Esdras 5:16 - Toba del Oeste

¹⁶ Chane'eja male novi' joñe'me Sesbasar, nec'ata jena'me Jerusalén, qama'le ye'et jaga'me p'añe jena'me tamenaĝaiqui. Qama'le nach'ena chiyoqotelegue da'me qo'noĝotapijeguem, qalaĝaja maliaĝa ja yem.”

La'aqtaqa Ñim Lo'onatac 'Enauacna 2013

¹⁶ Qaq co'ollaq mashe nvita na Jerusalén so Sesbasar, nache somaye lapaxañi so lo'oxonaxala' ana atamnaxaqui maye lalamaqte Ñim Lo'onatac 'Enauacna. Qaq nache chegoqchiguiña da qano'oxootapiguisheguem anamaye, qalaxaye ñaq saxanaxa da ime.

Esdras 5:16 Referans Kwoze

Esdras 6:15

Jo'me nolo' ca'li yem ga'me tamenaĝaiqui jo'ne Dios loĝot, qoyomat jo'me nolo' ca'li tres ga'me auoĝoic decimosegundo jo'ne Adar, uo'e jo'ne seis ca'li 'uo da'me lejaliaĝa ñe'me jaliaĝanec Darío.

Esdras 3:10

Ca'li gaa'me 'noĝodijeguem male ye't jaga'me p'añe jena'me tamenaĝaiqui Jaliaĝanec loĝot, qama'le gaa'me tamenaĝaiqui lo'ol yataqata nechachidiñi, yatedañe naa'me leuo lael 'lonataĝanaĝaiqui', lajoqot'alo naa'me lajeedel. Gaa'me levita laje' jo'ne chiyoĝoteguet di'me Asaf yachi'y naa'me latoviaĝanatal, qa'a male 'nonaĝachedigui ñe'me Jaliaĝanec, qa'a naq'aeta ga'me lamajoĝonaĝac ca'li di'me David, jaliaĝanec di'me Israel.

Esdras 3:8

Ca'li joote yenoĝonegue ga'me onolec uo'e nataq'aen dos gaa'me auoĝoyaqa da'me novideta di'me Jerusalén jogaa'me qoye'n ne'uaqa ca'li, qama'le yemta 'noĝotedapijeguem ga'me tamenaĝaiqui jo'ne loĝot joñe'me Jaliaĝanec Dios. Qama'le Zorobabel, c'oĝot di'me Salatiel, nataq'aen Josué, c'oĝot di'me Josadac, choqogaa'me laqaya' jo'ne tamenaĝaiqui lo'ol nataq'aen gaa'me levita laje', chayovida'alo yema ga'me jiyaĝadipi, niquiyayelo gaa'me levita laje' jo'ne joote veinte gaa'me ne'uoidi, qaedi yelodelegue da'me 'nonataĝanaĝac.

Zacarías 4:10

Jogaa'me ca'li jo'ne ja yataqata e'n eja jenjo', ca'li yemta 'uo jenjo', nayi male made'tape qom yauata joñe'me Zorobabel, da'me male yomat jenjo' 'nonatac.» Yem ca'li joñe'me piyem le'ec yitaĝa enaac: «Naa'me naajo' siete coyadaĝanaqa'te naqaenaua 'lai'te joñe'me Jaliaĝanec jo'ne coletedapelegue jena'me aleua.»

Hageo 2:18

Nayi jo'ne nolo' veinticuatro, auoĝoic jo'ne Quisleu, male qoyejoidiñe naa'me lejogaqa'te jena'me p'añe qaedi t'añañi joga'me tamenaĝaiqui.

Esdras 5:2

Qama'le ñe'me Zorobabel, c'oĝot di'me Salatiel, nataq'aen ñe'me Josué, c'oĝot di'me Josadac, male yitaĝa ye't da'me 'noĝodijeguem joga'me tamenaĝaiqui jo'ne Dios loĝot, qama'le naa'me Dios 'laqatanaĝanaĝanaqa lecochiyalo ca'li.

Esdras 5:14

Nataq'aen damaĝajoĝolegue da'me yema qo'yiyelaĝatec jogaa'me qoyaconalo ca'li jo'ne oro nataq'aen plata, jo'ne Nabucodonosor yaconalo ca'li yachiyoĝotauelo jena'me tamenaĝaiqui jo'ne Dios loĝot, na'ña jenjo' Jerusalén, qama'le yeda'alo di'me Babilonia. Qama'le naa'me naajo' 'nonataĝanaqa'te, ñe'me Ciro damaĝajoĝolegue da'me male qoyanema ca'li joñe'me Sesbasar, jo'ne joote qoyen jaliaĝanec jena'me jenjo' aleua jo'ne Judá.

Esdras 5:15

Ciro dojapegue' ca'li ñe'me Sesbasar qaedi 'noota ta'le yitaĝa yedodi't yema jogaa'me ueteda'ajop jo'ne 'nonataĝanaqa'te, da'me yeda'alo joga'me tamenaĝaiqui jo'ne Dios loĝot, nataq'aen 'noota qom yitaĝa qo'noĝojeguem joga'me tamenaĝaiqui.

Zacarías 4:9

«Zorobabel ca'li ya'uo ga'me 'lonatac jo'ne qa' lojoche jo'ne p'añe jenjo' tamenaĝaiqui, qama'le naqaeñe qomle 'noota ta'le yomat jenjo', qaedi male yataqata qoyayaten da'me naqayem jo'ne am ñamaĝaquena, mach'e jayem Jaliaĝanec jo'ne napacalegue ena'uac.