Esdras 4:15 - Toba del Oeste

¹⁵ qama'le 'noota qom male yataqata auamaĝalegue na'me adejaliaĝaiqui qaedi yataqata qoyec'ate'n gaa'me ledii's jogaa'me 'uaediñe jaliaĝanaqa jo'ne auachiyoĝogueta. Male auejomalegue queda'me jenjo' noic yataqata ja no'en, chayovida'a 'uo ca'li da'me loqolanaqa' gaa'me jaliaĝanaqa nach'e ena'ama gaa'me ale'u lael. Yataqata auejomalegue jaa'me noloqo'ote jo'ne 'uaediñe, gaa'me 'lachaqa't di'me Jerusalén joote yaqanate't da'me nauteta ga'me nejaliaĝaiqui. Yajouaĝat da'me dojo', 'uo ca'li male qoyapalaĝat jenjo' noic.

La'aqtaqa Ñim Lo'onatac 'Enauacna 2013

¹⁵ Yaqto' 'auamaxasoxoolec da qanmit aca huetalec aso hua'auñi nerepi maye nanettalec 'enauac na ỹo'otpi so hua'au nta'alpi. Yaqto' huaña nache 'auaỹateeta da yem hueta'a yi'iye huaqta'a't nỹecpi ỹataqta qaica ca ỹalaxaguet, qataq huo'o da lchec da na'aqchet da lo'onataxanaxac na nta'alpi qataq na laỹepi na 'alhuapi. Huaña nache 'auaỹateeta da nache 'eetai' naxa da chegoqta'ague da naỹamaxara't da dataỹa'aguet na nta'alpi ỹoqo'oye ivira'a da qailaxachigui yemaye.

Esdras 4:15 Referans Kwoze

Esdras 4:12

»Cha'li am ja'aĝataĝama gaa'me judiopi jo'ne queda'e ca'li di'me Babilonia qaedi dajotegue di'me Jerusalén, queda'me male 'noĝodetapijeguem ga'me noic, jo'ne ja 'noe'n jogaa'me 'lachaqa't nataq'aen qaleuaĝayaqa. Qama'le joote e'n yataqata t'añidañi gaa'me 'lachaĝala'te joga'me qo'noĝojeguem, nataq'aen yemta 'noĝodijeguem gaa'me nequepaĝanaqa'te.

Nehemías 6:6

Janjo' lediije ñe'me Sambalat eetac: «Am qo'naĝatetapiye jena'me jenjo' noic jo'ne jonaqata'ña, nataq'aen ñe'me Guésem joote qo'mi 'yaĝatema, da'me am choqogaa'me judiopi 'uo da'me adelnataĝaqui jo'ne jetaque anaucheñiya ñe'me Artajerjes, da'me tadenochaĝa a'noĝoñijeguem joga'me nequepaĝanaĝat di'me Jerusalén. Qama'le jenjo' nepi'ic qa'a da'me am jetaque aua'uo mach'e anachiyoĝotela't queda'me jetaque am jaliaĝanec.

Nehemías 2:19

Qalaĝaja ca'li Sambalat jo'ne Horón le'ec noma'a da'me dojo', nataq'aen ñe'me Tobías, lamaĝajec jo'ne Amón le'ec, nataq'aen ñe'me Guésem jo'ne Arabia le'ec, qama'le qo'mi ye'ue'tape nataq'aen enaa'j: «¿Jach'e ga'me aueñetapega ta'le auauoyi? ¿Qo'li jetaque anaucheñiya ga'me jaliaĝanec Artajerjes?»

Esdras 4:14

Da'me qo'mi yataqata jauoqo ga'me adamajoĝonaĝac, am jaliaĝanec, qama'le ja jajenaqa'tem ta'le naq'aeta da'me am qoye'uetac qomle. Chane'eja am janemaĝam nayi jenjo' qat'aqataĝanaĝac,

Esdras 4:16

Qopaquetapega am jaliaĝanec, qom yitaĝa qo'noĝojeguem jena'me jenjo' noic, uotaĝa yem da'me yitaĝa qoye'et ga'me nequepaĝanaĝat, qama'le da'me am ja auaqanatet da'me anejaliaĝatelegue jena'me jenjo' aleua lae jo'ne ua'ague ga'me chauo'o ga'me ñache Éufrates.»

Ester 2:23

Ñe'me jaliaĝanec en qonaloqoten jena'me 'uo, qama'le ca'li male yayaten da'me yataqata eja, damaĝajoĝolo'te qaedi naajo' dos qoyecoñededajeguem. Qama'le da'me dojo' qoyediñe ca'li, qa'a ñe'me jaliaĝanec en ualegue jajo'me nede jo'ne lae't gaa'me ledii's gaa'me jaliaĝanaqa ca'li.