa'a jetaque yepaquetelegue yema, nataq'aen yataqata yapaĝagueneque gaa'me Israel lec'oqo'tepi gaa'me namajoĝonaĝaco nataq'aen nedii's laqaya'.

Malaquías 2:7

Qama'le gaa'me tamenaĝaiqui lo'ol 'uo da'me 'lonata'j jo'ne jayem yatetonaĝatec jogaa'me jayem yelotedaque. Chane'eja 'noota qom yema'a't nale ga'me jiyaĝadipi qaedi qoyapaĝague'n jogaa'me, qa'a gaa'me tamenaĝaiqui lo'ol naqaegaua jo'ne mach'e yamaĝa's.

Nehemías 9:3

Da'me maliaĝa nechatetedañe, chayovida'a tres horas male qodojelegue jaga'me nede jo'ne uetalegue da'me lamajoĝonaĝac joñe'me Jaliaĝanec mach'e Nedios, nataq'aen yitaĝa uo'oe jogaa'me tres horas da'me yechoĝote'tape jogaa'me loeco nataq'aen 'nonaĝachedigui joñe'me Jaliaĝanec.

Esdras 7:14

Da'me jayem nataq'aen gaa'me siete mach'e yecochaĝa'u jo'ne ñapaĝaguenoqo't, am jamaĝajaĝa na'me Jerusalén, di'me aleua jo'ne Judá, qaedi auayatetelegue qom qoyauotac uotaĝa qodique'teguelo naa'me Dios lamajoĝonaĝaco jo'ne am yataqata auayate'n.

Esdras 6:6

Qama'le joñe'me jaliaĝanec Darío ya'uo jenjo' 'lataĝac jo'ne enaac: «Am Tatenai nataq'aen Setar-boznai nataq'aen yemeda jogaa'me necochaĝa'u laqaya' jodi'me dijo' aleua lae: male oquiya'e ga'me tamenaĝaiqui.

Esdras 10:4

Oñejeguem nayi, qa'a jena'me jenjo' nach'ena yataqata qoyen at'onatac, qama'le da'me qo'mi yataqata am yecochaĝa. ¡A'nañaĝadijeguem qama'le aue'et!»