Esdras 6:14 - Toba del Oeste

¹⁴ Chane'eja gaa'me lajoĝola'te ga'me judiopi male 'noĝodetapijeguem joga'me tamenaĝaiqui, qama'le yataqata 'uo da'me lamai'j, jouaĝa't daa'me lapaĝaguenataĝanaĝaco ñaa'me Dios 'laqatanaĝanaĝanaqa jo'ne Hageo nataq'aen Zacarías, c'oĝot di'me Idó. Ga'me judiopi yataqata 'noĝodijeguem joga'me tamenaĝaiqui, chayovida'a da'me yoma't joga'me 'lonata'j, qa'a quetede'egue ga'me lamajoĝonaĝac joñe'me Nedios ga'me Israel laje'pi, nataq'aen gaa'me lamajoĝonaĝaco ñaa'me jaliaĝanaqa Ciro, Darío nataq'aen Artajerjes, jaliaĝanaqa di'me Persia.

La'aqtaqa Ñim Lo'onatac 'Enauacna 2013

¹⁴ Qaq 'era da 'eetec so lataxala'pi so judiopi, da ishet da qaltaq cot da qano'oxoosheguem qataq da qaimatta aso atamnaxaqui. Nache ỹataqta ipacchiguilo naua la'aqtaxanaxaco soua na'aqtaxanaxanaqa Hageo, qataq so Zacarías maye chegoxoguet so Iddo. Qaq 'era da 'eetec da ipacchigui da lamaxasoxonaxac Ñim Natamnaxala' so Israel le'ecpi, qataq da ipacchiguilo naua lleco maye lapaxayiñi co'ollaxa soua Ciro, Darío qataq so Artajerjes, maye nta'al ye Persia.

Esdras 6:14 Referans Kwoze

Esdras 7:1

Yenoĝodegue jaa'me 'uoidi, ca'li 'uo da'me lejaliaĝa di'me Artajerjes, 'uo joga'me novi' jiyaĝaua jo'ne lenaĝat Esdras, mach'e chiyoĝogueta di'me Seraías, Azarías, Hilquías,

Esdras 5:13

Qalaĝaja 'uo ca'li jo'me ua'a da'me male 'uo ñe'me jaliaĝanec laqaya jo'ne Ciro. Jo'me 'uaeñe uo'e ga'me lejaliaĝa ñe'me Ciro, male yamaĝalegue da'me yitaĝa qo'noĝojeguem jena'me jenjo' tamenaĝaiqui.

Esdras 4:24

Qama'le joga'me te'me yitaĝa qo'noĝojeguem joga'me Dios 'lemec jo'ne ue'ta di'me Jerusalén, male cha'li qoyaĝañi da'me qo'noĝojeguem, chayovida'a ga'me uo'e dalaĝaic ga'me 'uo ca'li lejaliaĝaiqui ñe'me Darío, jaliaĝanec di'me Persia.

Zacarías 4:9

«Zorobabel ca'li ya'uo ga'me 'lonatac jo'ne qa' lojoche jo'ne p'añe jenjo' tamenaĝaiqui, qama'le naqaeñe qomle 'noota ta'le yomat jenjo', qaedi male yataqata qoyayaten da'me naqayem jo'ne am ñamaĝaquena, mach'e jayem Jaliaĝanec jo'ne napacalegue ena'uac.

Hageo 1:8

Chane'eja male auajoyiyilo jogaa'me qajoĝona'a, qama'le adi'yaqui qomle joga'me epaq qaedi yitaĝa a'vichi joñe'me tamenaĝaiqui. Qom yem qama'le jayem yataqata matac, nataq'aen male ami jaloĝonalo da'me 'yonaĝac let'adaic.

Esdras 4:3

Qalaĝaja Zorobabel nataq'aen Josué chayovida'alo gaa'me najoĝola'te jena'me Israel laje' 'yategueta ca'li: «Ja jaqanatetaq ta'le ami qadecochaĝa'u da'me qa'noĝotapijeguem ga'me netamenaĝaiqui joñe'me Qanedios. Mach'e qo'mi qadejamaq da'me qa'noĝojeguem, qaedi janemaĝam ñe'me Dios Jaliaĝanec jenjo' Israel, qa'a naq'aeta ca'li qo'mi yamaĝalo'te ga'me Ciro, jaliaĝanec di'me Persia.»

Esdras 3:8

Ca'li joote yenoĝonegue ga'me onolec uo'e nataq'aen dos gaa'me auoĝoyaqa da'me novideta di'me Jerusalén jogaa'me qoye'n ne'uaqa ca'li, qama'le yemta 'noĝotedapijeguem ga'me tamenaĝaiqui jo'ne loĝot joñe'me Jaliaĝanec Dios. Qama'le Zorobabel, c'oĝot di'me Salatiel, nataq'aen Josué, c'oĝot di'me Josadac, choqogaa'me laqaya' jo'ne tamenaĝaiqui lo'ol nataq'aen gaa'me levita laje', chayovida'alo yema ga'me jiyaĝadipi, niquiyayelo gaa'me levita laje' jo'ne joote veinte gaa'me ne'uoidi, qaedi yelodelegue da'me 'nonataĝanaĝac.

