Esdras 6:22 - Toba del Oeste

²² Yem da'me dojo' qama'le nalo'taguet siete gaa'me noloqo'ote da'me yauote ga'me neualayaĝac nale yali'j ga'me pan jo'ne qaya'te lale'gue, da'me yataqata made'tape qa'a Dios 'yetec joñe'me jaliaĝanec jo'ne yelolegue di'me Asiria yataqata yichoĝode'n q'ae'n, qaedi yataqata lecochiyalo da'me 'noĝodijeguem joga'me netamenaĝaiqui joñe'me Dios mach'e Nedios ga'me Israel laje'pi.

La'aqtaqa Ñim Lo'onatac 'Enauacna 2013

²² Qaq ivittrec soua siete na'axa'te da qaỹo'ottac se'eso nquia'axac lta'araic, da qanallectac aso nauole 'ayiiña maye qaica ca lalegue ỹasheeraxachigui. Cha'aye Ñim Nataxala' ỹe'eguelaxatem da ntonaxac 'enauac somayepi. Qataq souaxat da so nta'a ye Persia, itauan qataq da ỹasheetem somayepi da ỹe'eguelaxalec da no'oxoosheguem aso atamnaxaqui maye lalamaqte Ñim Natamnaxala' so Israel le'ecpi.

Esdras 6:22 Referans Kwoze

Esdras 1:1

Joga'me 'uaeñe uo'e jo'ne lejaliaĝa joñe'me Ciro, nejaliaĝanec di'me Persia, qaedi male yepaquichigui da'me 'laqataĝanaĝac joñe'me Jaliaĝanec jo'ne qoyanem ca'li ñe'me Jeremías, qama'le joñe'me Jaliaĝanec ja 'nalegue yamaĝalegue ñe'me Ciro qaedi yema joga'me lejaliaĝac qoya'uo ga'me 'laqatac nataq'aen jena'me jenjo' nediijec jo'ne enaac:

Esdras 7:27

Ca'li Esdras yauana jana'me nediije qama'le enaac: «'Ñonaĝachigui joñe'me Jaliaĝanec, mach'e Nedios dia'me qadamol ca'li, yajouaĝat da'me en lelnataĝac ñe'me jaliaĝanec Artajerjes qaedi 'niyelaĝat yema joga'me 'lonaĝac ñe'me netamenaĝaiqui joñe'me Dios jo'ne ue'ta di'me Jerusalén.

Esdras 6:1

Chane'eja joñe'me jaliaĝanec Darío en qoyelaque ca'li joga'me nede lae jo'ne niyamaqatac jo'ne uetaue ga'me nejaliaĝaiqui, mach'e lamajoĝonaĝac ca'li di'me Ciro qaedi qoye'et joga'me tamenaĝaiqui.

Nehemías 13:6

Ca'li ya'uo jena'me jenjo' ñe'me Eliasib, da'me jayem ja joneta'ña di'me Jerusalén, qa'a jo'me uo'e jo'ne treinta y dos ca'li 'uo da'me lejaliaĝa ñe'me Artajerjes, nejaliaĝanec di'me Babilonia, male jec'ata. Qama'le yenoĝodegue ca'li gaa'me noloqo'ote male jojapegue' ñe'me jaliaĝanec qaedi jayem yaje'tem da'me 'ñiyelaq.