Esdras 6:15 - Toba del Oeste

¹⁵ Jo'me nolo' ca'li yem ga'me tamenaĝaiqui jo'ne Dios loĝot, qoyomat jo'me nolo' ca'li tres ga'me auoĝoic decimosegundo jo'ne Adar, uo'e jo'ne seis ca'li 'uo da'me lejaliaĝa ñe'me jaliaĝanec Darío.

La'aqtaqa Ñim Lo'onatac 'Enauacna 2013

¹⁵ Qaq nache huetoigui so na'a'q tres so ca'agoxoic maye le'enaxat Adar, da qaimat da qano'oxootapiguisheguem aso atamnaxaqui, qataq huetoigui so vi'i seis da nta'a so Darío.

Esdras 6:15 Referans Kwoze

Ester 3:7

Asuero qa'a joote once naa'me 'uoidi joda'me lejaliaĝa. Ca'li yovita joga'me uo'e jo'ne duodécimo, ga'me auoĝoic jo'ne 'uaeñe, lenaĝat Nisán, qama'le Amam ya'uo lapinec qaedi yayaten joga'me nolo' da'me ye'et ga'me lelnataĝac, qama'le tachigui ga'me auoĝoic decimosegundo jo'ne lenaĝat Adar, ga'me nolo' jo'ne trece.

Ester 9:21

Yataqata damaĝajoĝolegue da'me yemeda naa'me 'uoidi naa'me noloqo'ote catorce nataq'aen quince, auoĝoic jo'ne Adar, yataqata qoya'uo neualayaĝac let'adaic.

Ester 9:19

Qama'le naq'aeta da'me yauote ca'li jogaa'me judiopi: jogaa'me jo'ne qaya'alo, ue'talo gaa'me 'nachaqa'te laqaya', yauote neualayaĝac ga'me nolo' catorce, auoĝoic jo'ne Adar, qama'le onolqa'tape yache't gaa'me laqaya'.

Ester 9:17

Jenjo' 'uo ca'li nolo' jo'ne trece, auoĝoic jo'ne Adar. Joga'me nolo' jo'ne catorce, yataqata 'nomatedegue, chayovida'a yauote leualayaĝa'j qa'a made'tape.

Ester 9:15

Chane'eja jogaa'me judiopi jo'ne ueteda'a di'me Susa male yema'a't ca'li joga'me nolo' jo'ne catorce, auoĝoic jo'ne Adar, qama'le qoyala't jogaa'me trescientos jiyaĝadipi, qalaĝaja ja qoyacota joga'me loĝo't.

Ester 9:1

Yovita ga'me nolo' jo'ne trece, auoĝoic jo'ne Adar, jo'ne te'me ua'a da'me qoya'uo joga'me lamajoĝonaĝac joñe'me Asuero, qaedi gaa'me judiopi male qoyala't, qalaĝaja joga'me 'uo ma'te ja naq'aeta, qa'a jo'me jojo' nolo' gaa'me judiopi yataqata domataĝa'n, noma't gaa'me laute'upi.

Ester 8:12

Qama'le jenjo' namajoĝonaĝac 'noota qom yataqata qoyoqo'cha ena'uaque gaa'me ale'u laqaya' da'me dojo' nejaliaĝa, ga'me nolo' jo'ne trece, auoĝoic jo'ne Adar.

Ester 3:13

Qama'le naa'me nede lael yataqata yema qoyamaĝalo naa'me 'nachaqa'te jo'ne uaue jenjo' nejaliaĝa: qoyamaĝalegue qaedi joga'me nolo' jo'ne trece, auoĝoic 'me Adar, yataqata qoyapalaĝa't yemeda gaa'me judiopi, yemeda jogaa'me 'yaĝayaqa choqogaa'me nejoqolqa, gaa'me yauo' nataq'aen gaa'me ñoqolqapi, qaedi yataqata qonouo't qomle.

Esdras 5:16

Chane'eja male novi' joñe'me Sesbasar, nec'ata jena'me Jerusalén, qama'le ye'et jaga'me p'añe jena'me tamenaĝaiqui. Qama'le nach'ena chiyoqotelegue da'me qo'noĝotapijeguem, qalaĝaja maliaĝa ja yem.”

Zacarías 1:1

Joga'me auoĝoic jo'ne octavo, ca'li dos gaa'me 'uoidi da'me 'uo ga'me lejaliaĝa joñe'me Darío, qama'le ñe'me Jaliaĝanec jo'ne ja 'nalegue yanem jenjo' 'laqataĝanaĝac joñe'me Zacarías, c'oĝot jodi'me Berequías, laual di'me Idó, qama'le enaac:

Zacarías 1:16

Chane'eja nayi yitaĝa yataqata jichoĝoden di'me Jerusalén, qama'le nayi yitaĝa jen qo'noĝojeguem jodi'me ñetamenaĝaiqui nataq'aen yema di'me noic.»

Zacarías 4:9

«Zorobabel ca'li ya'uo ga'me 'lonatac jo'ne qa' lojoche jo'ne p'añe jenjo' tamenaĝaiqui, qama'le naqaeñe qomle 'noota ta'le yomat jenjo', qaedi male yataqata qoyayaten da'me naqayem jo'ne am ñamaĝaquena, mach'e jayem Jaliaĝanec jo'ne napacalegue ena'uac.

Esdras 4:24

Qama'le joga'me te'me yitaĝa qo'noĝojeguem joga'me Dios 'lemec jo'ne ue'ta di'me Jerusalén, male cha'li qoyaĝañi da'me qo'noĝojeguem, chayovida'a ga'me uo'e dalaĝaic ga'me 'uo ca'li lejaliaĝaiqui ñe'me Darío, jaliaĝanec di'me Persia.

Esdras 9:9

Te'me qo'mi ne'uaqa, qalaĝaja ja qo'mi 'te aĝadiñe. Ca'li maliaĝa jonaqa'ña di'me Persia, gaa'me jaliaĝanaqa yauata da'me adoqopich'i let'adaic jo'ne qo'mi auanema, qama'le qo'mi qoyaje'tema qaedi yitaĝa qa'noĝojeguem joga'me at'emec, nach'ega jo'ne qonolaĝachiñe ca'li. ¡Nayi jena'me jenjo' Jerusalén nataq'aen jenjo' aleua jo'ne Judá, yataqata am 'uo qaedi qo'mi adetelalo!