Esdras 5:1

Jogaa'me Dios 'laqatanaĝanaĝanaqa Hageo nataq'aen Zacarías, c'oĝot di'me Idó, male 'yaĝate'tape daa'me 'naqataĝanaĝaco jo'ne chiyoqo'oto joñe'me Dios jogaa'me judiopi jo'ne ueteda'a di'me Judá nataq'aen di'me Jerusalén.

Esdras 5:2

Qama'le ñe'me Zorobabel, c'oĝot di'me Salatiel, nataq'aen ñe'me Josué, c'oĝot di'me Josadac, male yitaĝa ye't da'me 'noĝodijeguem joga'me tamenaĝaiqui jo'ne Dios loĝot, qama'le naa'me Dios 'laqatanaĝanaĝanaqa lecochiyalo ca'li.

Hageo 1:1

Ca'li male 'uo ga'me lejaliaĝa joñe'me Darío, joga'me uo'e laqaya ca'li, joga'me 'uaeñe nolo' joga'me auoĝoic sexto jo'ne Elul, qama'le jenjo' 'laqataĝanaĝac joñe'me Jaliaĝanec qoyaloĝona ñe'me 'laqatanaĝanaĝanec jo'ne Hageo, qaedi qoyanem joñe'me jo'ne yelolegue jodi'me aleua Judá, mach'e Zorobabel, c'oĝot di'me Salatiel, choqoñe'me tamenaĝaiqui lo'ol lejaliaĝanec, mach'e Josué, c'oĝot di'me Josadac. Enaac:

Zacarías 1:1

Joga'me auoĝoic jo'ne octavo, ca'li dos gaa'me 'uoidi da'me 'uo ga'me lejaliaĝa joñe'me Darío, qama'le ñe'me Jaliaĝanec jo'ne ja 'nalegue yanem jenjo' 'laqataĝanaĝac joñe'me Zacarías, c'oĝot jodi'me Berequías, laual di'me Idó, qama'le enaac:

Zacarías 1:16

Chane'eja nayi yitaĝa yataqata jichoĝoden di'me Jerusalén, qama'le nayi yitaĝa jen qo'noĝojeguem jodi'me ñetamenaĝaiqui nataq'aen yema di'me noic.»

Zacarías 8:9

Jenjo' 'laqatac ñe'me Jaliaĝanec jo'ne napacalegue ena'uac: «'Noota qom yataqata a'nañaĝachi, da'me ami jo'ne joote auomachiiya jaajo' 'laqataqa gaa'me 'yaqatanaĝanaĝanaqa, chiyoqotelegue ca'li qoya'uo joga'me p'añe jenjo' ñetamenaĝaiqui.

Esdras 6:3

«Joñe'me Ciro, joga'me 'uaeñe uo'e ga'me lejaliaĝa, male damaĝajoĝolegue da'me qo'noĝojeguem joga'me tamenaĝaiqui jo'ne Dios loĝot, na'ña di'me noic jo'ne Jerusalén, qaedi ua'a nale qoya'uo najaqaje. Joga'me tamenaĝaiqui nalo'taguet da'me veintisiete metros da'me qayaje'mec nataq'aen veintisiete metros gaa'me lael.

Esdras 6:8

Nataq'aen da'me ami, 'noota qom alecochiyalo jogaa'me judiopi jo'ne t'onataĝa'tape, qaedi yataqata qo'noĝojeguem qomle ga'me tamenaĝaiqui. Auachiyoĝochiyaue jaga'me qanaicaua jo'ne lejetenaĝanaĝa'j jogaa'me 'lachaqa't joga'me aleua jo'ne lajego di'me ñache Éufrates, qaedi auejechiñiyeque qomle jogaa'me onataĝanaĝayaqa yema joga'me qoyouetaque, qaedi ja 'viguet da'me 'nonataĝanaĝac.

Esdras 9:9

Te'me qo'mi ne'uaqa, qalaĝaja ja qo'mi 'te aĝadiñe. Ca'li maliaĝa jonaqa'ña di'me Persia, gaa'me jaliaĝanaqa yauata da'me adoqopich'i let'adaic jo'ne qo'mi auanema, qama'le qo'mi qoyaje'tema qaedi yitaĝa qa'noĝojeguem joga'me at'emec, nach'ega jo'ne qonolaĝachiñe ca'li. ¡Nayi jena'me jenjo' Jerusalén nataq'aen jenjo' aleua jo'ne Judá, yataqata am 'uo qaedi qo'mi adetelalo!

Nehemías 6:15

Ca'li joote yenoĝodegue cincuenta y dos gaa'me noloqo'ote, qama'le yema ga'me nequepaĝanaĝat di'me Jerusalén male yem, jo'me nolo' jo'ne veinticinco, jo'me auoĝoic sexto jo'ne Elul.