Esdras 7:14 - Toba del Oeste

¹⁴ Da'me jayem nataq'aen gaa'me siete mach'e yecochaĝa'u jo'ne ñapaĝaguenoqo't, am jamaĝajaĝa na'me Jerusalén, di'me aleua jo'ne Judá, qaedi auayatetelegue qom qoyauotac uotaĝa qodique'teguelo naa'me Dios lamajoĝonaĝaco jo'ne am yataqata auayate'n.

La'aqtaqa Ñim Lo'onatac 'Enauacna 2013

¹⁴ Cha'aye aỹem maye aỹem nta'a, qataq naua siete chegoqtracot na nqataxacpi, 'am samaxasoq da yaqto' 'anmit da lataxac na netaña ye Jerusalén qataq ye Judá, da ỹoqta 'eesa da qaipacchiguilo naua lqataxaco Ñim 'Anatamnaxala' maye 'auauattoote'.

Esdras 7:14 Referans Kwoze

Ester 1:14

Gaa'me yataqata lecochita ca'li jena'me jenjo' qa'a Carsená, Setar, Admata, Tarsis, Meres, Marsená nataq'aen Memucán. Naa'me naajo' siete qa'a najoĝola'te di'me Persia choqodi'me aleua laqaya lenaĝat Media, qama'le neteda'ajop nale ñe'me Asuero qaedi yelodelegue yema ga'me aleua.

Esdras 8:25

Nataq'aen male ñaloqoten jaga'me plata nataq'aen jaga'me oro, chayovida'a yemeda gaa'me 'nonataĝanaqa'te jo'ne qo'mi yanema ca'li joñe'me jaliaĝanec Artajerjes, gaa'me lecochaĝa'u nataq'aen yema jogaa'me Israel laje'pi jo'ne neda'ña jena'me jenjo' aleua, qama'le yema janema jogaa'me doce najoĝola'te qaedi qoyedo'ogue ñe'me netamenaĝaiqui joñe'me Dios.

Esdras 7:28

Qa'a Dios 'yetec ñe'me Artajerjes nataq'aen gaa'me lecochaĝa'u qaedi yataqata jayem yichoĝode'n, nataq'aen nayi jalcote da'me en 'yañaĝac qaedi male jemata'a't gaa'me lajoĝola'te ga'me Israel laje'pi, qaedi jayem naequetedapegue' da'me 'ñiyelaĝa jena'me Jerusalén.»

Esdras 7:15

Jetaque nataq'aen auachi'y na'me oro choqona'me plata jo'ne joote janemaĝam ñe'me Nedios joga'me Israel laje'pi, jo'ne 'uo ga'me netamenaĝaiqui di'me Jerusalén, qa'a da'me jayem nataq'aen naa'me yecochaĝa'u, naq'aeta da'me qadelnataĝac.

Esdras 6:12

Nataq'aen joñe'me Dios, jo'ne na'ña q'aen da'me lenaĝat di'me dijo' noic, yataqata nolaĝachiñe gamachaqaega noic uotaĝa ga'me nejaliaĝanec jo'ne jetaque 'naĝat uotaĝa yolaĝat ga'me tamenaĝaiqui jo'ne na'ña di'me Jerusalén. »Jenjo' yamajoĝonaĝac, 'noota qom yataqata qoque'teguelo yemeda naa'me nedii's. Jayem Darío, jaliaĝanec jenjo' Persia.»

Esdras 5:8

Am jaliaĝanec, mach'e qat'aqataĝanaĝac da'me am qa'uaĝatem queda'me quelqaya jajoĝogue di'me aleua lae jo'ne Judá, qama'le jauanaĝa joñe'me tamenaĝaiqui let'adaic jo'ne loĝot joñe'me Dios jo'ne p'ajaye, da'me yitaĝa qo'noĝotapijeguem. Qama'le naa'me lael jo'ne qadi let'adayaqa joote qoye'n couelo naa'me e'epa. Jena'me jenjo' 'nonataĝanaĝac yataqata qoyiyamaĝatetac nataq'aen enegue joga'me 'nonatac.

Esdras 1:3

Chane'eja da'me ami, gamachaqaegaua jo'ne ovitaue ga'me noic jo'ne lec'oqo'tepi joñe'me Jaliaĝanec, 'noota qom naqaeñe ami lecochiyalo, qama'le oquiye nayi, auajoyiyi jodi'me Jerusalén, di'me aleua jo'ne Judá, qaedi a'noĝoñijeguem ga'me netamenaĝaiqui ñe'me Jaliaĝanec, mach'e Nedios ga'me Israel laje'pi, nach'eñe Dios jo'ne ue'ta jena'me Jerusalén.

Esdras 6:8

Nataq'aen da'me ami, 'noota qom alecochiyalo jogaa'me judiopi jo'ne t'onataĝa'tape, qaedi yataqata qo'noĝojeguem qomle ga'me tamenaĝaiqui. Auachiyoĝochiyaue jaga'me qanaicaua jo'ne lejetenaĝanaĝa'j jogaa'me 'lachaqa't joga'me aleua jo'ne lajego di'me ñache Éufrates, qaedi auejechiñiyeque qomle jogaa'me onataĝanaĝayaqa yema joga'me qoyouetaque, qaedi ja 'viguet da'me 'nonataĝanaĝac.

Zacarías 6:10

«Auaconeguet joga'me yadegue gaa'me Israel laje' jo'ne chiyoĝotegue di'me Babilonia, nach'ega nachi'y ñe'me Heldai, Tobías nataq'aen Jedaías, jo'ne yemta 'niyela'. Yem qama'le paja'a auec'ata di'me 'lachaqa' ñe'me Josías, c'oĝot di'me Sofonías.