Esdras 5:8 - Toba del Oeste

⁸ Am jaliaĝanec, mach'e qat'aqataĝanaĝac da'me am qa'uaĝatem queda'me quelqaya jajoĝogue di'me aleua lae jo'ne Judá, qama'le jauanaĝa joñe'me tamenaĝaiqui let'adaic jo'ne loĝot joñe'me Dios jo'ne p'ajaye, da'me yitaĝa qo'noĝotapijeguem. Qama'le naa'me lael jo'ne qadi let'adayaqa joote qoye'n couelo naa'me e'epa. Jena'me jenjo' 'nonataĝanaĝac yataqata qoyiyamaĝatetac nataq'aen enegue joga'me 'nonatac.

La'aqtaqa Ñim Lo'onatac 'Enauacna 2013

⁸ 'Am sa'aqtaxanaxam da qomi' mashe souaqta'a ye 'alhua Judá, qataq seviraqa'a añi atamnaxaqui maye lalamaqte Ñim 'Amaqtaqaic Lo'onatac 'Enauacna, maye qano'oxootapiguisheguem, lo'oxonaxat qanqa'en na lta'araic coma', qataq qalapaxaua'alo naua laỹel na ỹataqta no'on qo'oipaq. Qataq ỹataqta qaiỹalapegue' de'era no'onataxanaxac da saqaỹaỹaloxon da qaimat.

Esdras 5:8 Referans Kwoze

Ester 1:22

yamaĝalo jaga'me lediije yemeda naa'me 'nachaqa'te jo'ne uo'oe ga'me aleua, jaga'me nediije ualo'te da'me mach'e 'laqataqa gaa'me neteda'ña, da'me nenaĝategue da'me naqaega ga'me le'em jo'ne nejaliaĝatelo'te gaa'me mach'e 'lachaqadiaĝa'u, qaedi yataqata qoya'uo joga'me mach'e 'laqatac.

Ester 1:1

Naajo' uo'oe joca'li ñe'me Asuero nejaliaĝatelo'te ciento veintisiete gaa'me ale'u laqaya' jo'ne laguelegue di'me India chayovida'a loiquiaqa' di'me Etiopía,

Nehemías 11:3

Janjo' uetalo'te jogaa'me najoĝola'te jo'ne neda'ña di'me Jerusalén. Nataq'aen uo'oe jogaa'me neda'ña di'me Judá jo'ne qayoĝode' gaa'me noyaqa: jogaa'me tamenaĝaiqui lo'ol, jogaa'me levita laje' choqogaa'me namaĝa's ga'me tamenaĝaiqui, nataq'aen jogaa'me jo'ne chiyoĝogueta jogaa'me lalemaĝaje'te ñe'me Salomón, nataq'aen yemeda jogaa'me Israel laje' laqaya'; onolqa'tape jogaa'me 'viyelaĝalo naa'me mach'e 'lachaqa'te.

Nehemías 7:6

«Janjo' jana'me nedaĝanaĝalate jo'ne uayelo gaa'me lenaqa'te gaa'me Israel lec'oqo'tepi jo'ne lañoqo't di'me Judá, jo'ne qoyauetegue ca'li di'me Babilonia, ca'li 'uo joñe'me jaliaĝanec Nabucodonosor, qama'le naa'me naajo' noloqo'ote male qauadegue 'viyelaĝadeta jodi'me noic jo'ne Jerusalén. Nataq'aen uo'oe gaa'me laqaya' jo'ne yec'atalo gaa'me noyaqa laqaya', qama'le onolqa'tape da'me yec'adeta naa'me mach'e 'lachaqa'te.

Esdras 7:23

»A'nañaĝachi ta'le paja'a auañiyegue qomle yema jo'ne dajelaĝanec joñe'me Dios qaedi qoye'et ga'me netamenaĝaiqui. ¡Achiya'aguet qaedi Dios ja dalemataya jenjo' mach'e yejaliaĝa nataq'aen naa'me yalaqa!

Esdras 6:10

Jepaquetapega gaa'me najaqae's jo'ne uo'oe yataqata yiyamaĝade'n joñe'me Dios jo'ne na'ague di'me piyem, nataq'aen qaedi jayem qodajelaĝalegue, da'me jayem nataq'aen naa'me yalaqa.

Esdras 2:1

Janjo' jana'me nedaĝanaĝalate jo'ne uayelo gaa'me lenaqa'te gaa'me Israel lec'oqo'tepi jo'ne lañoqo't di'me Judá, jo'ne qoyauetegue ca'li di'me Babilonia, ca'li 'uo joñe'me jaliaĝanec Nabucodonosor, qama'le naa'me naajo' noloqo'ote male qauadegue 'viyelaĝadeta jodi'me noic jo'ne Jerusalén. Nataq'aen uo'oe gaa'me laqaya' jo'ne yec'atalo gaa'me noyaqa laqaya', qama'le onolqa'tape da'me yec'adeta naa'me mach'e 'lachaqa'te.

Esdras 5:7

jo'ne enaac joga'me: «Am jaliaĝanec Darío, auaconeguet jenjo' jo'ne mach'e qadep'iyenataĝanaĝac jo'ne am qauamaĝa. Am ue'tajop 'nemaĝac nataq'aen onaĝaic ladic.

Esdras 5:9

Joote jenata' jogaa'me 'yaĝaicachidi: “¿Jach'e ga'me ami yamaĝalo'te qaedi a'noĝoñijeguem jenjo' tamenaĝaiqui, nataq'aen qaedi gaa'me qadi qoye'n couelo naa'me e'epa?”

Esdras 6:4

Nale tres gaa'me ladico jogaa'me qadi da'me qo'noĝojeguem, qama'le qonacot ga'me epaq jo'ne dalaĝaic. Ga'me laicaua lae't jena'me jenjo' nejaliaĝaiqui male mach'e yema yejeten qomle.