Esdras 6:21 - Toba del Oeste

²¹ Ga'me niqui'yaĝac jo'ne yelo'teguet ga'me Pascua, uo'oe yemeda jogaa'me judiopi jo'ne chiyoĝotegue di'me Babilonia, nataq'aen jogaa'me ca'li neteda'ña di'me dijo' aleua jo'ne yataqata yaĝadiñe ga'me loe'j jo'ne ja no'en gaa'me noyaqa laqaya', yema naa'me naajo' onolec da'me yauote lamai'j, yate'm joñe'me Jaliaĝanec mach'e Israel Nedios.

La'aqtaqa Ñim Lo'onatac 'Enauacna 2013

²¹ Nache 'enauac se'eso Israel le'ecpi som ñe'eguelaq co'ollaxa chegaqa'a ye Babilonia, somayepi ỹalegueua'a so nquia'axac lta'araic maye qaỹo'ot, qataq 'enauac so nache 'eetai' da netaña yemaye, qataq so ỹaxanec na qauem lataxacpi so lauoreuapi. Yaqto' ishet da 'enauac somayepi ỹo'oxoren Ñim Nataxala' maye Natamnaxala' so Israel le'ecpi.

Esdras 6:21 Referans Kwoze

Esdras 9:11

jo'ne joote qo'mi a'uaĝatema ca'li uo'oe dia'me aqataĝanaĝayaqa jo'ne adamaĝa's 'uaediñe. Nach'ediaua qo'mi yanema ca'li da'me at'aqatac jo'ne aueetac: “¡Achiya'aguet, da'me ami! Qa'a jenjo' aleua jo'ne oñiya'ña qomle, ena'am ta'le qo'naĝat, yajouaĝat da'me jalcote jena'me ja no'en jo'ne yauote jogaa'me 'uaediñe laje'pi. Qa'a yataqata jalcote jogaa'me 'lonataqa jo'ne mach'e nejiyaĝauayaĝaco 'me yataqata ja 'noe'n.

Nehemías 9:2

Qama'le jogaa'me yataqachiñe Israel laje'pi male ca'ae jogaa'me jo'ne yaqa'a da'me chiyoĝoteguet; ena'uaque nechachidiñi da'me yechoĝote'tape jogaa'me mach'e loeco, nataq'aen gaa'me loeco jogaa'me chiyoĝogueta.

Esdras 9:1

Ca'li yem da'me jauoqo jena'me jenjo', qama'le 'uo ga'me nolo' da'me novi't jogaa'me najoĝola'te qama'le jayem dojedapegue', enaa'j: «Am ja'aĝataĝam jenjo' qadayi, chayovida'alo gaa'me tamenaĝaiqui lo'ol nataq'aen gaa'me levita laje', queda'me yataqata yalegouelo jogaa'me jiyaĝadipi jo'ne te'me ja qoyaje'tema ca'li, jo'ne ueteda'ña jenjo' aleua: mach'e Canaán laje'pi, nataq'aen hitita laje', ferezeo laje', gaa'me Jebús laje', amorreo laje', nataq'aen gaa'me Amón laje', gaa'me Moab laje' nataq'aen gaa'me Egipto laje', jo'ne yataqata ja no'en da'me nejiyaĝauayaĝa'j jo'ne yauote.

Nehemías 10:28

Chane'eja yema jogaa'me jiyaĝadipi laqaya', jo'ne tamenaĝaiqui lo'ol, levita laje', jom lo'ol, onaĝanaĝayaqa, namaĝa's ga'me tamenaĝaiqui, nataq'aen yema jogaa'me jiyaĝadipi jo'ne niyotedegue ca'li qaedi que'teguelo daa'me lamajoĝonaĝaco joñe'me Dios, nach'e ena'ama jogaa'me loua', c'oqo'te, c'oqotel, yema jogaa'me jo'ne maqachaĝa domachi'y nataq'aen yayate'n da'me dojo',